Y
Yousef ELmasry
:: مسافر ::
سلطنة بروناي الجزء الثاني:
أهلا بيكم في دولة بروناي دار السلام الجزء الثاني
قبل كل شئ أنا باعتذر لكل الناس الى بيكلمونى خاص لأني بسبب ظروف الشغل مش عارف أرد على كل الناس ... إن شاء الله في الجزء دة تلاقوا إجابة لكل ما يشغل بالكم وشرح لمعظم الأسئلة الى بتتكلم عن زيارة في بروناي
من العاصمة بندر سري بيجاوان يحييكم يوسف المصري و ينقل لكم الصورة كاملة عن بلاد الذهب و الثراء الفاحش و الأعلى دخلا فى العالم (للمواطنين المحليين فقط)
بروناي يا أهل الجروب بتتحدث لغة الملايو بشكل أساسي و دي لغة أهل ماليزيا و اندونيسيا كمان...أما اللغة التانية فهي الإنجليزية
بس الميزة الحلوة بقى إنك عشان تعيش هنا مش محتاج سترونج أنجلش
يعني هما برضة الانجليزي بتاعهم عادي و مفهوم .. و بالنسبة لاخواتنا الى عايشين فى الخليج فالأمر أشبه بالتحدث مع الهنود ..انجليزي مكسر كدة لايت و مفهوم و مش بيتريق على الانجليزي بتاعك مهما غلطت لأنه هو نفسه بيتعلم زيك
بالنسبة للشعب البروناوي فهو شعب غير عنصري و قلبه طيب جدا..و يكفي أقلكم إنى النهاردة كنت معزوم عند أسرة برناوية احتفالا بعيد الفطر المبارك الى كان من كام اسبوع دة
هما هنا بيحبوا يحتفلوا بعيد الفطر لمدة شهر و بيعزموا بعض بطريقة اسمها اوبن هاوس..بمعنى انك بتخش مع نفسك كدة تاخد طبق و تلاقي اوبن بوفيه زي الفنادق بالظبط لحوم و فراخ و سمك و رز و كدة و عصاير و تاكل براحتك و تسلم على اهل البيت و تمشي
كمان الحياة هنا مختلطة للغاية لأنه المغتربين يكاد يكونوا أكتر من المواطنين المحليين عددا ...في تنوع ثقافي كبير و انا شخصيا من يومين قابلت تلاتة لسة متحولين للإسلام من قريب من جنسيات مختلفة و الدنيا بييس مفيش مشاكل
أخر جريمة حصلت في بروناي كانت 1997 ...الدنيا امان جدا..و لو قارنت الوضع دة بمصر هتكون مقارنة قاسية جدا..و السبب في رأيي إن الناس هنا شبعانة فلوس و السلطان مظبطهم معاشات و تعليم و صحة ببلاش تماما (للمواطنين المحليين فقط) فمش محتاجين يعملوا مشاكل مع بعض
نيجي بقى لموضوع السفر لبروناي و هنا البوست هينقسم لتلاتة :
1- ناس عاوزة تيجي سياحة
2-ناس عاوزة تيجي هنا بيزنس يمكن يلاقوا لقمة عيش حلوة و معاهم راس مال
3-ناس كانت متوسطة الدخل في مصر زي حالاتى و الظروف الاقتصادية عصفت بيهم و معهمش فلوس و عاوزين اى فرصة في أي بلد (و دول ليهم بوست لوحدهم هما و رقم اتنين)
أولاً بالنسبة للسياحة:
بروناي كدولة صغيرة و طولها حوالى 140 كيلو متر مفهاش معالم كتيرة و يدوب يومين تلم الدنيا كلها ..هي ساعتين من ماليزيا فممكن تزورها من هناك
بس طبعا لازم تروح ترمي السلام على قنصل بروناي في مصر و دة هتلاقيه فى الزمالك شارع محمد مظهر قدام هيلتون ريزدنس بالظبط و شغالين السبت عادى و أخر مواعيدهم 2 الضهر و المعاملة ممتازة جدا و قمة الاحترام و الموظفين مصريين
الفيزا حاليا من كام اسبوع ب 20 دولار بس و مفيش صعوبة انك تيجي سياحة بس لو فكرت تيجي سياحة و تكسر الفيزا هتتنفخ و تتحبس و مش بعيد يعدموك
just kidding
معاليك هتاخد فيزا حوالى 20 يوم و لازم تركب ترانزيت لأنه مفيش طيران مباشر لبروناى من مصر فممكن تروح الامارات او اسطنبول او اى مكان تروح منه كوالا لامبور و من هناك تيجي على بروناى بعد طيران ساعتين
