بوست للخبراء من فضلكم ضروري جدا ..حجزت على...

[Lily Shehab]

بوست للخبراء من فضلكم ضروري جدا ..حجزت على اليونانية لتركيا ترانزيت اثينا ل5 افراد وللاسف مكنتش اعرف موضوع الفيزا الالكترونية لتركيا مش مسموح نسافر بيها على اليونانية ..ومعايا طفلة ووالدى معاهم الكتروني والحجز غير مسترد ..اعمل ايه غير انى اخسر تمن التيكتس ..

 

[Lily Shehab]

كلهم معاهم فيزا على الباسبور ماعدا والدى عنده 60 سنة وبنتى 3 سنين

 

[Lily Shehab]

المشكلة الفيزا الكترونية الطيران اليونانى بيقولى ممنوع يسافرو ترانزيت

 

[Lily Shehab]

ايوة السفر على الطيران اليوناني لتركيا ممنوع بفيزا الكترونية لان فى ترانزيت ف اثينا ..موظف المكتب بتاع ايجين ف المطار

 

[Menna Mokhtar]

هو الفكرة ان ترانزيت فى اليونان من غير شنجن هو المشكلة مش موضوع فيزا الكترونى او فى الباسبور

 

[Lily Shehab]

بيقولي لازم يختمو على الباسبور ف مطار اثينا ..الفيزا الالكترونية ممنوعة لازم طيران دايركت تركي او مصري

 

[Rasheed AbdulMajeed]

طيب علشان افهم.. دلوقتي حضرتك بتقولي انكم 5 افراد.. بالنسبة لكبار السن و الاطفال بيخشوا تركيا عادي الفيزا إليكترونية...

بالنسبة للباقيين.. حضراتكم معاكم فيزا من السفارة التركية؟

 

[Sheriif M. Shoukry]

الفيزا الالكتروني مش بيعترفو بيها الطيران اليوناني يا تسافرو علي مصر للطيران يا الطيران التركي

 

[Sherif Rashad]

ايه الموضوع ده يا جماعة ...ازاي بس...يعني لو معايا فيزا شنجن و فيزا تركيا اليكترنيك مدخلش تركيا الا اذا كنت طيران تركيا او مصر للطيران؟؟؟

 

[Sherif Rashad]

متهيالي في حاجة مش مفهومة

 

[وحيد عبد المقصود]

لازم تطلع علي الطيران المحدد وفي السفارة مش هايوافق علي فيزا في الجواز

 

[وحيد عبد المقصود]

ربنا يعوض عليكي في التذكرة

 

[Lily Shehab]

طيب سؤال يا جماعة التيكتس الغير مستردة لو كنسلتها مش هاخد اى فلوس خالص؟؟ ولو هاخد اقصى مبلغ اخده كام؟

 

[Sherif Rashad]

بصي قدامك حل من اتنين::
ذي مقال احد السادة الافاضل انك تروحي للسفارة و تاخدي فيزا عادية ز
او انك تكلمي او تبعتي ميل لشركة الطيران و فهميهم المشكلة و ابعتيلهم صور فيزا تركيا الاليكترونيك و شروظها اللي هي هتلاقيها علي الويب سايت بتاع الاليكترونيك فيزا و هما بيتفهموا الوضع و ممكن يخصم في حدود 60 دولاز من كل تذكرة

 

[Moustafa Nassar]

السفر امتى؟؟؟

 

[Ahmed Essam]

الفيزا الالكترونية شرط تكون مسافر مصر للطيران او بيجاسوس او الطيران التركي

 

[Mohamed Bader]

حضرتك حجزة ذهاب وعوده

 

[Lily Shehab]

طيب هل فى ختم على الباسبور لو ف ترانزيت اليونان ؟! والا دا اي كلام؟

 

[Sherif Rashad]

لا مفيش اختام لان دي international transit area...و لانك مش هتخرجي بره المطار فا مش بتعدي الجوازات بتاعتهم

 

[Mohammed Abd Elkader]

ممكن تكلمي الشركة وتطلبي منهم يخلوا التذكرة دي رصيد ليكي عندهم
لو وافقوا يبقى كدة حليتي نص المشكلة و مخسرتيش الفلوس بس هتضطري تحجزي من جديد على خطوط تانية تناسب فيزتك وده الحل الأفضل