T
Thoraya Khairy
:: مسافر ::
امبارح الجمعة 25 اغسطس سافرت شرم متجهه لفندق بارك ان (park inn) خليج النبق التابع لفندق راديسون بلو و ياريتنى ما فكرت أسافر اصلا هو فى الحقيقة المسمى الطبيعى ليه لوكاندة الاونس فى بلطيم
نبدا و نقول بسم الله اول ما نزلت رجلى من التاكسى الحقيقة جالى صدمة و ذهول من كميه البشر اللى كانت على الباب و فى اللوبى قولت وماله خير وبركة و السياحة هترجع تزهزه لكن اما تمعنت فى البشر لاقيت نفسى بالظبط زى حزلقوم اما كان فاكر نفسه فى اليونان و هو فى بلطيم بس والله والله انا مش بحكم بالشكل خالص قولت اهدى كدة بنتى كانت عايزة تدخل الحمام فودتها و اول ما دخلت سديت مناخيرى اقسم بالله و قعدت افتح كل تواليت على امل انى الاقى واحد ادمى شويه و ده كان الاستفتاح اللى تلاه لت موظف الريسبشن سلمنا المفتاح 2 ونص و روحنا عند الغرفة و جينا نفتح مفتحتش و قعدنا مستنين هاوس كيبينج يعدى و جرب الكارت قال ده غلط و فتحلنا بالماستر بتاعه و كانت الاوضة المفروض انها على حمام السباحة و الموظف ماكدلنا ده و طلعت شايفة من بعييييد جزء صغير اوى منه فطبعا نزلنا للريسبشن تانى راح الموظف جابلنا مدير الريسبشن اللى كانت طريقته مستفزة غير مهنيه بالمرة و قالنا ده اللى عندنا و ده حجزكم و قالنا لو عايزين غرفة على حمام السباحة ندفع 50 جنيه زيادة على كل ليله طبعا مكانش قدامنا غير أننا ندفعها و نطلع الغرفة ( احنا معانا أطفال و اتبهدلوا ) و برضه لاقينا الاوضة بتبص من بعيد على حمام السباحة بس طنشنا علشان مش عايزين نبوظ الرحلة على الولاد...و رحنا المطعم علشان الغدا وخير اللهم اجعله خير ولا كانه مطعم فى السجن او فى جيش مفيش اكل اصلا حبة رز على حبة خضار على حبة قرنبيط و الزفر بقى مخبينه اه والنعمة زى مبقولكم كده الشيف اللى واقف بيعمل المكرونة مخبى الحاجات ديه عنده طبعا احنا ماكلناش خالص و قرفنا من المنظر لأن المطعم فعلا مش نضيف واللى واقفين شكلهم مش نضيف المهم اخدنا عصير و قعدنا نتفرج لاقينا الشيف اللى بيحط المكرونة بيقول للى بيحطله عايز
فراخ ؟ بصوت خافت كده كانه بيبيع مخدرات المفروض بقى الراجل يرد يقوله آه والنبى عايز كوكو و محمه انا الدم ضرب فى نفوخى و المنظر استفزنى جدا
و كفايه كده لأن ده كان يومى النهاردة لحد ما كتبت البوست و أكيد لنا لقاء تانى واااااا يوميات باااارك ان
تحديث:- لاحظت ان مش بيبقى فى أجانب معانا فى المطعم فسألت شيف وانا فى المطعم النهاردة الصبح وقالى فى مطعم تانى فوق بس (extra fees ) بس طبعا هو اكسترا فييز المصريين مش الاجانب تلاقى ده المطعم الرئيسى بتاعهم لكن الكائنات الفضائية اللى هو احنا المصريين بيرمولهم بواقيهم
تحديث تانى انا لسة كنت فى راديسون بلو علشان نغير الحجز باى فرق يطلبوه لكن كان فى موظف محترم واقف و سمعنا و اصر يعرف السبب و حكيناله و اخدنا معاد الساعة 7 علشان نقابل المسؤل بس فعلا لت مش قادرة اقعد هنا يوم زيادة وانا ا جازاتى أسبوع يا ناس