أهم المعالم السياحية (جامع السلطان عمر علي سيف الدين ) و دة ابو السلطان الحالي حسن البلقية..الجامع حاجة خرافية و قبة من الدهب الخالص...شئ اسطوري بجد و كمان في معبد صيني حلو جدا و كمان في أكبر قرية مائية في العالم اسمها كامبنج أير و دي زي فينيسا بس أهلها صيادين و شوية متاحف و غابات مالهاش لازمة بالنسبة لنا لأنها بتحكي تاريخ بروناى غالبا و دخولها ببلاش
قصر السلطان بقى بيتفتح في العيد بس للشعب و عدد الغرف بتاعته كبير جدا تقريبا 1300 غرفة كل واحدة فيها مقتنيات رهيبة
هنا مفيش تاكسي الا قليل جدا و غالي لأن العربيات نفسها رخيصة جدا لدرجة انهم عاملين زي عادل أدهم بالظبط لما قال (لما صباعي بيوجعنى مبعالجوش ...بقطعه) هما كدة بالظبط..لو عربية قرفتهم مثلا..مش بيودوها لميكانيكي...بيشتروا غيرها فورا
الدنيا هنا مطر على طول و ف أي وقت فتعمل حسابك بقى على أى غطاء للرأس
لما تيجي هنا أنواع العصير خرافية بمعنى الكلمة و نكهات جامدة جدا و الأكلة الشعبية المحلية اسمها ناسيكوتوك
و دي عبارة عن فراخ و رز و صوص
تخيلوا الفراخ الأكلة الشعبية هناو تمنها دولار واحد ..يعني زي جنيه مصري مثلا بالنسبة لهم
هنا الناس كلها بلا استثناء عايشين في فيلل و كل فيلا فيها حوالى 5 او 6 عربيات
باستثناء الجماعة الهنود وا لبنغال بيعيشوا فى مساكن زي العماير كدة معرفش ليه
بكرة ان شاء الله انزل البوست الخاص بالشغل هنا لأنه محتاج كلام كتير و عشان
يكون مفيد ليكم من غير أي اختصار
تقعدوا بالعافية
أهلا بيكم في دولة بروناي دار السلام الجزء الثاني
قبل كل شئ أنا باعتذر لكل الناس الى بيكلمونى خاص لأني بسبب ظروف الشغل مش عارف أرد على كل الناس ... إن شاء الله في الجزء دة تلاقوا إجابة لكل ما يشغل بالكم وشرح لمعظم الأسئلة الى بتتكلم عن زيارة في بروناي
من العاصمة بندر سري بيجاوان يحييكم يوسف المصري و ينقل لكم الصورة كاملة عن بلاد الذهب و الثراء الفاحش و الأعلى دخلا فى العالم (للمواطنين المحليين فقط)
بروناي يا أهل الجروب بتتحدث لغة الملايو بشكل أساسي و دي لغة أهل ماليزيا و اندونيسيا كمان...أما اللغة التانية فهي الإنجليزية
بس الميزة الحلوة بقى إنك عشان تعيش هنا مش محتاج سترونج أنجلش
يعني هما برضة الانجليزي بتاعهم عادي و مفهوم .. و بالنسبة لاخواتنا الى عايشين فى الخليج فالأمر أشبه بالتحدث مع الهنود ..انجليزي مكسر كدة لايت و مفهوم و مش بيتريق على الانجليزي بتاعك مهما غلطت لأنه هو نفسه بيتعلم زيك
بالنسبة للشعب البروناوي فهو شعب غير عنصري و قلبه طيب جدا..و يكفي أقلكم إنى النهاردة كنت معزوم عند أسرة برناوية احتفالا بعيد الفطر المبارك الى كان من كام اسبوع دة
هما هنا بيحبوا يحتفلوا بعيد الفطر لمدة شهر و بيعزموا بعض بطريقة اسمها اوبن هاوس..بمعنى انك بتخش مع نفسك كدة تاخد طبق و تلاقي اوبن بوفيه زي الفنادق بالظبط لحوم و فراخ و سمك و رز و كدة و عصاير و تاكل براحتك و تسلم على اهل البيت و تمشي
