M
Mahmoud Samir Bedair
:: مسافر ::
بوست استفزازى لمحبى المغامرات المتريشين 
لان دى بلد تم اختيار عاصمتها اوسلو كاغلى تكلفة معيشة على كوكب الارض بعد طوكيو
حالفنى الحظ انى عديت عليها يومين كده عالماشى لما كنت راجع من ايسلاندا بس مكنتش مسافرلها مخصوص
لكن اكتشفت انها برضه من اكتر الاماكن المتميزه فى العالم.
9- النرويج
معلومتين عالسريع
من دول الشينجن. مش من دول الاتحاد الاوروبي. عملتها الكرونا النرويجيه مش اليورو.طيران النرويجيه ممتاز و اسعاره رخيصه.
مساحتها حوالى 390 الف كيلومتر مربع تعداد سكانها 5 مليون, من اعلى مستويات المعيشه و اغنى بلاد العالم بالثروات.بتضم اقرب منطقة مأهولة على مدار السنة للقطب الشمالى.(جزيرة سفالبارد).
ده غير مدينة ترومسو الشهيرة فى الشمال اللى بيسموها باريس الشمال اللى فيها اجمل مناظر طبيعيه و جبال و بحيرات بعيدة عن التلوث فبالتالى بيكون مشهد الانوار القطبيه متكرر. ترومسو برضه مشهورة برحلات تتبع الحيتان اللى بتكون عايشه بسلام فى بحر النرويج و الشمال.
في كمان مدينة بيرجن في الجنوب الغربي جميله جدا و هى تان اكبر مدن النرويج.
اما العاصمة اوسلو فمشهورة بحاجات كتير منها تنظيم حفل جوائز النوبل فى قاعة المدينة الرئيسية و مشهورة بالاوبرا بتاعتها اللى على خليج الفيورد الجميل فى اوسلو, و منطقة المارينا(آكر بريجي) اللى مليانة مطاعم ومحلات و حديقة فيجلاند و القصر الملكى و منطقة بيجدوى.
اوسلو مدينة بتتميز بهدوء و سكينة غريبه و جمال فى طباع الناس اللى بيحبوا الاجانب جدا خصوصا لو من اعراق مختلفه.
فى الصيف مشهد الاطفال و هما بيلعبوا فى الشمس اللى نادره عندهم مع البط اللى بيسبح على شط الفيورد حاجه من كوكب تانى. انا زورتها فى الصيف و كان انسب وقت لزيارتها عشان تعرف تاخد رحلة بالمركب فى خليج الفيورد و تتفرج على البيوت اللى على الشط و تتخيل الخليج ده ازاى بيكون متجمد تماما فى الشتاء و بيتم استبدال المراكب بالعربات الخفيفه للتنقل.
ولمحبى رياضات الشتاء لو استحملتم برد اوسلو و ترومسو انتوا فى المكان الصحيح. النرويجيين بيقال عنهم انهم بيتولدوا بالزلاجات مشهورين جدا و متفوقين جدا فى ال skiing
عندهم اطول ski jump فى العالم فى منطقة هولمنكولن اللى فيها برضه متحف لرياضات التزلج و تاريخها و فى الصيف لما التلج بيذوب بتتحول لاطول zipline فى العالم
اللى ربنا كرمه و يقدر على فلوسها مش حيندم. انا زورت اوسلو بس و هولمنكولن و نفسي فى يوم من الايام اروح ترومسو تانى لو ورثت
استمتعوا بالصور (منوع النقل)اول ٣ صور من جوجل
لمتابعة باقي الرحلات
/Traveller experience
لان دى بلد تم اختيار عاصمتها اوسلو كاغلى تكلفة معيشة على كوكب الارض بعد طوكيو
حالفنى الحظ انى عديت عليها يومين كده عالماشى لما كنت راجع من ايسلاندا بس مكنتش مسافرلها مخصوص
لكن اكتشفت انها برضه من اكتر الاماكن المتميزه فى العالم.
9- النرويج
معلومتين عالسريع
من دول الشينجن. مش من دول الاتحاد الاوروبي. عملتها الكرونا النرويجيه مش اليورو.طيران النرويجيه ممتاز و اسعاره رخيصه.
مساحتها حوالى 390 الف كيلومتر مربع تعداد سكانها 5 مليون, من اعلى مستويات المعيشه و اغنى بلاد العالم بالثروات.بتضم اقرب منطقة مأهولة على مدار السنة للقطب الشمالى.(جزيرة سفالبارد).
ده غير مدينة ترومسو الشهيرة فى الشمال اللى بيسموها باريس الشمال اللى فيها اجمل مناظر طبيعيه و جبال و بحيرات بعيدة عن التلوث فبالتالى بيكون مشهد الانوار القطبيه متكرر. ترومسو برضه مشهورة برحلات تتبع الحيتان اللى بتكون عايشه بسلام فى بحر النرويج و الشمال.
في كمان مدينة بيرجن في الجنوب الغربي جميله جدا و هى تان اكبر مدن النرويج.
اما العاصمة اوسلو فمشهورة بحاجات كتير منها تنظيم حفل جوائز النوبل فى قاعة المدينة الرئيسية و مشهورة بالاوبرا بتاعتها اللى على خليج الفيورد الجميل فى اوسلو, و منطقة المارينا(آكر بريجي) اللى مليانة مطاعم ومحلات و حديقة فيجلاند و القصر الملكى و منطقة بيجدوى.
اوسلو مدينة بتتميز بهدوء و سكينة غريبه و جمال فى طباع الناس اللى بيحبوا الاجانب جدا خصوصا لو من اعراق مختلفه.
فى الصيف مشهد الاطفال و هما بيلعبوا فى الشمس اللى نادره عندهم مع البط اللى بيسبح على شط الفيورد حاجه من كوكب تانى. انا زورتها فى الصيف و كان انسب وقت لزيارتها عشان تعرف تاخد رحلة بالمركب فى خليج الفيورد و تتفرج على البيوت اللى على الشط و تتخيل الخليج ده ازاى بيكون متجمد تماما فى الشتاء و بيتم استبدال المراكب بالعربات الخفيفه للتنقل.
ولمحبى رياضات الشتاء لو استحملتم برد اوسلو و ترومسو انتوا فى المكان الصحيح. النرويجيين بيقال عنهم انهم بيتولدوا بالزلاجات مشهورين جدا و متفوقين جدا فى ال skiing
عندهم اطول ski jump فى العالم فى منطقة هولمنكولن اللى فيها برضه متحف لرياضات التزلج و تاريخها و فى الصيف لما التلج بيذوب بتتحول لاطول zipline فى العالم
اللى ربنا كرمه و يقدر على فلوسها مش حيندم. انا زورت اوسلو بس و هولمنكولن و نفسي فى يوم من الايام اروح ترومسو تانى لو ورثت
استمتعوا بالصور (منوع النقل
)اول ٣ صور من جوجللمتابعة باقي الرحلات
/Traveller experience