I
Ivan Enrique Gomez Castro
:: مسافر ::
اليومين دول في موضة جديدة طلعت وهى قبرص الشباب كلة عايز يسافرها يشتغل فاكرنها سويسرا كنت في قبرص من يومين وشفت قدامى القصة دى واحد مصرى من كفر الشيخ ادا واحد سمسار ٢٥ الف جنية عشان يطلعوا قبرص وهو صرف عليهم ٢٥ الف كمان تذاكر وتغيير عملة وفنادق السمسار باعلة سمك في مايا وقالة حتنزل حتلاقي شغل وتعملك الفين يورو في الشهر وقبرص ياما هنا ياما هناك طبعا صدق وراح.. في مصر هو بيشتغل سواق وعندة اربع عيال وعلى كلامة ظروفة صعبة راح قبرص نزل في فندق كل يوم يطلع يدور على شغل مفيش وهو ميعرفش يعمل لجوء عشان عيالة ومراتة وميعرفش طبعا يتجوز وضع صعب وفي الاخر نزل مصر حاولت اساعدة ونكلم السمسار دة يرجعلة فلوسة السمسار دة بقي جايبها من واحد اسمة محمود في السفارة بياخد ٢٠ الف جنية على كلامة وهو اخد خمسة بس الخلاصة قبرص مفيهاش لجوء للمصرين حتعمل حالة وتترفض في الاخر والشغل في مزارع بعقد بيتكلف ٢٠٠٠ يورو والمرتب من ٦٠٠ ل ٧٥٠ في الشهر وفيزا قبرص بقت صعبة جدا اليومين دول وبعد حالات تقديم اللجوء من المصريين حاليا والشغل الاسود في المزارع حتتقفل اكتر وحتبقي زى كرواتيا كدة وياريت محدش يقول الباسبور المصرى تانى المصريين هما السبب قبرص دى زمان كانت البيعدى من باب السفارة بياخدها وكمان في حاجة تانية الفاكر ان قبرص كوبري للشنجن لا هما انصح برضوا السكة دى اتعرفت اي حد يروح قبرص وبعدها يقدم شنجن يترفض