A
Ahmed Fawzy
:: مسافر ::
الصديق والطريق والسفر ....
" اختار الصديق قبل الطريق" مثل معروف وشهير جدا بنستخدمه في اننا نوصف علاقتنا باصحبنا الي بنحبهم بس ماحدش فينا فكر قبل ايه المعنى الحقيقي للجملة دي .... وهل لما المثل دا لما اتقال معقول كان يعني انك ممكن تغير كل طريقك وتاخد طريق تاني عشان فيه صديق يستحق انك تبقى معاه ما اديتش الموضوع اي اهمية غير لما خضت التجربة وعرفت فعلا انك لازم تختار الصديق قبل الطريق ..
انا واحد من الناس الي بيحبو يسافرو جدا جدا وبيلاقو نفسهم في السفر قوي ... انا مش رحالة طبعا زي الناس الي بتسافر بشنطتها على ضهرها ولا بلوجر عندي بيج ومعلومات كبيرة عن كل دول العالم الي تخليني اوجه الناس واديهم افضل النصايح لكل بلد الخ من صفات الرحالة.... بس بعرف اسافر لوحدي وببقى متاقلم جدا في السفر لوحدي ... ويمكن ليا بوستات هنا على الجروب بتايد جدا انك تسافر لوحدك ... ومن كتر ما رتبت رحلات مع ناس كتير وفشلت وناس كتير وعدتني انها تسافر معايا وخلعت اخدت قرار بيني وبين نفسي ان موضوع الصحبة دا مش المفروض يوقفني خالص ... وبقيت احدد المكان ...واطلع الفيزا واسحب شنطتي واسافر لوحدي ... لحد ماجربت المرة دي اسافر ومعاي الصديق الصح ... واقدر اقول ان هي دي المرة الوحيدة الي سافرت فيها رغم ان البلد مش اعظم بلد ممكن تروحها ....
المكان : هونج كونج
الزمان : في اكتر ايام حر في الدنيا
البداية : كانت قاعدة عادية جدا مع momen وبنتكلم في اننا عايزين نسافر ونغير جو ووشوش .... وان الدنيا في مصر بقت غالية في كل حاجة بشكل يضايق ... واننا ممكن نسافر برة بتكلفة قليلة جدا .... على اعتبار انه اجن واحد شفته في الدنيا وبالمناسبة دي احب اعرفكم
ز Momen El-SheNawyراجل بلوجر معروف قوي في اسكندرية ... و رياضي قديم و عجوز ... من هواة الموتسكلات ... بيحب القراءة وكاتب ساخر لظروف الحال بيشتغل ........ (مابيحبش يقول شغلته بس هي ابعد ما يكون عن تصور اي حد بيقرا البوست دا ) تركيبة كدة متلخبطة اكيدالي يعرفه فاهمني كويس ... المهم .... قررنا نسافر هونج كونج على اعتبار انها تعتبر اقل الدول تعقيدا في الاجراءات بالنسبة لمستوى التحضر والنظافة الي فيها رتبنا .... اتفقنا ورتبنا كل حاجة في اقل من اسبوع ... وقبل مانحجز بيوم مؤمن قالي معانا صحبة الطلعة دي .... انا بيني وبين نفسي قلت اساسا ربنا يستر على السفرية دي مني انا ومؤمن .. هيجيبلنا صحبة كمان المهم واحنا قاعدين اخر مرة دخل علينا Ahmed Hamdy وبالمناسبة الراجل دا يمكن معرفش اوصفه قوي بس اعتقد انه اكبر بكتير من اني اوصفه في سفرية مدتها 5 ايام بس هي .... هو صاحب واحد من اعز اصحابي كنت اعرفه بعيد عن مؤمن سلامات وكدة ... هو اكبر مننا بحوالي عشر سنين ... رئيس قطاع كبير في بنك معروف لو شفته في الشغل وبرا لا يمكن ابدا تقول انه نفس الشخص ... راجل هادي جدا وتقيل قوي ... ودمه شربات ... راجل فعلا trouble dealer من الدرجة الاولى ... بيعرف يمسك كاميرا و يصور جدا ... مطلع قوي ...موسوعة ماشية على الارض ... دا غير خبرة السن طبعا ... والغريبة اننا واحنا بنتكلم انه كان اول مرة يعرف انه مسافر .... واول مرة يعرف اننا رايحين هونج كونج ... والاغرب بقى انه وافق فورا ... انا ساعتها قلت كدة كملت
الوقت مش احسن وقت تروح فيه هونج كونج ... درجة حرارة 35 ورطوبة 98% فرن رطوبة ... قبل الطلعة كان فيه كمية عكوسات مش طبيعية تخلي اي حد عاقل يقول لنفسه اهرب يا ياسين من الفرية دي ...
