الشركة الاسوء علي الاطلاق ..حضرتك جو باص ركبته مرة و مكررتهاش تاني ..اليوم اللي الكهربا قطعت فيه في مصر كلها و كنت مضطرة اسافر اليوم دا من القاهرة ل سوهاج و لسوء حظي ماكنش في اي حجز غير فيه المفروض اني كنت اسافر في باص الساعة 2 تقريبا ..الباص اتحرك بعد الساعة 4 و كان وحش جدا و قديم و تحس انه محتاج يتزق بس مافيش مفر .. و اتوكلت علي الله و ركبته لسة مكملناش نص ساعة متحركين من رمسيس الباص وقف .. نزل السواق فضل يصلح فيه شوية و اشتغل فعلا و خلال الوقت دا حاولنا نتصل بالشركة محدش رد ف لما اشتغل كملنا طريقنا و خلاص مشي لحد بعد بوابة الكريمات بشوية و فجاة شمينا ريحة دخان ..اه والله دخان و نزلنا من الباص و الناس ساعدت السواق و الحمدلله كان في طفاية حريق .. حاول السواق يصلحه لكن كان خلاص مافيش فايدة و الباص مش راضي يشتغل خااالص ..ساعتين بنحاول نتصل بالشركة محدش بيرد و نبعت رسايل و واحد اخد موبايل السواق يتصل منه عليهم بردو ولا كأننا موجودين و الشبكة كانت ضعيفة تيجي شوية و تختفي شوية و الدنيا ضلمة و مافيش عربيات بتقف حتي تقول مالكم .. لحد ما قدرا كدا عدا ميكروباص فاضي خالص و قفته الناس و اللي جري لحقله مكان لحق و في ناس ربنا يباركلهم في دنيتهم و اخرتهم حجزولي معاهم لاني مقدرتش طبعا اجري و ادخل بين الرجالة علشان الحق مكان و مشينا احنا والله اعلم بحال باقي الناس .. ف من هنا ل حد ماموت حسبي الله و نعم الوكيل في كل مسئول عن القرف دا سوء في جو باص او اي شركة تانية بنفس المستوى .. علشان اقسم بالله ارخص حاجة عندهم هيا حياة الناس اللي مسئولين عنها.. ربنا ينتقم