كمان الحياة هنا مختلطة للغاية لأنه المغتربين يكاد يكونوا أكتر من المواطنين المحليين عددا ...في تنوع ثقافي كبير و انا شخصيا من يومين قابلت تلاتة لسة متحولين للإسلام من قريب من جنسيات مختلفة و الدنيا بييس مفيش مشاكل
أخر جريمة حصلت في بروناي كانت 1997 ...الدنيا امان جدا..و لو قارنت الوضع دة بمصر هتكون مقارنة قاسية جدا..و السبب في رأيي إن الناس هنا شبعانة فلوس و السلطان مظبطهم معاشات و تعليم و صحة ببلاش تماما (للمواطنين المحليين فقط) فمش محتاجين يعملوا مشاكل مع بعض
نيجي بقى لموضوع السفر لبروناي و هنا البوست هينقسم لتلاتة :
1- ناس عاوزة تيجي سياحة
2-ناس عاوزة تيجي هنا بيزنس يمكن يلاقوا لقمة عيش حلوة و معاهم راس مال
3-ناس كانت متوسطة الدخل في مصر زي حالاتى و الظروف الاقتصادية عصفت بيهم و معهمش فلوس و عاوزين اى فرصة في أي بلد (و دول ليهم بوست لوحدهم هما و رقم اتنين)
أولاً بالنسبة للسياحة:
بروناي كدولة صغيرة و طولها حوالى 140 كيلو متر مفهاش معالم كتيرة و يدوب يومين تلم الدنيا كلها ..هي ساعتين من ماليزيا فممكن تزورها من هناك
بس طبعا لازم تروح ترمي السلام على قنصل بروناي في مصر و دة هتلاقيه فى الزمالك شارع محمد مظهر قدام هيلتون ريزدنس بالظبط و شغالين السبت عادى و أخر مواعيدهم 2 الضهر و المعاملة ممتازة جدا و قمة الاحترام و الموظفين مصريين
الفيزا حاليا من كام اسبوع ب 20 دولار بس و مفيش صعوبة انك تيجي سياحة بس لو فكرت تيجي سياحة و تكسر الفيزا هتتنفخ و تتحبس و مش بعيد يعدموك
just kidding
معاليك هتاخد فيزا حوالى 20 يوم و لازم تركب ترانزيت لأنه مفيش طيران مباشر لبروناى من مصر فممكن تروح الامارات او اسطنبول او اى مكان تروح منه كوالا لامبور و من هناك تيجي على بروناى بعد طيران ساعتين
أهم المعالم السياحية (جامع السلطان عمر علي سيف الدين ) و دة ابو السلطان الحالي حسن البلقية..الجامع حاجة خرافية و قبة من الدهب الخالص...شئ اسطوري بجد و كمان في معبد صيني حلو جدا و كمان في أكبر قرية مائية في العالم اسمها كامبنج أير و دي زي فينيسا بس أهلها صيادين و شوية متاحف و غابات مالهاش لازمة بالنسبة لنا لأنها بتحكي تاريخ بروناى غالبا و دخولها ببلاش
قصر السلطان بقى بيتفتح في العيد بس للشعب و عدد الغرف بتاعته كبير جدا تقريبا 1300 غرفة كل واحدة فيها مقتنيات رهيبة
هنا مفيش تاكسي الا قليل جدا و غالي لأن العربيات نفسها رخيصة جدا لدرجة انهم عاملين زي عادل أدهم بالظبط لما قال (لما صباعي بيوجعنى مبعالجوش ...بقطعه) هما كدة بالظبط..لو عربية قرفتهم مثلا..مش بيودوها لميكانيكي...بيشتروا غيرها فورا
الدنيا هنا مطر على طول و ف أي وقت فتعمل حسابك بقى على أى غطاء للرأس
لما تيجي هنا أنواع العصير خرافية بمعنى الكلمة و نكهات جامدة جدا و الأكلة الشعبية المحلية اسمها ناسيكوتوك
و دي عبارة عن فراخ و رز و صوص
تخيلوا الفراخ الأكلة الشعبية هناو تمنها دولار واحد ..يعني زي جنيه مصري مثلا بالنسبة لهم
هنا الناس كلها بلا استثناء عايشين في فيلل و كل فيلا فيها حوالى 5 او 6 عربيات
باستثناء الجماعة الهنود وا لبنغال بيعيشوا فى مساكن زي العماير كدة معرفش ليه
بكرة ان شاء الله انزل البوست الخاص بالشغل هنا لأنه محتاج كلام كتير و عشان
يكون مفيد ليكم من غير أي اختصار
تقعدوا بالعافية