خد عندك : واحنا بنحجز التذاكر اتلخبطنا ومؤمن حجز تذكرة واحدة بس والموقع قفل بعدها الطيارة دي وفتح طيراة بعدها .... مشكلته ان وقت ترانزيت بتاعه في دبي ضيق قوي ... انا واحمد سافرنا في رحلة بعدها فيها 18 ساعة ترانزيت يعني هنتقابل بعد يوم في هونج كونج .... قبل السفر كان باسبوري في سفارة فرنسا لاني كنت ناوي اطلع في 9 ولسوء الحظ الباسبور قعد في السفارة 20 يوم على غير العادة واتفقنا اني مش مسافر لحد يوم السفر مؤمن قالي جرب ... فرحت لقيته خلص وعليه فيزة فرنسا كمان .... يعني كتلكيكة لو حد عاقل كان هيقول وش احلق وطير على اوروبا ... اتاخرنا جدا على الطيارة لدرجة اننا كل واحد ركب في حتة وكرسي في النص ... حصل اعصار الصين والفلبين وجزء من هونج كونج الي موت الناس تاني يوم وصلنا مباشرة ... تهنا من بعض يوم كامل .... بتوع الجوازات تقريبا كانوا رافضين يدونا الفيزا انا واحمد والمشكلة ان مؤمن كان وصل
... بمجرد ما طلعنا بس المطار والله كنا هموت من درجة الرطوبة جو عمري ماشفته في حياتي رغم ان عيشت كل حياتي مع والدي في الكويت .... يعني في التقييم العادي للامور اكيد الشيطان هيقولي انها تبقى طلعة صعبة قوي قوي بس كل التوقعات كانت عكس تفكيري تماما ... اختلافنا الي كان زاعجني جدا دا كان سبب قوي جدا في نجاح الرحلة دي ... وزي مابيقولو فعلا ان الي تخاف منه مفيش احسن منه ...
انك تسافر لوحدك دا شئ ممتاز بيقى بروجرامك ملكك انت تشيل وتحط فيه براحتك ... تنام براحتك وتصحى براحتك ... تزبط ميزانيتك براحتك .... تتعرف على الناس براحتك ... تاكل براحتك ... وتوفر في فلوسك او تشبرق على نفسك وقت منت عايز وزي منتا عايز ... خصوصا بقى لو جربت تسافر مع حد متطفل او مزعج او بخيل او كسول الحاجات دي هتخليك تقول عمري ما هسافر مع حد ....
بس لو جربت تطلع مع ناس شبهك وناضجين ومتعاونين هتغير رايك تماما .... الصحبة الحلوة في السفر بتبقى سند وظهر جامد لو وقعت في ضيقة او مشكلة و بتهون عليك كتير وانت بتتعامل ... انك تصحى الصبح وتلاقي صحابك بيفوقك وواحد عاملك حاجة تشربها والتاني بيجهز عدة التصوير ومستنيينك عشان ترتبو اليوم دا احساس مايتوصفش ...ان يبقى معاك ناس لذيذة وحركية وعلطول بيضحكو ويحولو يوم زي يوم الاعصار دا تهييس وينزلو يتصوروا سيلفي مع الشجر وهو بيقع ويجرو في الشارع مع الهوا والشتا بيخلي حتى الايام الي دمها تقيل تعدي ... ان يبقى معاك اتنين اصحابك شرهين في التدخين وتلاقيهم بيطلعو برة في الهوا لما بيدخنو عشانك وعشان مايزعوجكش دا شعور محترم قوي يخليك تتعلم انك حر في تصرفاتك من غير ماتزعج غيرك وانك لو تعارضت رغباتك مع غيرك لازم تقبل تقبل التعارض دا طالما مابيجيش عليك ...
