اولا انا مش فاهمة انا ليه كان مقفوللي البوست...

  • بادئ الموضوع بادئ الموضوع Alex H. Ebrahim
  • تاريخ البدء تاريخ البدء
عرض العطلة
A

Alex H. Ebrahim

:: مسافر ::
#1
اولا انا مش فاهمة انا ليه كان مقفوللي البوست من. قبل؟، ثانيا انا في دهب وعاوزة انا واصحابي اتنين غيري نقضي ليلة في ال blue lagoon وحاليا انا في الممشى فحد عنده معلومات للمواصلات و التفاصيل كلها بالأسعار لاني مش عارفة حاجة هنا وطبعا لما بسأل مثلا صاحب الكامب أو كدا بيضربلي أسعار خيالية
 
#3
فى مكاتب رحلات فى الممشى كتير اسألى و شوفى الاسعار
و فى حد كويس كنت جربته اسمه ويسا جنب فندق على بابا لاصق فيه شوفى عنده
 
#4
تقريبا رحله بلو لاجون بالبلوهول بابوجالوم هتكلفك ١٥٠ جنيه بالاكل بالمركب ممكن اكتر شويه وليله البيات في الخيم هناك هتلاقيها ٣٠ جنيه للفرد
 
عرض العطلة
#6
بصى يا ستى
خدى غربيه ربع نقل الى البلو هول
و من هناك أمشى شويه على رجليكى لغاية بداية الغطس بتاع البلو عول حتلاقى مارينا ... ×أتعرفى على اللى حواليكى و خدوا مركب شركه لأبوجالوم ب 150 جنيه تقريبا
و من هناك حتاخدوا عربيه ربع نقل بحوالى 50 جنيه لللبلو لاجون و أسألى عن كامب صالح العتيق أو جمال
الأتنين حبايبى و عندهم كامبات و قوليلهم أنك من طرف د. محمد حلمى من اسكندريه ... حيظبطولك الكلام :)
 
#9
طيب ياجماعة اولا متشكرة جدا لاهتمامكو ثانيا انا اسفة اني اتأخرت في الرد النت والموبايل كان زفت من ساعة ما رحت البلو لاجونا ولقط السعودية ومن ساعتها مظبطش غير مارجعت القاهرة، من ناحية اتضحك عليا في فلوس حصل بس كنت متوقعاه يعني بما اني رايحة مكان اول مرة معنديش فكرة عن أي أسعار هناك بس خدت خبرة، ومن ناحية اني اتضحك عليا واتكروتت في الرحلات الطلعناها برضو حصل بس يلا المرة الجاية افهم اكتر، اما الجزء التاني من رحلتي وهي اني الاقي فكرة مشروع هناك فدى عاوزة بوست لوحدها
 
#10
اوعى تروحى اى مكتب تنظيم رحلات من اللى عالممشى بيزودوا كتير جدا,انا كان هيتنصب عليا قبل كده منهم بس رجعت فلوسى من عينيهم الحمدلله
شوفى اى سواق بعربية رانجلر يوديكى و اتفقى معاه على رحلة الجبل هو يطلعك..انا مش فاكرة اسم السواق بس روحى مطعم الفنار اساليهم هناك عن سواق عايش فى دهب معاه راانجلر قديمة اللى بيرشحوه لاى حد هيقولولك على اسمه و رقمه و بالمناسبة جربى اكل مطعم الفنار تحفة
 
عرض العطلة
#11
انا كمان مقفول عندي تقريبا انا كنت فاكر اني انا اللي مش عارف اكتب البوست ازاى و عمال انزل الرسالة ديه في بوستات تانية انا عاوز اسئل على حاجة على الجروب و مش عارف ازاى ممكن حد يساعدني لان عندي امتحان ايلتس علشان الفيزا و كنت عاوز اسئل اى حد يكون عنده خبره في الامتحان ارجو ان حد يرد عليا بسرعة لان امتحاني يوم السبت القادم و محتاج اى مساعدة ممكنة و شكرا
 
عرض العطلة
عرض العطلة
أعلى أسفل
عودة
قائمة