نبدا و نقول بسم الله اول ما نزلت رجلى من التاكسى الحقيقة جالى صدمة و ذهول من كميه البشر اللى كانت على الباب و فى اللوبى قولت وماله خير وبركة و السياحة هترجع تزهزه لكن اما تمعنت فى البشر لاقيت نفسى بالظبط زى حزلقوم اما كان فاكر نفسه فى اليونان و هو فى بلطيم بس والله والله انا مش بحكم بالشكل خالص قولت اهدى كدة بنتى كانت عايزة تدخل الحمام فودتها و اول ما دخلت سديت مناخيرى اقسم بالله و قعدت افتح كل تواليت على امل انى الاقى واحد ادمى شويه و ده كان الاستفتاح اللى تلاه لت موظف الريسبشن سلمنا المفتاح 2 ونص و روحنا عند الغرفة و جينا نفتح مفتحتش و قعدنا مستنين هاوس كيبينج يعدى و جرب الكارت قال ده غلط و فتحلنا بالماستر بتاعه و كانت الاوضة المفروض انها على حمام السباحة و الموظف ماكدلنا ده و طلعت شايفة من بعييييد جزء صغير اوى منه فطبعا نزلنا للريسبشن تانى راح الموظف جابلنا مدير الريسبشن اللى كانت طريقته مستفزة غير مهنيه بالمرة و قالنا ده اللى عندنا و ده حجزكم و قالنا لو عايزين غرفة على حمام السباحة ندفع 50 جنيه زيادة على كل ليله طبعا مكانش قدامنا غير أننا ندفعها و نطلع الغرفة ( احنا معانا أطفال و اتبهدلوا ) و برضه لاقينا الاوضة بتبص من بعيد على حمام السباحة بس طنشنا علشان مش عايزين نبوظ الرحلة على الولاد...و رحنا المطعم علشان الغدا وخير اللهم اجعله خير ولا كانه مطعم فى السجن او فى جيش مفيش اكل اصلا حبة رز على حبة خضار على حبة قرنبيط و الزفر بقى مخبينه اه والنعمة زى مبقولكم كده الشيف اللى واقف بيعمل المكرونة مخبى الحاجات ديه عنده طبعا احنا ماكلناش خالص و قرفنا من المنظر لأن المطعم فعلا مش نضيف واللى واقفين شكلهم مش نضيف المهم اخدنا عصير و قعدنا نتفرج لاقينا الشيف اللى بيحط المكرونة بيقول للى بيحطله عايز
فراخ ؟ بصوت خافت كده كانه بيبيع مخدرات المفروض بقى الراجل يرد يقوله آه والنبى عايز كوكو و محمه انا الدم ضرب فى نفوخى و المنظر استفزنى جدا
و كفايه كده لأن ده كان يومى النهاردة لحد ما كتبت البوست و أكيد لنا لقاء تانى واااااا يوميات باااارك ان
تحديث:- لاحظت ان مش بيبقى فى أجانب معانا فى المطعم فسألت شيف وانا فى المطعم النهاردة الصبح وقالى فى مطعم تانى فوق بس (extra fees ) بس طبعا هو اكسترا فييز المصريين مش الاجانب تلاقى ده المطعم الرئيسى بتاعهم لكن الكائنات الفضائية اللى هو احنا المصريين بيرمولهم بواقيهم
تحديث تانى انا لسة كنت فى راديسون بلو علشان نغير الحجز باى فرق يطلبوه لكن كان فى موظف محترم واقف و سمعنا و اصر يعرف السبب و حكيناله و اخدنا معاد الساعة 7 علشان نقابل المسؤل بس فعلا لت مش قادرة اقعد هنا يوم زيادة وانا ا جازاتى أسبوع يا ناس
