A
Ashraf Gawdat
:: مسافر ::
لو معانا فلوس دولار أو يورو ومسافرين بره ومحتارين نسافر بكاش ولا بكريدت كارد .. الكاش مشكلته إنه ممكن يتسرق والكارت مشكلته إن عليه ليميت زائد إنه بياخد عمولة على المشتريات .. في حل وصلت له بعد لف وتقصي على البنوك ممكن يكون مناسب للبعض .. الحل باختصار هو فتح حساب بالعملة الأجنبية (دولار أو يورو) وإصدار كارت ديبت Debit Card مربوط بالحساب ويتم استخدامه خارج مصر
الحل ده بيحقق أكتر من ميزة: أولا كبديل للكاش فالواحد مش مضطر يشيل مبلغ كاش كبير يكون معرض للسرقة .. ثانيا بيتفادى مشاكل الكريدت كارد اللي بيكون ليها ليميت سواء في الاستخدام الدولي أو ليميت رصيد الكارت نفسه. يعني لو فرضا الكارت له ليميت دولي 10 آلاف دولار .. لكن الكارت نفسه رصيده 18 ألف جنيه .. يعني ما يعادل ألف دولار فقط .. يبقى آخرنا في الاستخدام هم الألف دولار دول فقط .. فلو افترضنا إن معانا ألفين دولار هم اللي بنفكر نسافر بيهم .. ممكن نعمل حساب بالدولار ونطلع عليه كارت ديبت .. ساعتها ليميت الكارت بيكون بمقدار الرصيد اللي موجود في الحساب .. يعني اقدر استخدم الألفين دولار كلهم براحتي
تاني مشكلة بيتفاداها هي مشكلة العمولة .. لأن الكريدت كارد دايما بيكون بالجنيه .. فلما استخدمه في مشتريات بعملة أجنبي البنك بياخد عمولة في المتوسط 4% .. لكن لو الحساب بعملة أجنبي واستخدمت الكارت الديبت اللي عليه في مشتريات بنفس العملة ساعتها مش بيكون في عمولة لأننا بنسحب من الرصيد اللي بنفس العملة
طيب ازاي نعمل الحساب والكارت دول وإيه البنوك اللي بتقدم الخدمة دي؟
البنوك اللي وصلتلها فيها كده وسهل يتفتح فيها حساب هم بنكين: CIB و QNB
بالنسبة لـ QNB نقدر نفتح فيه حساب بالدولار وحساب باليورو .. لكن حساب الدولار بس اللي بيطلع عليه ديبت كارد .. اليورو لأ. ميزة الكارت هنا إنه بيشتغل أون لاين كمان مش مشتريات خارج مصر بس .. لكن عيبه إن مصاريفه غالية شوية .. حوالي 30 دولار في السنة (تصحيح من الردود: 15 دولار بس)
بالنسبة لـ CIB نقدر نفتح فيه حساب بالدولار وحساب باليورو والاتنين بيطلع عليهم كروت ديبت عادي .. مصاريفه عادية جدا زي مصاريف الحساب اللي بالجنيه .. فتح الحساب حوالي 35 جنيه وإصدار الكارت زيهم تقريبا .. عيبه إنه سواء دولار أو يورو مش بيشتغل أون لاين .. لكن يشتغل مشتريات بره مصر عادي
حساب QNB مالوش حد أدنى يعني ممكن نسيبه فاضي عادي .. حساب CIB لازم له حد أدنى علشان مينزلش عليه مصاريف شهرية إضافية. الحد الأدنى بيكون ألف دولار أو ألف يورو أو 5000 جنيه حسب الحساب بأنهو عملة .. بس الفكرة إن الحد الأدنى يتحقق في أي حساب تبعنا .. يعني لو عندنا حساب بالجنيه وحساب بالدولار فلو اللي بالجنيه حقق الحد الأدنى بتاعه مش شرط اللي بالدولار يحقق الحد الأدنى
بنك CIB فيه ميزة إضافية ممكن حد يحتاجها إنه عنده مكن ATM في مصر بتطلع دولار .. يعني لو عندنا حساب بالدولار ومعانا الكارت ومحتاجين الدولار جوه مصر نقدر نعرف إيه المكن بتاعهم اللي فيه دولار ونسحب منه دولار .. بدون عمولة أو مصاريف طبعا لأنه المكن تبع نفس البنك ومن جوه مصر
لازم نبقى واخدين بالنا إنه مفيش عمولة في حالة المشتريات بنفس العملة .. يعني السحب الكاش بره مصر ولو بنفس العملة عليها مصاريف اسمها مصاريف استخدام ATM دولية .. وفي حالة المشتريات بعملة غير عملة الكارت في عمولة تبديل عملة .. يعني لو الكارت بالدولار والمعاملة باليورو هيكون في عمولة .. ساعتها مش هيفرق عن الكريدت كارد العادي .. يعني اللي مسافر الخليج وهيتعامل بالريال أو الدرهم هيبقى عليه عمولة .. واللي مسافر بلد تانية عملتها مختلفة يحاول يعرف هيتعامل هناك بالدولار ولا بعملة البلد
آخر ملحوظة هي إنه من باب الأمان واحنا مسافرين ناخد معانا برضه أي كريدت كارد عندنا ومبلغ كاش احتياطي .. لأن الكارت اللي كنا هنستخدمه لو اتسرق ممكن نكلم البنك نوقفه فمنخسرش فلوسنا .. لكن هندفع ازاي واحنا بره ومفيش مجال نروح البنك نطلع كارت تاني؟ ناخد احتياطنا مش أكتر .. زائد إن بعض الأماكن مش بتقبل الدفع بالكروت .. كاش فقط .. وبعض الأماكن مش بتقبل الكاش .. كارت فقط .. فالاتنين مهمين
