M
Mikle Azmy
:: مسافر ::
الطلعة المرة دي كانت مختلفة عن اي طلعة استكشاف، انا مش بعرف اكتب كتير بس من المغامرات اللي فرقت معايا جدا علي المستوي الشخصي و الإنساني و المهني و الصحي و حاجات كتير، كنت دايما اسمع عن حياة الطبيعة و الخلاء، و كنت بحاول اعيشة في اي مكان بس الموضوع طلع مختلف فعلا في سانت كاترين، المغامرة دي مش لأي حد، بجد مش لأي حد، دي لواحد عايز يتولد من جديد و يعرف قدرات نفسة و يعديها و يجي علي نفسة لآخر نفس ، لحد عايز يشوف جمال ربنا في الطبيعة، مش دايما يكون مستعجل و عايز ينجز، لحد يقدر يساعد غيرة في الوقت اللي هوا فيه محتاج مساعدة، عدينا علي وديان كتير و طلعنا وديان عالية و طلعنا جبال و عدينا علي مزارع تين و لوز و رمان و عنب و خلايا نحل و آبار مياة كنا بتشرب منها و نملي ازايز المياة منها و نكمل طريقنا و نبات في مزارع و نشوي بليل و نشرب شاي بالحبك اللي بنجمعة في طريقنا و بعد كدة ننام مننا النجوم علي طول من غير سقف يدوب جوة ال سليبنج باج و نصحي بدري و نكمل طريقنا و ننزل نعوم وسط عيون مياة في وسط الجبل احساس ميتوصفش.
تيجي بقي لأهم حتة في المغامرة ، بيشو او جيمي، بجد محدش يعرف انا اتعلمت منه اد اية و ضحكتة و بشاشته و دقته و ان هوا يسمعك و يسمع مشاكلك و هوا مش ناقص و يفطر معاك و يخليك مش عايز توصل علشان تسمع منة أكتر و تستفيد منه أكتر و يشلني وقت ما تعبت و حاجات كتير
تيجي بقي البدو، الناس دي عايشة احسن مننا، بيكلوا اللي بيزرعوه، و نشطا و الهدوء اللي عندهم غير طبيعي و ابتسامتهم بالذات الأطفال الصغيرين حاجة كدة متتوصفش
لسة هحكي كتير عنها دة كان مجرد تسخين
تيجي بقي لأهم حتة في المغامرة ، بيشو او جيمي، بجد محدش يعرف انا اتعلمت منه اد اية و ضحكتة و بشاشته و دقته و ان هوا يسمعك و يسمع مشاكلك و هوا مش ناقص و يفطر معاك و يخليك مش عايز توصل علشان تسمع منة أكتر و تستفيد منه أكتر و يشلني وقت ما تعبت و حاجات كتير
تيجي بقي البدو، الناس دي عايشة احسن مننا، بيكلوا اللي بيزرعوه، و نشطا و الهدوء اللي عندهم غير طبيعي و ابتسامتهم بالذات الأطفال الصغيرين حاجة كدة متتوصفش
لسة هحكي كتير عنها دة كان مجرد تسخين
