لو سمحتو ممكن ترشحولى اوتيل نضيف جدااا واكله...

[Wessam Abd El-nasser]

لو سمحتو ممكن ترشحولى اوتيل نضيف جدااا واكله حلو من دول
١.ريكسوس شرم الشيخ
٢.شتيجن برجر الداو الغردقة
٣.مرسى علم (هيلتون نوبيان / صن رايز مارينا بورت غالب )
ملحوظه : انا عاوزه اوتيل نضيف وعالى لانى مش هخرج منه خالص معايا بيبى .. فيدونى بالله عليكم

 

[Samar Dora]

تشيجن بيرج دة حلو اوى ونضيف والمعامله هناك لطيفه جدا وهو مش على البحر مباشرة بس بصراحه جميل

 

[Alia Ussmaa Abdulrahmaan]

ريكسوس رهيب جدا بس غالي مووووت

 

[Mohamed Kamal]

اشتيجنبرج انا اقمت فيه اسبوع ...جميل جدا ..

 

[Nany Ayoup]

شتايجن منغير و لا كلمه جنه بس جهزي الفيزا برقم خرافي

 

[Ahmed Ahmed Elbosraty]

شتيجن أفضل ريزورت.

 

[Ahmed Farag]

شتيجن برجر

 

[Nany Ayoup]

متهيألي فيه شتايجن تاني غير بتاع الممشى تقريبا في الجونه

 

[Remon G. George]

حضرتك مختارة اعلي فندق من كل مدينة يعتبر فا كلهم ممتازين الحقيقة
ممكن اجيبلك اسعار ليهم

 

[Mohamed Ghazal]

انا نزلت فيهم كلهم وهما من حيث الجوده يترتبوا كده ريكسوس وبعدين الداو لكن هيلتون وصن رايس ميتقرنوش بريكسوس والداو بصراحة في فرق رغم انهم مش وحشين في حاجة بقي هلامية فظيعة بس في شرم مستوي خيالي من الخدمة وفاتح بقاله شهرين بس يعني جديد نوفي اسمه اشتيجنبرجر الكازار Alcazar حاجة كده زي الاحلام وارخص من ريكسوس

 

[HaGar KhaLed]

ريكسوس طبعا

 

[Mirhan Mohamed]

rixos

 

[Ahmed Siam]

مادام مافيش خروج
يبقى فندق البارون - سهل حشيش - الغردقه
مقارنه بريكسوس و شتايجن
هو افضل فى كل حاجه

 

[Mai Mohsen]

ريكسوس شرم

 

[Eslam Elsayed]

الترتيب مظبوط
الاقوي والاول ريكسوس
في شرم الشيخ او الساحل الشمالي
وله ميزة الاهتمام بالجانب الترفيهي ممتاز.
ويليه الالماني اشتيجنبرج في الغردقة.
وله ميزة الهدوء والمطاعم الا كارت ممتازة.

 

[Yahia Koraiem]

شتايجن برجر مالوش منافس

 

[Robe Ansary]

نفس الترتيب إلي انتي كاتباه

 

[Mohammed Seif Eldin]

١-ريكسوس سى جيت شرم.
٢- ريكسوس شرم
٣- شتيجنبرجر الداو
٤-صن رايز
٥- نوبيان
ريكسوس سى جيت ومش هتندمى

 

[Sasso Hadad]

شتايجنبرجر وهمى وريكسوس طبعا بس الاتنين كورال بيتش يعنى مش حتحطى العوم والشاطئ من اولوياتك
صن رايز مرسى علم تحفة برضوا مجموعة صن رايز كلها محترمة ومفيش منها شكاوى
إجازة سعيدة

 

[Mahmoud Kandil]

Www.Friends-travel.net
اقوي فندق في الغردقة بدون منازع jaz aquamarine في طريق سهل حشيش...وعلي استعداد تام للحجز باسعار اقل من اسعار الفندق نفسة...