انك ترجع الهوستيل وتلاقي اصحابك قاعدين مع ناس جديدة وبمجرد ما تقعد وسطهم تلاقي الناس كلها عارفاك من حكاويهم عنك ويقولولك هو انت بقى احمد بتفرح قوي و بتهون عليك كتير من عناء التعرف على ناس جديدة لو انت مش شاطر في الموضوع دا وبيخليك تتعلم انك لما تتكلم عن حد يا تذكره بالخير يا تسكت ... انك تعزم اصحابك على اي حاجة وتلاقيهم بيردولك الكلام دا اضعاف الي انت بتعمله خاجة تعلمك انك لازم تبادر وتبدا وتشارك الي معاك بالموجود مهما كان قليل ...انك تلاقي واحد صاحبك مجنون مصمم ياكلك لحم كلاب وصراصير عشان لو ماعملتش كدة يبقى انت كدة ما اخدتش ثقافة البلد دي بيساعدك قوي قوي انك تكسر حاجز الخوف والتحفظ الي جواك .... انك تعيا وتلاقي الناس الي معاك بتطببك وتديك دوا وكل شوية يتطمنوا عليك ويزبطو يومهم على قد تعبك بيديك احساس رهيب بالاطئنان ... انك تبقى ماشي ومافيش في جيبك ولاقرش عشان متطمن ان صاحبك في ظهرك بيخلي الدنيا حلوة .... لما تيجي تشتري حاجة مع حد وتلاقيه فاهم فيها وذوقه حلو وتنقو مع بعض وتاخدو ذوق بعض في كل حاجة بيخليك سعيد ومتاكد انك جبت لحسن حاجة ... انكو تتوهو مع بعض وتكتشفو وانتو تايهين اماكن جديدة بيقى قمة الابداع .... احمد حمدي انت بجد راجل عشرتك زي الفل والي في ايدك مش بتاغك وعقلك ونضوجك وهدوءك انقذنا من حاجات كتير ... صبرك على كل طلباتك ورغباتك وتاجيلها عشان ماتزعلناش علمتني احب غيري زي نفسي بالزبط انك تتحرك معانا زي اخونا الكبير دي حاجة احطها في رقبتي وعمري ما انساهالك .... مرونتك وتقبلك الرهيب للمختلف معاك وتجاهلك لاي حاجة ممكن تعكر الجو حتى لو على حساب نفسك دي صفة عمري ماشفتها في حد قدك ... انت بجد سبب رهيب جدا في نجاح الرحلة دي .. انك تسهر لحد ما كلنا ننام عشان ما تضايقناش بشخيرك سبب كافي يخليك تعمل عملية اللحمية مؤمن الشناوي انت بجد اطيب وارجل واجدع بكتير منتا شايف نفسك ..جنانك وخروجك من اي مالوف وخلق طعم لكل حاجة خلاني ابقى مصمم احط بصمتي على اي حاجة وحسسنا بحلاوة الاجازة و خلاني نفسي ان الايام دي ماتخلصش ..صورك وافكارك واهتمامك قوي قوي اننا نوثق السفرية بالتصوير وتجربة كل اكل وعادات الصينين دا ادى طعم رائع للسفرية بس اكيد طعم زفر ..كرمك وعدم اهتمامك بالفلوس على قد اهتمامك اننا نبقى مبسوطين ونقضي لحظات حلوة كان ليه معنى كبير قوي جوايا .... احمد ومؤمن مجرد الكلام معاكو طول الوقت والفضفضة والسرحان والسهر ليهم طعم تاني انا بجد اخواتي زادو اتنين بعد السفرية دي ... وزي ما قلتلي يا مؤمن في انطباعي عن احمد وثقتك الرهيبة انه من امتع وارجل الناس الي ممكن اقابلها و اننا هنرجع من السفر اصحاب اكتر مني انا وانت كلام فعلا صح مليون في المية بس انا رجعت علاقتي بيك انت واحمد مع بعض زي علاقتي بمحمود اخويا واكتر السفر مع صحبة حلوة دا هو المعنى الحقيقي للسفر مهما حاولت تغير المكان .. ببساطة اختار الصديق قبل الطريق .. ومش عتلاقي حد بوصف السفر ابلغ من الامام الشافعي لما قال :
سافر تجـد عوضـاً عمـن تفارقـه
وانصب فإن لذيذ العيش في النصـب
إني رأيـت وقـوف المـاء يفسـده
إن ساح طاب وإن لم يجر لم يطـب
والأسد لولا فراق الأرض ما افترست
والسهم لولا فراق القوس لم يصـب
والشمس لو وقفت في الفلك دائمـه
لملها الناس من عجـم ومـن عـرب
والبدر لولا أفول منه ما نظرت
إليه في كل حين عين مرتقب
والتبر كالترب ملقـي فـي أماكنـه
والعود في أرضه نوع من الحطـب
فـإن تغـرب هـذا ت مطلـبـه
وإن تغـرب ذلـك عـز كالـذهـب
" اختار الصديق قبل الطريق" مثل معروف وشهير جدا بنستخدمه في اننا نوصف علاقتنا باصحبنا الي بنحبهم بس ماحدش فينا فكر قبل ايه المعنى الحقيقي للجملة دي .... وهل لما المثل دا لما اتقال معقول كان يعني انك ممكن تغير كل طريقك وتاخد طريق تاني عشان فيه صديق يستحق انك تبقى معاه ما اديتش الموضوع اي اهمية غير لما خضت التجربة وعرفت فعلا انك لازم تختار الصديق قبل الطريق ..
