M
Moutaz Mohamed
:: مسافر ::
بوست رقم ٢
من يومين كنت اتكلمت عن كامب Basata الي في نويبع الي واخد تصنيف عالمي من حيث الجمال و انه من الاماكن الخاليه من التلوث و صديق لبيئه و ده لينك البوست الاول:/Moutaz Mohamed
النهارده هنتكلم عن مكان لازم لو طلعت نويبع لازم تقضي يوم كامل فيه.
المكان ده لو دخلته هتحس انك سافرت مكان زي بورا بورا او مكان من الاماكن الي بنحلم بيها بس لاسف عشان غاليه فمش بنقدر نسافر ليها.
خلينا نتكلم عن #Castle_zaman
مكان مش هتصدق انه موجود في مصر فعلا بدون مبالغه و الي راح المكان ده ممكن يعرف قيمه الكلام الي بكتبه الي مهما كتبت عنه مش هعرف اخليك تتخيل روعه المكان و لا حتي بالصور.
Castle Zaman
علي بعد ٣ دقائق من Basata و علي بعد ساعه من دهب و ١٠ دقائق من طابا.
عباره عن قلعه اثريه تحولت الي مكان لاستجمام و الهدوء عشان كده ممنوع (دخول الاطفال) و ده سبب كافي لاستمتاع بالمكان.
مكان معمول عشان تقضي يوم فيه فقط يعني مافيهوش بيات فهتلاقي الليله بتبدا من ١٢ ظهرا حتي ٩ مساءا.
سعر اليوم ده ٥٠٠ جنيه شامله الضريبه و استخدام حمام السباحه و مكان لاستحمام و تغيير الملابس و وجبه طعام.
*ملحوظه
السعر كان ب ٤٠٠ جنيه لفرد لحد وقت قريب بس هو رفع السعر الي ٥٠٠ جنيه لفرد.
في ناس هتقول ان السعر عالي جدا بس الفكره انك هتعمل رحله ممكن تعملها مره في العمر مش لازم تكون مكرره و نصيحه اخويه بلاش تاخد وقت في انك تخوض التجربه عشان ارتفاع السعر عشان المتعارف عليه ان مفيش اسعار بتقل.
-حمام السباحه
اجمل حاجه في المكان ده هو حمام السباحه الي بيطل علي البحر.
طبعا المياه عذبه مش مياه بحر و لون المياه الي شايفينها في الصوره ده اللون الحقيقي مش معمله Edit او تعديل لصوره.
*ملحوظه مهمه
المسؤولين علي المكان اجانب و بيمنعوا الشباب تنزل حمام سباحه باي ملابس غير المخصصه لسباحه يعني مينفعش حد ينزل حمام السباحه بشورت قطني.
-اهم سؤال بالنسبه لمحجبات:
هو ينفع انزل بمايوه شرعي؟؟
اه عادي مفيش مشاكل (بشرط) انك متنزيليش بالطرحه او حاجه مش بتطرد الميه من الملابس عشان حتي لو لابسه طقم كامل لسباحه و لابسه طرحه قماش او ساتان فمسؤولين المكان هيطلعوكي فلازم تلبسي بونيه لسباحه او طقم المايوه الشرعي بالكابيشون بتاعه.
-الاكل
زي ما قلت فوق السعر شامل وجبه الطعام و هناك المكان ده بيقدم ٥ وجبات منها:
-نوعين لحمه منهم نوع مطبوخ مع التين و البلح و الخضار و بيقدم مع الارز و سلطه.
-طبق تركي و ده عباره عن ديك رومي مستوي مع التين و البلح و الخضار و الارز و سلطه
-طبق قطعتين سمك بيرش فيليه او سلمون فيليه مع الفريك بالخضار و سلطه
-طبق قطعه سمك بيرش او سلمون مع جمبري و اخطبوط و فريك و سلطه
لو عايز راي الشخصي فانا ارشح طبق السمك البيرش رقم واحد لو ملكش في تجربه الاخطبوط و بعدها طبق التركي.
**ملحوظه
-الوجبه كبيره جدا جدا و مهما كنت اكيل مش هتقدر تخلصها و خد بالك معندهمش تيك اوي.
- لازم تحجز الوجبه قبلها ب ٢٤ ساعه و ممكن تحجزها من خلال اللينك ده هتلاقي الاطباق المتاحه و مكونتها و خد بالك هتلاقي اطباق ساعات متعلم عليها بالرمادي و مش قادر تخترها و ده معناه ان الطبق ده غير متاح:
/-CUSTOMER VALUE-
بجد المكان يستاهل الزياره و زي ما في ناس عندها استعداد تدفع ٢٠٠٠٠ جنيه عشان تسافر المالديف و تعيش علي جزيره فانت عندك فرصه تدفع ٥٠٠ جنيه و تعيش ليله تستاهل و مش هتنساها.
-المكان طبعا بالحجز قبلها ب ٢٤ ساعه و ممكن تحجز بمكالمه تيلفون من خلال 01282140591
و ممكن تتواصل معاهم من خلال انك تبعتلهم ايميل علي:
Info@castlezaman.com
اسيبكم مع الصور الي زي ما وضحتلكم مش هتعبر عن جمال المكان.
