كل ما هتلف العالم كل ما هتكتشف ان مصر فيها...

[Shady Mohamed Safwat]

كل ما هتلف العالم كل ما هتكتشف ان مصر فيها احلى شواطئ واماكن فى العالم ومن ارخص وجهات العالم حاليا لاى حد مش عايش فيها اكيد..لما بنقول كدة تلاقى الناس تشتم فى البلد لان عندهم مشاكل مع الحكومة..مش قادرين يفهموا ان السايح او اى حد جاى مصر هو هيجى كام يوم يتبسط ويسافر..

تخيل انت واحد اجنبى جيت نزلت القاهرة يومين شفت الهرم والمتحف وخان الخليلى وقعدت على النيل فى احسن اماكن بعدين سافرت شرم او دهب او الجونة او مرسى علم..هتتبسط جدا وهتصرف كلام فارغ مقارنة بأى بلد فى العالم...

مصر حلوة اوى ياجماعة فعلا وسهل تتبسط فيها بعيدا عن مشاكل الناس المادية ده ميمنعش ان بلدنا حلوة واى حد سافر ولف يعرف الكلام ده..حسن ادارة للموارد مصر هتعمل ايرادات تاريخية فى السياحة..

 

[Heba Shaheen]

دا حقيقي .. بس شبكة المواصلات عندنا وحشة جداً و سواقين التاكسي بيستغلوا السياح جامد و دي من أسوء الحاجات الي لازم فعلاً تتظبط عندنا

 

[Sherif Morsy]

بالعكس! مصر صعب فشخ تتبسط فيها لوحدك! بلدنا حلوة فشخ، ده الناس بتتبعدل من وهما في المطار يا رجل!

 

[Amr Said]

لو انت رايح مصر وانت اجنبي ولفترة محددة حاجة وانت مواطن مصري عايش في مصر وعاوز تزور اي مكان او تروح اي شاطئ حاجة تانية خالص وفرق كبير جدا!!!
ثم اية معامل رخص التكاليف والمصاريف هنا؟؟
يعني هل هي رخيصة للمواطن المصري بمقارنه المواطن الاوروبي اللي اقل عملة عنده تعمل تعادل ما بين ال18وال20ج في مصر!؟

 

[Rinada Refaey]

هو دا اللى بقوله كسياحه شرم والغردقه والجونه وسهل حشيش والساحل وغيرهم يضربوا شواطئ العالم كله بالشوز بس كمعيشه صعبه جداً

 

[Samo Adams]

نصب وبجاحة البياعين في الأهرامات والحسين واستغلال بعض السواقين كافية تقفل اي حد من البلد دي مش حوار مشاكل مع الحكومة

 

[Faten Tawfiq]

وكمان النصب والحوار بتاع البياعين في كل البلدان بس المهم نصلح من نفسنا وفعلا مصر كنز سياحي سواء شتا أو صيف

 

[Alyaa A. Hassan]

مصر حلوه جدا جدا بس مش بيتسوقلها خالص يعنى مثلا شيرين كانت عامله دويتو مع اسمه ايه حسام ده مصوراه فى اسبانيا طبعا فيو تحفه طب لو كانت صورته فى سهل حشيش ولا الجونه ولا مرسى علم ولا ولا ولا و كمانعندنا ريزورتز على اعلى مستوى ليه الاعلام ميسوقش صح ! هيفرقجدا فى السياحه بس للاسف احنا حتى معظم المصريين بقوا مش شايفين جمال الطبيعيه عندنا من كتر ما بقينا نقول مصر بقت وحشه

 

[Esraa Essam Soliman]

من اماكن الحلوة اوي دهب الجو تحفة والطبيعة كل حاجة بتلمع

 

[Samy M Mohy El-dein]

مش قادر افهم كره المصريين لبلدهم بالشكل ده
حاجه زي الخري بصراحه
الواحد صافر ولف العالم و فعلا بلدنا جميله و مفبش بلد في العالم كله فيها الاماكن السياحيه اللي في مصر
ومع ذالك تلاقي شويه من المصريين سايبين كل حاجه حلوه ومسكين في اي حاجه سلبيه
في حين انك لما تتكلم مع ناس من بلاد تانيه
تقريبا معندهمش ربع ولا حتي واحد من ميه
من اللي موجود في مصر و تلاقي بيقول شعر عن بلده
و لا يمكن يقول اي حاجه سلبيه
بالرغم من وجود ارف عنده يمكن امتر من اللي موجود في مصر عشر مرات
خلي عندكوا دم شويه و كفايه قله قيمه
وشتيمه في بلدكم و ناسها

 

[Ramy El-Hendy]

فعلا مصر ارخص مكان لأى شخص أجنبى كفنادق ومصاريف وفسح وزيارات

 

[Ahmed Morsy]

حضرتك الفنادق بره مصر أرخص من مصر
شوف الفنادق في مطروح بكام و في المالديف بكام

 

[Badreddine Besbes]

هو ينفع اخيم في مرسى علم لوحدي !!
أو لازم في مركز تخييم (حد يعرف مركز هناك ؟)