انا واحد من الناس الي بيحبو يسافرو جدا جدا وبيلاقو نفسهم في السفر قوي ... انا مش رحالة طبعا زي الناس الي بتسافر بشنطتها على ضهرها ولا بلوجر عندي بيج ومعلومات كبيرة عن كل دول العالم الي تخليني اوجه الناس واديهم افضل النصايح لكل بلد الخ من صفات الرحالة.... بس بعرف اسافر لوحدي وببقى متاقلم جدا في السفر لوحدي ... ويمكن ليا بوستات هنا على الجروب بتايد جدا انك تسافر لوحدك ... ومن كتر ما رتبت رحلات مع ناس كتير وفشلت وناس كتير وعدتني انها تسافر معايا وخلعت اخدت قرار بيني وبين نفسي ان موضوع الصحبة دا مش المفروض يوقفني خالص ... وبقيت احدد المكان ...واطلع الفيزا واسحب شنطتي واسافر لوحدي ... لحد ماجربت المرة دي اسافر ومعاي الصديق الصح ... واقدر اقول ان هي دي المرة الوحيدة الي سافرت فيها رغم ان البلد مش اعظم بلد ممكن تروحها ....
المكان : هونج كونج
الزمان : في اكتر ايام حر في الدنيا
البداية : كانت قاعدة عادية جدا مع momen وبنتكلم في اننا عايزين نسافر ونغير جو ووشوش .... وان الدنيا في مصر بقت غالية في كل حاجة بشكل يضايق ... واننا ممكن نسافر برة بتكلفة قليلة جدا .... على اعتبار انه اجن واحد شفته في الدنيا وبالمناسبة دي احب اعرفكم
ز Momen El-SheNawyراجل بلوجر معروف قوي في اسكندرية ... و رياضي قديم و عجوز ... من هواة الموتسكلات ... بيحب القراءة وكاتب ساخر لظروف الحال بيشتغل ........ (مابيحبش يقول شغلته بس هي ابعد ما يكون عن تصور اي حد بيقرا البوست دا ) تركيبة كدة متلخبطة اكيدالي يعرفه فاهمني كويس ... المهم .... قررنا نسافر هونج كونج على اعتبار انها تعتبر اقل الدول تعقيدا في الاجراءات بالنسبة لمستوى التحضر والنظافة الي فيها رتبنا .... اتفقنا ورتبنا كل حاجة في اقل من اسبوع ... وقبل مانحجز بيوم مؤمن قالي معانا صحبة الطلعة دي .... انا بيني وبين نفسي قلت اساسا ربنا يستر على السفرية دي مني انا ومؤمن .. هيجيبلنا صحبة كمان المهم واحنا قاعدين اخر مرة دخل علينا Ahmed Hamdy وبالمناسبة الراجل دا يمكن معرفش اوصفه قوي بس اعتقد انه اكبر بكتير من اني اوصفه في سفرية مدتها 5 ايام بس هي .... هو صاحب واحد من اعز اصحابي كنت اعرفه بعيد عن مؤمن سلامات وكدة ... هو اكبر مننا بحوالي عشر سنين ... رئيس قطاع كبير في بنك معروف لو شفته في الشغل وبرا لا يمكن ابدا تقول انه نفس الشخص ... راجل هادي جدا وتقيل قوي ... ودمه شربات ... راجل فعلا trouble dealer من الدرجة الاولى ... بيعرف يمسك كاميرا و يصور جدا ... مطلع قوي ...موسوعة ماشية على الارض ... دا غير خبرة السن طبعا ... والغريبة اننا واحنا بنتكلم انه كان اول مرة يعرف انه مسافر .... واول مرة يعرف اننا رايحين هونج كونج ... والاغرب بقى انه وافق فورا ... انا ساعتها قلت كدة كملت
الوقت مش احسن وقت تروح فيه هونج كونج ... درجة حرارة 35 ورطوبة 98% فرن رطوبة ... قبل الطلعة كان فيه كمية عكوسات مش طبيعية تخلي اي حد عاقل يقول لنفسه اهرب يا ياسين من الفرية دي ...
