M
Mohammad Elmaghrapy
:: مسافر ::
مفيش اكل حلال ١٠٠٪ برة. علشان من شروط الاكل الخلال انه يكون مدبوح بطريقة معينه و متمسي عليه كمان. و طبعا ده مش هيحصل برة لانه اصلا مش ليحصل في بلادنا كتير. بس من وجهة نظري الاجتهاد علي قد المقدرة. يعني الواحد بيتجنب اللخوم علي قد ميقدر و لو كده كده هيجيب لحوم يدور علي حلال. انا عن نفسي بقيت انزل في استوديو برايفت بدل الفنادق علشان فيه مطبخ و بعمب اكلي بنفسي لما ابوقت يسمح. غير كده بحاول اكل فاكهة خضار. في ككان مطاعم تركي بقت منتشرة في معظم دول اوربا بتعمل شوربة عدس. و ممكن انواع الباستا في المطاعم الايطالي. و مشتقات البطاطس في شمال اوربا. و السمك طبعا .
S
Sherif Farouk
:: مسافر ::
اولا مسموح لنا كمسلمين نأكل عادي من المسيحين و اليهود لانهم أهل الكتاب عادي جدا و على فكره برا اغلبهم بيدبح بالشريعه الاسلامية حتى في مصر الغالبيه من المسيحين اللي عندهم محلات مطاعم او جزاره بيدبحو بالشريعه الاسلاميه كمان لو انت مسافر مضطر يعني مش معقول انت مسافر و مش عارف اي حاجه في البلد هتقعد تدور فين اكل الحلال هتضيع الرحله في السؤال المهم نيتك ايه و ربنا غفور رحيم
N
Nayyera Fouad
:: مسافر ::
بصى انا عايشة فى بلجيكا بقالى اكتر من سنتين و كنت الاول بروح اشترى اللحمة والفراخ من المحلات المغربى او التركى و طبعا بيكون سعرها اغلى من الطبيعى بس مش مشكلة . الفكرة ان فيه قوانين فى اوروبا بأت بتقيد ف موضوع الذبح الحلال ف المجازر الاسلامية بالذات فى اوقات عيد الأضحى .. فيه بلاد منعت الدبح فيها يوم العيد بتاعنا بالذات وكانت مشكلة كبيرة وقتها .. انا شخصيا بأه عندى شك ف المحلات هل هى بتبيع لحو حلال فعلا ولا لأ لأنها اصلا بتجيلنا معظمها من مجازر فى هولندا و برده مفيش نفى او تأكيد هى حلال ولا لأ.
من الناحية الشخصية انا بدأت اتضايق مثلا من الفراخ اللى بجيبها منهم لأن وللاسف اول ما بطبخها بتنزل كمية ميه تقريبا تلت وزنها وكأنها محقونة بالقصد عشان توزن (وده من المحل المغربى والتركى) ولما شفت المنظر ده نفسيا بقيت مش متقبلة طعم الفراخ وقرفانة منها. فالمهم قررت اوقف اصلا لحوم وفراخ واعيش نباتية واريح نفسى .. بس نتيجة كده لخبطت فى الاكل وزدت فى الوزن من كتر استسهالى بأه بيتزات و مخبوزات لأنى ماعنديش وقت اطبخ ومش كل يوم هعمل رز او مكرونة وخضار.
المهم بعد كده بدأت اقرى هما فى اوروبا بيدبحوا ازاى اصلا الفراخ او البقر و قريت مقالات .. بالنسبة للفراخ اللى بيحصل انهم بيخدروها (مش بيموتوها) و بعدها بيركبوها على سير لدبحهم من الرقبة وتصفية الدم و بعدين بتمر بمرحلة السلخ و التعبئة ....
بالنسبة للبقر فاللى بيحصل انهم بيوقفوا البقرة و يحطوا على رقبتها مقصلة تقطعها من الرقبة .. الفكرة ان معظم المجازر بتحط المقصلة على رقبة البقرة من فوق يعنى بتدبح من فوق لتحت و ده انا نفسيا ماارتحتش انها طريقة هتكون حلال بالنسبة لنا .. من الاخر ماتقبلتهاش
فى الاخر اللى قررته مش بجيب لحمة خالص و الفراخ بشتريها عادى من المحلات البلجيكى و بسمى عليها و بطبخها و بصراحة "وبكل اسف" فيه فرق السما من الارض بين الفراخ اللى متعبية بطريقة نضيفة و مش محقونة و مش بتنزل ميه و بين الفراخ اللى كنت بشتريها الأول.
بالنسبة للأكل الجاهز بطلب فيجيتريان دايما وبلاقى ف اى مطعم اوبشنز كتيرة لكده .. انا مشكلتى الوحيدة ف الطبخ ف البيت.
