M
Mohammad Alaa Safaan
:: مسافر ::
لو مثبوت فى المهنة طالب وأقل من ١٨ سنة ... بتاخديها الكترونى .. وتاخدى تأشيرة دبى .. وتطلعلى على دبى ومن دبى على تركيا واوعى توريهم فى مطار القاهرة الفيزا الالكترونى وبكده فلتى من التصريح الأمنى ...و الحالة التانية لو سنك عدى ال ١٨ سنة ( والى بتكمن مشكلتها فى التصريح الأمنى) انك بتحجزى ميعاد من السفارة .. وتقدمى كشف حساب بنكى للوالد ومايفيد انه هايغطى مصاريف حسابك هناك .. وبتاخدى الفيزا على الباسبور .. بس فى الحالة دية هانصدم بمشكلة التصريح الأمنى ان لو فى حالة الباسبور مثبت فيه طالب بيطلبوا هنا فى مكتب الاتصال انه يكون نوع التأشيرة زيارة وليس سياحة ( لمن لم يكن له مهنة مثبته على الباسبور ) .. ومعنى تأشيرة زيارة ( ان واحد تركى أو تركية يبعتلك زيارة هناك ) .. او ان تكون مسافرة لمنحة تعليمية من الجامعه ... وللاسف فى مكتب الاتصال فى التحرير كل شوية يغيروا قواعد التصريح الأمنى خصوصا لتركيا .. فيه لعبة تانية تعمليها ( بالنسبة للحالة التانية ) .. هو انك تاخدى الفيزا على الباسبور .. وتعملى بدل فاقد وتطلعى باسبور جديد .. وتاخدى عليه تأشيرة دبى .. وتطلعى من دبى على تركيا وتوريهم الفيزا السارية على الباسبور القديم .