ممكن اسال سؤال هل فعلا مصر كدولة سياحية بلد...

[Rock Pop]

مصر اكيد حلوه و مش محتاجه رائ حد لكن مواقع و صفحات السفر موجوده علشان تعرفك باماكن السياحه داخل و خارج مصر بدون عقد اى مقارانات و يبقى شئ مؤسف لو شاب او شابه فكر فى السفر لاستكشاف العالم قبل ما يزور اهم المعالم و المدن السياحيه فى مصر سواء اثريه و متاحف و مدن شاطئيه و واحات و بعد لما يكتسب خبرات و يستمتع بكل شئ يبداء فى استكشاف بلاد اخرى و يكتسب معلومات اكتر و يتعلم و ينبسط و ايه هى الدول الاحلى دى وجهه نظر شخصيه جدا انت بس ال عندك اجابه السؤال دا لان كل واحد عنده قائمه خاصه و مختلفه عن الاخرين فى اى دوله او مدينه احلى ..اتمنى لك رحلات مفيده داخل و خارج مصر

 

[Mohamed Salem]

اطلعي بره محفظتك وتعرفي انك في نعمه محدش مقدرها اطلعي طابا واتفرجي علي جمال بلدك اطلعي سيوه ومش حتلاقى بلد زي بلدنا اطلعي الاقصر اسوان كتير اوي بس احنا قاعدين في مكانا وببندب حظنا

 

[حسن المصري]

النبي ما شفت فيها حاجه حلوه ابدا ف حياتي
مصر حلوه للي معاه فلوس وبس
زي الزفت للي زينا

 

[Mohamed Salem]

الاخوه الي بيقولوا مشفناش فيها حاجه حلوه تعرفي بلدك عند اليهود اسمها ارض الميعاد

 

[Aya Emad]

بلد حلوة جدا جدا جدا جدا

 

[Ghada El-Malky]

لا نقول الحق هى البلد حلوة بصراحة بس للى معاه فلوس

 

[Raafat Alzameeli]

صح الفلوس وين ما كان يا Ghada El-Malky

 

[Youmna Aly]

فعلا بلدنا حلوة جدا بس عايزة فلوس

 

[Alaa Issa]

حلوة طبعا كفاية جوها و كلها اثار و طبيعة و عمرك ما تشوف بلد فى العالم بجمالها
مصر ٢٤ ساعة حياة اى دولة بعد المغرب خلاص

 

[Mohamed Samy]

في مصر سياحة شاطئيه وغوص.... اماكن تاريخية مش موجودة في اي مكان في العالم... سياحة دينيه وسياحة علاجيه.... اماكن ترفيه ومراكب في النيل .... حاجات صعب تتجمع في اي مكان في العالم ... بس للاسف مفيش لا تخطيط ولادراسه ولا عقليه تسويق محترفه .... داحنا ساعه لما طلبنا ننظم كاس العالم حملنا حملات الدعايه بتاعتنا في الصعيد والدلتا وفي الاخر اخدنا الصفر الشهير.... وطبعا بعد الثوره الاوضاع اتنيلت اكتر واكتر
محتاجين عقليه وتفكير جديد خالص ومصر هتيقى حاجة تانيه خالص

 

[Ahmed Salem Aboabdu]

كلمه مصر كبيره جدا والعالم كله يعرف قيمه مصر التاريخيه والحضارية..فرعونى ..يومانى رومانى.قبطى.إسلامى..خروج اليهود من مصر عبر صحراء سيناء وشربهم مياه عين حدره بوسط سيناء.وانشقاق البحر..رحله العائله المقدسه.تلات سنوات داخل مصر .ثم الصحابه الكرام والتراث الاسلامى.

