مساء الخير طلبين بساط جدا بالنسبة لمحتوى...

  • بادئ الموضوع بادئ الموضوع ندى صبري
  • تاريخ البدء تاريخ البدء
ن

ندى صبري

:: مسافر ::
مساء الخير
طلبين بساط جدا بالنسبة لمحتوى الجروب بس محتاجة أوصل لحاجة فيهم إذا سمحتم
- حد يعرف أي مكان مطلع رحلة يومية من اسكندرية للقاهرة للمعز والأماكن الإسلامية والقديمة في القاهرة ؟
- تاني حاجة نفسي أروح بيت ريفي كإني ضيفة فيه بس بفلوس مش عارفة في حاجة كده ولا لا، أو أي مكان هادي شبه الأرياف
أنا جاية أحقق أحلامي في الجروب بس محتاجة التجربتين جدا ربنا يكرمكم
 
الطلب الاول مش محتاج مكان مطلع رحلة سهل اوي نقولك ازاي تتحركي وتوصلي ازاي
الطلب التاني يا ريت لو لقيتي قوليلي
 
تعالى عندى فى الكامب
ROyxnYG3FF6v4Nc3TvhjU9r9mZhXb0At.jpeg
 
بيت ريفى يبقى عليكى و ع الفيوم قريه تونس هناك فيه فنادق ع شكل بيوت الفلاحين الريفيه و فيلل و حاجه وهم هتنبسطى هناك جدا بس لازم تحجزى قبلها
 
القاهره هقولك برنامج لو جياه من اسكندريه هتنزلي محطه مصر وتركبي المترو و تنزلي محطه السادات وتدخلي المتحف المصري و تخرجي تركبي المترو وتروحي متحف الفن الاسلامي وقصر عابدين وشارع المعز ، دول جانب بعض وبعد كده تركبي حاجه وتزوي القلعه ومدينه القطائع و السلطان حسن هرم مصر الرابع :-D و بعد كده ممكن تروحي مجمع الاديان وهتلاقي قصص كتير هناك وكل الاديان وحاجات كتير اووي بس يمكن دي هتبقي مغامره تعب بس هتستمتعي بيها وبكل تفاصيلها وانتي مش محتاجه مرشد او حاجه ، ممكن لو عاوزه داتا للاماكن ابعتهلك انتي تقريها وهتبقي عارفه كل حاجه عن الاماكن
 
عيشى البساطة فى اللودج السيوى السويت مبنى من احجار الملح اللى بتسحب الطاقة السلبية من جسم الانسان بيطل على حمام سباحة بمياة جوفية كبريتية والنخلة المثمثرة على باب الغرفة وعلى الشباك ،،،،،،،ده غاليت ايكولدج Discover siwa tours