انا رحت براغ مرتين.. بالنسبه للشوبينج، ابعدي عن السيتي سنتر عندهم لأن معظمه ماركات ونفس اسعار اوروبا مش رخيص.. اركبي اي شئ وعدي تشارلز بريدج الناحيه التانيه،، فعلا فيه شوبينج سنترز، اسعارها كويسه جدا...
الانشطة السياحية.. طبعا تشارلز بريدج (المكان ده لوحده كفيل انه يضبط مودك تماما، لو هتروحي براغ عشان المكان ده بس، فده كفايه والله).
الساعه الفلكيه.. من أقدم الساعات ف اوروبا طبعا، أنصحك طبعا بالصعود من فوق عليها،، منظر خرافي... الطابور بيبقي طويل شويه لكن يستاهل...
طبعا برده قصر براغ، او براغ كاستل.. وده مكان رائع جدا جدا جدا.. بتعدي تشارلز بريدج لانه ع الناحيه الاخري من النهر..
فيه جنب الساعه الفلكيه... متحفين.. واحد اسمه، متحف العذاب.. وده بيوريكي أساليب التعذيب اللي كانت بتستخدم ف التعذيب زمان، بس طبعا ادوات مش اثريه يعني... ومتحق الشمع طبعا طور ممثلين وبتاع زي جيم كاري، جورج كلوني .. وكمان، ملكه ديانا،، غاندي، اينشتاين.... الخ... الاتنين ممكن تدخليعم بتيكت واحد ،10 يورو تقريبا...
كمان فيه متحف غريب شويه،، وهو متحف الجنس عبر التاريخ.. وده بيبقي زحمه جدا جدا..
ده لبراغ بالنهار،، مدينه تحفه فعلا... ومن زيارتي لعواصم اوروبيه كتيره.. براغ هي العاصمة الوحيده التي تشعرين فيها بروح اوروبا القديمه،،، لانها العاصمة الوحيده التي لم تدمر ف الحرب العالميه،، لانهم سلموا لهتلر فورا.....
بالليل بقي، براغ مدينه أخري، نايت كلوبز و. و. و.و. ..احترسي طبعا طبعا من الحراميه،، خاصه البنات لانهم اكتر ناس بتسرق... يتبع