ده تجربتى الشخصية واجتهاد شخصى ممكن يكون صح أو غلط
من الناحية الشخصية انا بدأت اتضايق مثلا من الفراخ اللى بجيبها منهم لأن وللاسف اول ما بطبخها بتنزل كمية ميه تقريبا تلت وزنها وكأنها محقونة بالقصد عشان توزن (وده من المحل المغربى والتركى) ولما شفت المنظر ده نفسيا بقيت مش متقبلة طعم الفراخ وقرفانة منها. فالمهم قررت اوقف اصلا لحوم وفراخ واعيش نباتية واريح نفسى .. بس نتيجة كده لخبطت فى الاكل وزدت فى الوزن من كتر استسهالى بأه بيتزات و مخبوزات لأنى ماعنديش وقت اطبخ ومش كل يوم هعمل رز او مكرونة وخضار.
المهم بعد كده بدأت اقرى هما فى اوروبا بيدبحوا ازاى اصلا الفراخ او البقر و قريت مقالات .. بالنسبة للفراخ اللى بيحصل انهم بيخدروها (مش بيموتوها) و بعدها بيركبوها على سير لدبحهم من الرقبة وتصفية الدم و بعدين بتمر بمرحلة السلخ و التعبئة ....
بالنسبة للبقر فاللى بيحصل انهم بيوقفوا البقرة و يحطوا على رقبتها مقصلة تقطعها من الرقبة .. الفكرة ان معظم المجازر بتحط المقصلة على رقبة البقرة من فوق يعنى بتدبح من فوق لتحت و ده انا نفسيا ماارتحتش انها طريقة هتكون حلال بالنسبة لنا .. من الاخر ماتقبلتهاش
فى الاخر اللى قررته مش بجيب لحمة خالص و الفراخ بشتريها عادى من المحلات البلجيكى و بسمى عليها و بطبخها و بصراحة "وبكل اسف" فيه فرق السما من الارض بين الفراخ اللى متعبية بطريقة نضيفة و مش محقونة و مش بتنزل ميه و بين الفراخ اللى كنت بشتريها الأول.
بالنسبة للأكل الجاهز بطلب فيجيتريان دايما وبلاقى ف اى مطعم اوبشنز كتيرة لكده .. انا مشكلتى الوحيدة ف الطبخ ف البيت.
ده تجربتى الشخصية واجتهاد شخصى ممكن يكون صح أو غلط
W
Waleed Albaghdady-cristy
:: مسافر ::
لو قصدك حلال بمعنى بعيد عن الخمور و الخنزير و خلافه فدي سهلة اما لو قصدك حتى اللحوم و الدواجن و الدبح الشرعي فكل اوروبا مثلا اساسا بتدبح slaughtering ما عدا مسالة التسمية و دي فيها جواز .. في راي شرعي من حد ثقة انه حلال علشان مستوفي شرط اراقة الدم .. معظم مطاعم برة بتكتب حلال و شغلها بمنتجات السوق العادية .. دول زي الصين و ما شابه تتقي الشبهات و بلاش احسن الا اللي نضمنه او نبعد خالص
A
Ashry Abu Hamza
:: مسافر ::
هل يجوز الأكل من طعام أهل الكتاب إذا سافرنا إلى بلدهم وذلك يتضمن كل أنواع اللحوم والدجاج -إلا الخنزير طبعا-بغض النظر عن طريقة ذبحها او سلخها أوطهيها؟مع الدليل ؟ الجواب : الحمد لله والصلاة والسلام على رسول الله وعلى آله وصحبه وسلم أما بعد: فقد أحل الله للمسلمين ذبائح أهل الكتاب قال تعالى: اليوم أحل لكم الطيبات وطعام الذين أوتوا الكتاب حل لكم وطعامكم حل لهم [المائدة: 5]. فما ذبحه أهل الكتاب على النحو المعروف من قطع الودجين والبلعوم فهو حل لنا وما كان منه بطريق الصعق أو الخنق أو نحو ذلك مما يخالف الطريق الشرعية فهو ميتة لا يحل لمسلم أن يطعمها قال تعالى: حرمت عليكم الميتة والدم ولحم الخنزير.. [المائدة:3] فإن كنت تعلم طريقة الذبح التي تتم بها وأنها طريقة شرعية فلك أن تأكل من ذبيحتهم، وإن كنت تجهل طريقة الذبح فلك أن تأكل منها أيضا استصحابا للأصل إذا كان الذبح الشرعي هو الغالب. وأما إن شككت في طريقة الذبح أو كان يغلب على أهل هذه البلدة أنهم يقتلون ولا يذبحون فلا يحل لك أن تأكل منها لأن الحكم للأغلب. والله أعلم. وينبغي للمسلم أن يتحرى في طعامه الطيب الحلال، ولا شك أن أغلب الأجبان والألبان يعلم سلامتها من شحم الخنزير فلا حرج في تناولها، وما كان مشكوكاً فيه فالأولى تركه والابتعاد عنه، لقول النبي صلى الله عليه وسلم: "دع ما يريبك إلى ما لا يريبك" رواه أحمد والنسائي. ولا يجب البحث الدقيق جداً عن مكونات الأطعمة، وحسب الإنسان ما كتب عليها، والتحرز من المشكوك فيه كما سبق.
اما اذا كانت البلاد لغير اهل الكتاب مثل البوذيين والديانات الاخري فلا يجوز
اما اذا كانت البلاد لغير اهل الكتاب مثل البوذيين والديانات الاخري فلا يجوز