 

[Raafat Alzameeli]

كبلد بنحكي يا DoaaMarzouk مش في السلوك

 

[AYa AsSem]

مصر حلوة طبعا
بس الطبع للمصريين زفت و عدم النضافة و التلوث في كل حاجة
كل دا بيحسسك انك مش طايقة تعيشي فيها

 

[Noha Ashraf]

فى اماكن و شواطئ احلى من حتت تانية كتير بس مفيش توظيف كويس + الشعب مش بيعرف يعامل السايح كويس

 

[Dina Abdullah]

لأ مصر فعلا حلوة ومتعرفيش تلفيها فى وقت قصير انا بقاللى سنتين بطلع رحلات اثرية فى القاهرة وبرة القاهرة ووالله لسة مخلصتهاش وفيه اماكن كتير لسة مروحتهاش ... مشكلة مصر فى الاهتمام يعنى اقل شيئ ان الحمامات تبقى نضيفة فى الاماكن الاثرية او حتى استراحات الطرق وده مستحيل تلاقيه نادرا جدا لما بيبقى فيه حمامات نضيفة لأ ويبقى الحمام زبالة وموقفين واحد برة بياخد فلوس على دخول الحمام... ده غير سلوك رمى الزبالة والكتابة على الآثار ...
تتلخص مشكلة مصر فى الاهمال وسلوكيات الناس

 

[Ahmed Sehsieno]

بصي من غير شعارات وأفلام مصر كا بلد سياحي لازم تكون رقم 1 علي مستوي العالم والحاجات دي بتتقاس بتنوع. الانماط السياحيه كثقافي واثري وعلاجي وديني ....الخ واحنا الحمد لله عندنا كل ده وكا اصطاف كويس محبوب جدا فريندلي جدا طبعا بغض النظر عن الغير مؤهلين اداميا في الفتره الاخيره وعلي فكره مصر منتج فريد وجيد جدا ومفروض علي الخريطة السياحيه غصب عن عن العالم يكفي انا بره الطفل في بلاد بره. تلاقيه بيرسم هرم وشمس وبيدرس تاريخ مصر . مرشديين السياحيين بتوع مصر من اكفأ المرشدين علي مستوي العالم والسنه دي 2017 واخدين أفضل مرشدين في العالم برغم الازمات من منظمه السياحه العالميه بالأقصر واسوان تلت اثار العالم التراث. الاقصر السنه دي عاصمه العالم السياحيه .. النايل كروز اللي هي المراكب العائمة الاقصر واسوان كانت تعتبر رحله العمر. الأوربيين... الاصطاف عايز زياده تاهيل بس لما بيكون في شغل وفلوس بيبقو محترفين... عندنا سؤ اداره علشان العواجيز والمدامات ماسكينها ومفيش مساحه للشباب واخيرا مفيش وزير سياحه ولا رئيس وزرا ينسق ما بين الوزارات و طبعا اهم حاجه كل البلاد السياحيه مش من مصلحتها مصرتقوملها قومه علشان بيكالوا عيش علي قفانا. وابحثوا عن الكلمتين دول #لنا_الله

 

[Ahmed M. Elhussieny]

مصر لو فيها احتراف فى الادارة خصوصا فى مجال السياحه الوضع هيتغير 180 درجه لان عندنا كل المقومات اللى تخلينا رقم واحد فى العالم وكمان كل انواع السياحه ثقافى واثرى ودينى وعلاجى وغيرها لكن احنا للاسف معندناش اى اهتمام بالادارة ابدا علشان كدا الوضع مزرى

 

[Umna Moawad]

حرفيا فيها اماكن تحسي انها متاخدة م الجنة، بس للاسف زيارة مكان واحد من دول يكلفك سفرية لدولتين ف اوروبا مثلا

 

[Ruaa Rayan]

يكفي جمال القصير اللي الاجانب بس بتروحها لان الاجنبي عارف بيزور ايه المصري مايعرفش عنها حاجه و الاجانب بس بيروحو اثار وادي قنا
مثر الامكان كفسحه وروح الاجنبي عاوفها

 

[Ahmed Hasan]

بلدنا حلوة بس ناسها اللي وحشة
لو البلد دي مع اليابانيين مثلا كانت هتبقي غير كده خالص

شاء من شاء و هري من هري