ش
شيماء علي مراد
:: مسافر ::
أسبانيا و ما أجملها 6
قرطبة
اخر محطاتي في الأندلس
للدقة هي كانت بين اشبيلية و غرناطة
و انا بجهز برنامج الرحلة في مصر لاغيتها من البرنامج لضيق الوقت
بس و انا في برشلونة مفدرتش اقاوم اني اعدي على قرطبة
و كان من اجمل القرارات اللي اخدتها
لانها مكنش ينفع تتفوت
اختصرت رحلتي لاشبيلية و خرجت منها على قرطبة بالقطر قبل ما اروح غرناطة
قضيت فيها 5 ساعات بالظبطت
كانوا من اجمل ساعات رحلتي في اسبانيا عموما
الكلام و الصور عمرها متوصف احساسي طول ما انا هناك
ليها طابع عربي اندلسي طاغي صعب تستوعب و تنت هناك انك داخل حدود اسبانيا الاوروبية
خصوصا داخل المسجد
الاحساس داخل المسجد كان عجيب
مسجد ضخم باعمدته بزخارفه
و في نفس الوقت جزء منه تحول الى كتدرائية بمقاعد و صلبانها و زخارفها
الصور هتوضح المزيج العجيب ده
الشوارع حول المسجد شديدة الجمال بكل تفاصيلها
و احنا بنتمشى فيها قابلنا البيت الاندلسي
انا كنت قرات اسمه ضمن مزارات قرطبة
بس وقفت قدامه شوية و ترددت ندخل و لا لأ كان ب 4 يورو فقلنا ندخل مش هنخسر حاجة
و كانت جولة ممتعة بالعنى الحرفي للكلمة
هو عبارة عن بيت يجسد مواصفات البيت الاندلسي
بكل تفاصيله
المسؤلين عن البيت رجل فرنسي اسلم منذ 11 سنة و زوجته عجوزفلسطينية جميلة
و حصلوا على تخصيص من البلدية بادارة المكان
كانوا موجودين هناك و السيدة الفلسطينية هي اللي كانت معانا في الجولة
جو البيت برطوبته بالوانه باحجاره ممتزج مع صوت ايات من القران الكريم احبانا و احيان اخرى مع صوت موسيقى اندلسية هادئة
يخليك تعيش في عالم تاني
كل ما افتكر البيت الاندلسي اتمنى اركب الة الزمن و اروح للعصر الجميل ده و اعيش فيه
بعد البيت الاندلسي كا في البيت العربي
معجبنيش قوي
مكنش في حاجة مميزة بس كان كئيب الحقيقة لان كان اغلبه صور لمجازر سوريا و فديوهات بتتعرض على داتا شو مؤلمة جدا
المطاعم الحلال في قرطبة كتير
دخلنا مطعم بنفس تصميم البيوت الانلسية كان لطيف جداا و اسعاره رخيصة
طلبنا شاورما كان طعمها عجيب شوية بس مع الجوع ممكن تاكل اي حاجة حلال تقابلك
بعد الجولة دي في وسط المدينة كان نفسي ازور مدينة الزهراء
بس وقتي كان ضيق مش هيسمح
طلعنا على محطة الاتوبيس اللي هينقلنا قرطبة
و كانت مدينة الزهراء قريبة منه كنا هنروح بس للاسف كان اليوم ده مغلقة (اعتقد كان يوم الاتنين و هي بتقفل اليوم ده)
ده كدة اخر تقرير ليا في رحلتي لأسبانيا
مينفعش حد يروح اسبانيا و ميروحش الاندلس
اتمنى من كل قلبي ازور الاندلس تاني و اقضي فيها وقت اطول
#أسبانيا
#الأندلس
#قرطبة
قرطبة
اخر محطاتي في الأندلس
للدقة هي كانت بين اشبيلية و غرناطة
و انا بجهز برنامج الرحلة في مصر لاغيتها من البرنامج لضيق الوقت
بس و انا في برشلونة مفدرتش اقاوم اني اعدي على قرطبة
و كان من اجمل القرارات اللي اخدتها
لانها مكنش ينفع تتفوت
اختصرت رحلتي لاشبيلية و خرجت منها على قرطبة بالقطر قبل ما اروح غرناطة
قضيت فيها 5 ساعات بالظبطت
كانوا من اجمل ساعات رحلتي في اسبانيا عموما
الكلام و الصور عمرها متوصف احساسي طول ما انا هناك
ليها طابع عربي اندلسي طاغي صعب تستوعب و تنت هناك انك داخل حدود اسبانيا الاوروبية
خصوصا داخل المسجد
الاحساس داخل المسجد كان عجيب
مسجد ضخم باعمدته بزخارفه
و في نفس الوقت جزء منه تحول الى كتدرائية بمقاعد و صلبانها و زخارفها
الصور هتوضح المزيج العجيب ده
الشوارع حول المسجد شديدة الجمال بكل تفاصيلها
و احنا بنتمشى فيها قابلنا البيت الاندلسي
انا كنت قرات اسمه ضمن مزارات قرطبة
بس وقفت قدامه شوية و ترددت ندخل و لا لأ كان ب 4 يورو فقلنا ندخل مش هنخسر حاجة
و كانت جولة ممتعة بالعنى الحرفي للكلمة
هو عبارة عن بيت يجسد مواصفات البيت الاندلسي
بكل تفاصيله
المسؤلين عن البيت رجل فرنسي اسلم منذ 11 سنة و زوجته عجوزفلسطينية جميلة
و حصلوا على تخصيص من البلدية بادارة المكان
كانوا موجودين هناك و السيدة الفلسطينية هي اللي كانت معانا في الجولة
جو البيت برطوبته بالوانه باحجاره ممتزج مع صوت ايات من القران الكريم احبانا و احيان اخرى مع صوت موسيقى اندلسية هادئة
يخليك تعيش في عالم تاني
كل ما افتكر البيت الاندلسي اتمنى اركب الة الزمن و اروح للعصر الجميل ده و اعيش فيه
بعد البيت الاندلسي كا في البيت العربي
معجبنيش قوي
مكنش في حاجة مميزة بس كان كئيب الحقيقة لان كان اغلبه صور لمجازر سوريا و فديوهات بتتعرض على داتا شو مؤلمة جدا
المطاعم الحلال في قرطبة كتير
دخلنا مطعم بنفس تصميم البيوت الانلسية كان لطيف جداا و اسعاره رخيصة
طلبنا شاورما كان طعمها عجيب شوية بس مع الجوع ممكن تاكل اي حاجة حلال تقابلك
بعد الجولة دي في وسط المدينة كان نفسي ازور مدينة الزهراء
بس وقتي كان ضيق مش هيسمح
طلعنا على محطة الاتوبيس اللي هينقلنا قرطبة
و كانت مدينة الزهراء قريبة منه كنا هنروح بس للاسف كان اليوم ده مغلقة (اعتقد كان يوم الاتنين و هي بتقفل اليوم ده)
ده كدة اخر تقرير ليا في رحلتي لأسبانيا
مينفعش حد يروح اسبانيا و ميروحش الاندلس
اتمنى من كل قلبي ازور الاندلس تاني و اقضي فيها وقت اطول
#أسبانيا
#الأندلس
#قرطبة