خد عندك : واحنا بنحجز التذاكر اتلخبطنا ومؤمن حجز تذكرة واحدة بس والموقع قفل بعدها الطيارة دي وفتح طيراة بعدها .... مشكلته ان وقت ترانزيت بتاعه في دبي ضيق قوي ... انا واحمد سافرنا في رحلة بعدها فيها 18 ساعة ترانزيت يعني هنتقابل بعد يوم في هونج كونج .... قبل السفر كان باسبوري في سفارة فرنسا لاني كنت ناوي اطلع في 9 ولسوء الحظ الباسبور قعد في السفارة 20 يوم على غير العادة واتفقنا اني مش مسافر لحد يوم السفر مؤمن قالي جرب ... فرحت لقيته خلص وعليه فيزة فرنسا كمان .... يعني كتلكيكة لو حد عاقل كان هيقول وش احلق وطير على اوروبا ... اتاخرنا جدا على الطيارة لدرجة اننا كل واحد ركب في حتة وكرسي في النص ... حصل اعصار الصين والفلبين وجزء من هونج كونج الي موت الناس تاني يوم وصلنا مباشرة ... تهنا من بعض يوم كامل .... بتوع الجوازات تقريبا كانوا رافضين يدونا الفيزا انا واحمد والمشكلة ان مؤمن كان وصل
... بمجرد ما طلعنا بس المطار والله كنا هموت من درجة الرطوبة جو عمري ماشفته في حياتي رغم ان عيشت كل حياتي مع والدي في الكويت .... يعني في التقييم العادي للامور اكيد الشيطان هيقولي انها تبقى طلعة صعبة قوي قوي بس كل التوقعات كانت عكس تفكيري تماما ... اختلافنا الي كان زاعجني جدا دا كان سبب قوي جدا في نجاح الرحلة دي ... وزي مابيقولو فعلا ان الي تخاف منه مفيش احسن منه ...
انك تسافر لوحدك دا شئ ممتاز بيقى بروجرامك ملكك انت تشيل وتحط فيه براحتك ... تنام براحتك وتصحى براحتك ... تزبط ميزانيتك براحتك .... تتعرف على الناس براحتك ... تاكل براحتك ... وتوفر في فلوسك او تشبرق على نفسك وقت منت عايز وزي منتا عايز ... خصوصا بقى لو جربت تسافر مع حد متطفل او مزعج او بخيل او كسول الحاجات دي هتخليك تقول عمري ما هسافر مع حد ....
بس لو جربت تطلع مع ناس شبهك وناضجين ومتعاونين هتغير رايك تماما .... الصحبة الحلوة في السفر بتبقى سند وظهر جامد لو وقعت في ضيقة او مشكلة و بتهون عليك كتير وانت بتتعامل ... انك تصحى الصبح وتلاقي صحابك بيفوقك وواحد عاملك حاجة تشربها والتاني بيجهز عدة التصوير ومستنيينك عشان ترتبو اليوم دا احساس مايتوصفش ...ان يبقى معاك ناس لذيذة وحركية وعلطول بيضحكو ويحولو يوم زي يوم الاعصار دا تهييس وينزلو يتصوروا سيلفي مع الشجر وهو بيقع ويجرو في الشارع مع الهوا والشتا بيخلي حتى الايام الي دمها تقيل تعدي ... ان يبقى معاك اتنين اصحابك شرهين في التدخين وتلاقيهم بيطلعو برة في الهوا لما بيدخنو عشانك وعشان مايزعوجكش دا شعور محترم قوي يخليك تتعلم انك حر في تصرفاتك من غير ماتزعج غيرك وانك لو تعارضت رغباتك مع غيرك لازم تقبل تقبل التعارض دا طالما مابيجيش عليك ...