التصوير تم بواسطه كاميرتين:
-تصوير كاميرا 4k action
-تصوير كاميرا موبايل هواوي Honor 7
#نويبع
#Castle_Zaman
#Traveller_Experience_CastleZaman
من يومين كنت اتكلمت عن كامب Basata الي في نويبع الي واخد تصنيف عالمي من حيث الجمال و انه من الاماكن الخاليه من التلوث و صديق لبيئه و ده لينك البوست الاول:/Moutaz Mohamed
النهارده هنتكلم عن مكان لازم لو طلعت نويبع لازم تقضي يوم كامل فيه.
المكان ده لو دخلته هتحس انك سافرت مكان زي بورا بورا او مكان من الاماكن الي بنحلم بيها بس لاسف عشان غاليه فمش بنقدر نسافر ليها.
خلينا نتكلم عن #Castle_zaman
مكان مش هتصدق انه موجود في مصر فعلا بدون مبالغه و الي راح المكان ده ممكن يعرف قيمه الكلام الي بكتبه الي مهما كتبت عنه مش هعرف اخليك تتخيل روعه المكان و لا حتي بالصور.
Castle Zaman
علي بعد ٣ دقائق من Basata و علي بعد ساعه من دهب و ١٠ دقائق من طابا.
عباره عن قلعه اثريه تحولت الي مكان لاستجمام و الهدوء عشان كده ممنوع (دخول الاطفال) و ده سبب كافي لاستمتاع بالمكان.
مكان معمول عشان تقضي يوم فيه فقط يعني مافيهوش بيات فهتلاقي الليله بتبدا من ١٢ ظهرا حتي ٩ مساءا.
سعر اليوم ده ٥٠٠ جنيه شامله الضريبه و استخدام حمام السباحه و مكان لاستحمام و تغيير الملابس و وجبه طعام.
*ملحوظه
السعر كان ب ٤٠٠ جنيه لفرد لحد وقت قريب بس هو رفع السعر الي ٥٠٠ جنيه لفرد.
في ناس هتقول ان السعر عالي جدا بس الفكره انك هتعمل رحله ممكن تعملها مره في العمر مش لازم تكون مكرره و نصيحه اخويه بلاش تاخد وقت في انك تخوض التجربه عشان ارتفاع السعر عشان المتعارف عليه ان مفيش اسعار بتقل.
-حمام السباحه
اجمل حاجه في المكان ده هو حمام السباحه الي بيطل علي البحر.
طبعا المياه عذبه مش مياه بحر و لون المياه الي شايفينها في الصوره ده اللون الحقيقي مش معمله Edit او تعديل لصوره.
*ملحوظه مهمه
المسؤولين علي المكان اجانب و بيمنعوا الشباب تنزل حمام سباحه باي ملابس غير المخصصه لسباحه يعني مينفعش حد ينزل حمام السباحه بشورت قطني.
-اهم سؤال بالنسبه لمحجبات:
هو ينفع انزل بمايوه شرعي؟؟
اه عادي مفيش مشاكل (بشرط) انك متنزيليش بالطرحه او حاجه مش بتطرد الميه من الملابس عشان حتي لو لابسه طقم كامل لسباحه و لابسه طرحه قماش او ساتان فمسؤولين المكان هيطلعوكي فلازم تلبسي بونيه لسباحه او طقم المايوه الشرعي بالكابيشون بتاعه.
-الاكل
زي ما قلت فوق السعر شامل وجبه الطعام و هناك المكان ده بيقدم ٥ وجبات منها:
-نوعين لحمه منهم نوع مطبوخ مع التين و البلح و الخضار و بيقدم مع الارز و سلطه.
-طبق تركي و ده عباره عن ديك رومي مستوي مع التين و البلح و الخضار و الارز و سلطه
-طبق قطعتين سمك بيرش فيليه او سلمون فيليه مع الفريك بالخضار و سلطه
-طبق قطعه سمك بيرش او سلمون مع جمبري و اخطبوط و فريك و سلطه
لو عايز راي الشخصي فانا ارشح طبق السمك البيرش رقم واحد لو ملكش في تجربه الاخطبوط و بعدها طبق التركي.
**ملحوظه
-الوجبه كبيره جدا جدا و مهما كنت اكيل مش هتقدر تخلصها و خد بالك معندهمش تيك اوي.
- لازم تحجز الوجبه قبلها ب ٢٤ ساعه و ممكن تحجزها من خلال اللينك ده هتلاقي الاطباق المتاحه و مكونتها و خد بالك هتلاقي اطباق ساعات متعلم عليها بالرمادي و مش قادر تخترها و ده معناه ان الطبق ده غير متاح:
/-CUSTOMER VALUE-
بجد المكان يستاهل الزياره و زي ما في ناس عندها استعداد تدفع ٢٠٠٠٠ جنيه عشان تسافر المالديف و تعيش علي جزيره فانت عندك فرصه تدفع ٥٠٠ جنيه و تعيش ليله تستاهل و مش هتنساها.
-المكان طبعا بالحجز قبلها ب ٢٤ ساعه و ممكن تحجز بمكالمه تيلفون من خلال 01282140591
و ممكن تتواصل معاهم من خلال انك تبعتلهم ايميل علي:
Info@castlezaman.com
اسيبكم مع الصور الي زي ما وضحتلكم مش هتعبر عن جمال المكان.
التصوير تم بواسطه كاميرتين:
-تصوير كاميرا 4k action
-تصوير كاميرا موبايل هواوي Honor 7
#نويبع
#Castle_Zaman
#Traveller_Experience_CastleZaman