طبعا باتكلم عن تجربة مش مجرد كلام نظري .. تجربتي كانت مع CIB وعملت الحساب فيه وطلعت الكارت وكنت باستخدمه على طول بره مصر بدون مشاكل
الحل ده بيحقق أكتر من ميزة: أولا كبديل للكاش فالواحد مش مضطر يشيل مبلغ كاش كبير يكون معرض للسرقة .. ثانيا بيتفادى مشاكل الكريدت كارد اللي بيكون ليها ليميت سواء في الاستخدام الدولي أو ليميت رصيد الكارت نفسه. يعني لو فرضا الكارت له ليميت دولي 10 آلاف دولار .. لكن الكارت نفسه رصيده 18 ألف جنيه .. يعني ما يعادل ألف دولار فقط .. يبقى آخرنا في الاستخدام هم الألف دولار دول فقط .. فلو افترضنا إن معانا ألفين دولار هم اللي بنفكر نسافر بيهم .. ممكن نعمل حساب بالدولار ونطلع عليه كارت ديبت .. ساعتها ليميت الكارت بيكون بمقدار الرصيد اللي موجود في الحساب .. يعني اقدر استخدم الألفين دولار كلهم براحتي
تاني مشكلة بيتفاداها هي مشكلة العمولة .. لأن الكريدت كارد دايما بيكون بالجنيه .. فلما استخدمه في مشتريات بعملة أجنبي البنك بياخد عمولة في المتوسط 4% .. لكن لو الحساب بعملة أجنبي واستخدمت الكارت الديبت اللي عليه في مشتريات بنفس العملة ساعتها مش بيكون في عمولة لأننا بنسحب من الرصيد اللي بنفس العملة
طيب ازاي نعمل الحساب والكارت دول وإيه البنوك اللي بتقدم الخدمة دي؟
البنوك اللي وصلتلها فيها كده وسهل يتفتح فيها حساب هم بنكين: CIB و QNB
بالنسبة لـ QNB نقدر نفتح فيه حساب بالدولار وحساب باليورو .. لكن حساب الدولار بس اللي بيطلع عليه ديبت كارد .. اليورو لأ. ميزة الكارت هنا إنه بيشتغل أون لاين كمان مش مشتريات خارج مصر بس .. لكن عيبه إن مصاريفه غالية شوية .. حوالي 30 دولار في السنة (تصحيح من الردود: 15 دولار بس)
بالنسبة لـ CIB نقدر نفتح فيه حساب بالدولار وحساب باليورو والاتنين بيطلع عليهم كروت ديبت عادي .. مصاريفه عادية جدا زي مصاريف الحساب اللي بالجنيه .. فتح الحساب حوالي 35 جنيه وإصدار الكارت زيهم تقريبا .. عيبه إنه سواء دولار أو يورو مش بيشتغل أون لاين .. لكن يشتغل مشتريات بره مصر عادي
حساب QNB مالوش حد أدنى يعني ممكن نسيبه فاضي عادي .. حساب CIB لازم له حد أدنى علشان مينزلش عليه مصاريف شهرية إضافية. الحد الأدنى بيكون ألف دولار أو ألف يورو أو 5000 جنيه حسب الحساب بأنهو عملة .. بس الفكرة إن الحد الأدنى يتحقق في أي حساب تبعنا .. يعني لو عندنا حساب بالجنيه وحساب بالدولار فلو اللي بالجنيه حقق الحد الأدنى بتاعه مش شرط اللي بالدولار يحقق الحد الأدنى
بنك CIB فيه ميزة إضافية ممكن حد يحتاجها إنه عنده مكن ATM في مصر بتطلع دولار .. يعني لو عندنا حساب بالدولار ومعانا الكارت ومحتاجين الدولار جوه مصر نقدر نعرف إيه المكن بتاعهم اللي فيه دولار ونسحب منه دولار .. بدون عمولة أو مصاريف طبعا لأنه المكن تبع نفس البنك ومن جوه مصر
لازم نبقى واخدين بالنا إنه مفيش عمولة في حالة المشتريات بنفس العملة .. يعني السحب الكاش بره مصر ولو بنفس العملة عليها مصاريف اسمها مصاريف استخدام ATM دولية .. وفي حالة المشتريات بعملة غير عملة الكارت في عمولة تبديل عملة .. يعني لو الكارت بالدولار والمعاملة باليورو هيكون في عمولة .. ساعتها مش هيفرق عن الكريدت كارد العادي .. يعني اللي مسافر الخليج وهيتعامل بالريال أو الدرهم هيبقى عليه عمولة .. واللي مسافر بلد تانية عملتها مختلفة يحاول يعرف هيتعامل هناك بالدولار ولا بعملة البلد
آخر ملحوظة هي إنه من باب الأمان واحنا مسافرين ناخد معانا برضه أي كريدت كارد عندنا ومبلغ كاش احتياطي .. لأن الكارت اللي كنا هنستخدمه لو اتسرق ممكن نكلم البنك نوقفه فمنخسرش فلوسنا .. لكن هندفع ازاي واحنا بره ومفيش مجال نروح البنك نطلع كارت تاني؟ ناخد احتياطنا مش أكتر .. زائد إن بعض الأماكن مش بتقبل الدفع بالكروت .. كاش فقط .. وبعض الأماكن مش بتقبل الكاش .. كارت فقط .. فالاتنين مهمين
طبعا باتكلم عن تجربة مش مجرد كلام نظري .. تجربتي كانت مع CIB وعملت الحساب فيه وطلعت الكارت وكنت باستخدمه على طول بره مصر بدون مشاكل