صباح الخير يا شباب معلش ليا طلب سخيف و عارف...

[Moutaz Mohamed]

صباح الخير يا شباب

معلش ليا طلب سخيف و عارف انه متعب جدا و هياخد وقت كبير منك حوالي ١٠ ثواني بس معلش هتاخد ثواب كبير منك هتستفيد و توفر في الوقت و منها احنا نفهم انت محتاج ايه و برده سبحان الله هتوفر في الوقت.

الناس الي بتسال سؤال زي ده:

(انا عايز اسفر دوله بس تكون الميزانيه معقوله او متكونش غاليه تفتكروا اسافر فين؟) او ( رشحولي فندق ميكنش غالي و نظيف و اكله حلو و بيعمل كريم كرامل و حمام تقفيل السلاب)

ابوس ايد صاحب نوعيه الاسئله ديه لو سمحت زود ١٠ ثواني من وقتك و اكتب المعلومه ديه( ميزانيتي في حدود.... و عايز اسافر في شهر كذا )

متتخيلوش السطر ده هيعمل ايه في حياتنا ده مش بعيد تنقذ انسان مريض بالسكر و الضفط.
#ساعدوا_الادمنز
#Traveller_Experience_10Sec

 

[Jolie Mohamed]

السلاب مش احسن حاجة دلوقت ههههه

 

[Joe Ibrahim]

واللي بيقارن بين بلدين و فاكر نفسه هيلعب فيفا

 

[David El Almany]

لا يا معتز السؤال بتاع احسن احاجه وارخص حاجه بيبجيبلى ضغط..

 

[David El Almany]

مكسلين اصلا يبحثوا عن اى معلومه ومستنيين انهم يسافروا فى لمح البصر وبدون اى تعب..

 

[Usama Aboheram]

انا عند رأى انك كل شويه تنزل بوست عن اهميه السيريش فى عالم الانترنت

 

[Mohamed Yehia]

طيب حد موجود في كامبالا عاوز اسأل عن حاجة

 

[Steven Gerrard Bergkamp]

الفل احلي ولا الياسمين . تمر حنه ياكبير ..بوست التمر حنه

 

[Layan Mohamed]

انت كأدمن انهارت تماما معلش بقي كله بثوابه

 

[سي حسن]

طب عاوز اسافر في شهر كذا وميزانيتي في حدود..... تنصحوني بايه

 

[Ahmed Saeed]

احنا لسه هندور ونعمل سيرش احنا بناخد المعلومه جاهزه :-D

 

[Ghada Bedair]

اللي بيجاوبوهم المفروض يبقى لهم جوايز ... عالصبر وطولة البال وحب الادلاء بمعلومات حتى لو مش هي المطلوبه !!
هو السؤال ده في الغالب بيبقى استطلاع رأيي .. مش سؤال جدي فعلا .. انا عن نفسي باعمل له skip

 

[Remon G. George]

يا عم معتز امال انا اعمل ايييييييييييييييية

 

[Nader Fouda]

اللى بيسأل الأسئلة دى عاوز العفريت بتاع مسرحية محمد صبحى يجاوب عليه

 

[Farah Cruise]

/Farah Nile Cruise

 

[Abdulrhman Sofian]

انا عايز اسافر - ارجو الرد ضروري

 

[Mona Maher]

ضيف على كده كمان سؤال: أنا مسافر المكان الفلاني يا تري تكاليف الرحلة هتكون كام؟
سؤال استفزازي بصراحة
واحد ممكن يأخذ طيارة مباشرة وواحد يأخذ طيارة ترانزيت مدة قليلة وواحد يأخذ ترانزيت مدة طويلة....
واحد يركب مواصلات وواحد يأجر عربية .....
واحد ينام على كنية في شقة couch surfing وواحد ينام في هوستل وواحد ينام في فندق ٣ نجوم وواحد ينام في فندق ٤ نجوم......
واحد يأخذ أكله معاه وواحد يأكل في مطاعم رخيصة وواحد يأكل في مطاعم غالية...
كل الحاجات دي بتفرق في تحديد تكلفة الرحلة اللي هتختلف من شخص لآخر
علشان كده برضه لازم الواحد يقول ميزانيته الأول أو متطلباته في الرحلة علشان تتحسب التكلفة

 

[Saied Dardery]

السلاب ؟؟؟!!! هو انتوا ماعندكمش روووكا ؟؟؟!!!

 

[Hazem Badr]

هههههههه .... ساعدوا الادمن العاجز