انك ترجع الهوستيل وتلاقي اصحابك قاعدين مع ناس جديدة وبمجرد ما تقعد وسطهم تلاقي الناس كلها عارفاك من حكاويهم عنك ويقولولك هو انت بقى احمد بتفرح قوي و بتهون عليك كتير من عناء التعرف على ناس جديدة لو انت مش شاطر في الموضوع دا وبيخليك تتعلم انك لما تتكلم عن حد يا تذكره بالخير يا تسكت ... انك تعزم اصحابك على اي حاجة وتلاقيهم بيردولك الكلام دا اضعاف الي انت بتعمله خاجة تعلمك انك لازم تبادر وتبدا وتشارك الي معاك بالموجود مهما كان قليل ...انك تلاقي واحد صاحبك مجنون مصمم ياكلك لحم كلاب وصراصير عشان لو ماعملتش كدة يبقى انت كدة ما اخدتش ثقافة البلد دي بيساعدك قوي قوي انك تكسر حاجز الخوف والتحفظ الي جواك .... انك تعيا وتلاقي الناس الي معاك بتطببك وتديك دوا وكل شوية يتطمنوا عليك ويزبطو يومهم على قد تعبك بيديك احساس رهيب بالاطئنان ... انك تبقى ماشي ومافيش في جيبك ولاقرش عشان متطمن ان صاحبك في ظهرك بيخلي الدنيا حلوة .... لما تيجي تشتري حاجة مع حد وتلاقيه فاهم فيها وذوقه حلو وتنقو مع بعض وتاخدو ذوق بعض في كل حاجة بيخليك سعيد ومتاكد انك جبت لحسن حاجة ... انكو تتوهو مع بعض وتكتشفو وانتو تايهين اماكن جديدة بيقى قمة الابداع .... احمد حمدي انت بجد راجل عشرتك زي الفل والي في ايدك مش بتاغك وعقلك ونضوجك وهدوءك انقذنا من حاجات كتير ... صبرك على كل طلباتك ورغباتك وتاجيلها عشان ماتزعلناش علمتني احب غيري زي نفسي بالزبط انك تتحرك معانا زي اخونا الكبير دي حاجة احطها في رقبتي وعمري ما انساهالك .... مرونتك وتقبلك الرهيب للمختلف معاك وتجاهلك لاي حاجة ممكن تعكر الجو حتى لو على حساب نفسك دي صفة عمري ماشفتها في حد قدك ... انت بجد سبب رهيب جدا في نجاح الرحلة دي .. انك تسهر لحد ما كلنا ننام عشان ما تضايقناش بشخيرك سبب كافي يخليك تعمل عملية اللحمية مؤمن الشناوي انت بجد اطيب وارجل واجدع بكتير منتا شايف نفسك ..جنانك وخروجك من اي مالوف وخلق طعم لكل حاجة خلاني ابقى مصمم احط بصمتي على اي حاجة وحسسنا بحلاوة الاجازة و خلاني نفسي ان الايام دي ماتخلصش ..صورك وافكارك واهتمامك قوي قوي اننا نوثق السفرية بالتصوير وتجربة كل اكل وعادات الصينين دا ادى طعم رائع للسفرية بس اكيد طعم زفر ..كرمك وعدم اهتمامك بالفلوس على قد اهتمامك اننا نبقى مبسوطين ونقضي لحظات حلوة كان ليه معنى كبير قوي جوايا .... احمد ومؤمن مجرد الكلام معاكو طول الوقت والفضفضة والسرحان والسهر ليهم طعم تاني انا بجد اخواتي زادو اتنين بعد السفرية دي ... وزي ما قلتلي يا مؤمن في انطباعي عن احمد وثقتك الرهيبة انه من امتع وارجل الناس الي ممكن اقابلها و اننا هنرجع من السفر اصحاب اكتر مني انا وانت كلام فعلا صح مليون في المية بس انا رجعت علاقتي بيك انت واحمد مع بعض زي علاقتي بمحمود اخويا واكتر السفر مع صحبة حلوة دا هو المعنى الحقيقي للسفر مهما حاولت تغير المكان .. ببساطة اختار الصديق قبل الطريق .. ومش عتلاقي حد بوصف السفر ابلغ من الامام الشافعي لما قال :
سافر تجـد عوضـاً عمـن تفارقـه
وانصب فإن لذيذ العيش في النصـب
إني رأيـت وقـوف المـاء يفسـده
إن ساح طاب وإن لم يجر لم يطـب
والأسد لولا فراق الأرض ما افترست
والسهم لولا فراق القوس لم يصـب
والشمس لو وقفت في الفلك دائمـه
لملها الناس من عجـم ومـن عـرب
والبدر لولا أفول منه ما نظرت
إليه في كل حين عين مرتقب
والتبر كالترب ملقـي فـي أماكنـه
والعود في أرضه نوع من الحطـب
فـإن تغـرب هـذا ت مطلـبـه
وإن تغـرب ذلـك عـز كالـذهـب
