Z
Ziyad Elgendy
:: مسافر ::
#دليل_الرحالة_في_الهند الجزء الأول
أنا هتكلم عن تجربتي للسفر إلى الهند في الصيف اللي فات (من شهر 7 إلى شهر9 /2016)، أنا قضيت 74 يوم هناك بين التطوع مع ايسيك والسفر لوحدي، سافرت أكتر من 10,000 كم وزرت 10 مدن ، وده هيخليني أقدر أتكلم في تفاصيل كتير ممكن تحتاجوها في الهند، هتكون على أجزاء وكل جزء بيتكلم عن نقط مرتبطة ببعض .
الجزء الأول : معلومات عامة عن الهند.
الجزء التاني : المواصلات والإتصالات والسكن والأكل والشرب.
الجزء الثالث : المدن والأماكن اللي زرتها ومعلومات عامة عن الأماكن السياحية والأنشطة، بالإضافة للهوستيل اللي قعدت فيهم.
# في البداية هتكلم عن الأسباب اللي خلتني اختار الهند:
1. البلد متنوعة بشكل كبير (وكل ده في مساحة صغيرةنسبيا من العالم) هتحس إنك سافرت أكتر من بلد في نفس الرحلة، ومعروف هناك إنك لو سافرت 100 كم في أي اتجاه؛ الطبيعة والثقافة واللغات والديانات والأكل والشرب وحتى اللبس بيختلف، عمرك ما هتزهق وهتلاقي كمان في حاجات كتيرة فاتتك!
ده فيديو عملتوا عن رحلتي إلى الهند وهتلاقوا فيه أماكن كتير متنوعة :
2. الهند من الدول الرخيصة (بالنسبة لنا كمصريين)، ولو ديه أول مرة تسافر ولسه في بداية سكة السفر مش هتترقص جامد، وكمان ده هيخليك تقعد أطول فترة ممكنة.
3. اجراءات السفر سهلة ومن الدول اللي قريبة نسبيا (6 ساعات من القاهرة لمومباي بطيران مباشرة).
#الهند وشعبها :
- أولا الهند من الدول اللي هيبقى ليها مستقبل كبير وتأثير على المستوى العالمي قريبا، رغم المشاكل الكتير اللي عندهم واللي بيحاولوا يحلوها.
- أنا شخصيا مش شايف إن في فروقات كتيرة بين مصر والهند، وكمصري هتقدر تتأقلم بسرعة على الوضع هناك وهتقدر تحل أي مشاكل تواجهك.
- الهنود من الشعوب البسيطة والطيبة والهادية والمسالمة واللي بتحترم الأجنبي وبتحاول تساعده لومحتاج مساعدة. هتحبوا تتعاملوا معاهم
- أنصحكم تقرأوا عن تاريخ الهند وتعرفوا أكتر عن التنوع اللي موجود هناك.
# اللغات :
- في الهند 22 لغة رسمية ومئات اللغات المحلية (500-700 لغة)، بس الموضوع مش صعب لأنهم بيعتمدوا على اللغة الإنجليزية في التواصل بينهم وبين بعضهم وفي أغلب الأماكن هتلاقي اللغة الإنجليزية والهندية ولغة ثالثة (بتختلف من منطقة للتانية)، لدرجة إن السكان في شمال الهند لما يسافروا جنوب الهند بيتواصلوا بالإنجليزي والعكس صحيح، وفيه مصطلحات كتيرة من اللغة الإنجليزية (وحتى العربية) بيستخدموها في اللغات الهندية.
- لو لغتك الإنجليزية كويسة هتقدر تتواصل مع أغلب الناس، ولو لاقيت اللي قدامك مش فاهم انجليزي ممكن تسأل الناس اللي حواليك تساعدك وبالذات الناس المتعلمة أو الشباب، الناس اللي شغالة في السياحة أو النقل بيعرفوا يتكلموا انجليزي.
- مفيش مانع تتعلم بعض الكلمات الهندية وتتكلم بيها، لأن ده هيخلي الناس تتشجع إنها تتواصل معاك.
- لو حابب تتعلم لغة هندية ممكن تتابع القناة ده :
/Learn Hindi with Aya Abassi - تعلم الهندية مع آية - YouTube
# العملة : روبية هندية (Rs) (₹)
- الفئات : 1 - 2 - 5 - 10 - 20 - 50 - 100 -500 - 1000 - 2000
- الدولار الأمريكي = 60 - 70 روبية
- الجنيه المصري = 3.5 روبية (حاليا)
- الروبية من العملات الضعيفة ( بمعنى إنك هتشتري منتج أو خدمة هتلاقي نفسك دفعت مبلغ كبير بالروبية مع إنه مبلغ صغير لو قارنته بعملات تانية، مثلا لو حجزت هوستيل ب250 روبية هكتون دفعت تقريبا 4 دولار أو 70 جنيه).
- للأسف الصرافة اللي حولت منها روبية قبل السفر كانت قفلت، فلو أنت مقدرتش تتصرف وتحول لروبية فأنسب حل تحول من دولارأو يورو لروبية في الهند (وحاولوا تبعدوا عن المكاتب اللي في المطار)
- أفضل مكان وأفضل سعر صرافة ممكن تلاقيه في فروع Western Union
- ماكبنة الفبزا في الهند مختلفة عن مصر (أتاكد في الأول إذا كان الكرت هيشتغل في الهند ولا لا) ، الكرت هناك مبيدخلش الماكينة، أول حاجة بتخلي الماكينة تقرأ الكارت في الأول وبعدين تسحبه وبعدها تدخل كلمة السر وتكمل باقي الإجراءات عادي، بس أتأكد قبل ما تمشي إنك انهيت التعاملات (أتأكد من الشاشة أواضغط على زر Delete).
- المنتجات المعلبة والمغلفة في الهند عليها المعلومة "MRP : Maximum Retail Price" ومعناها أعلى سعر تجزئة ومن خلالها تقدرتعرف سعر أي منتج بدون ما تسأل حد وبدون ما حد ينصب عليك، في استثناءات للتسعرية في الأماكن السياحية والأماكن والمدن البعيدة اللي صعب توصلها المنتجات.
# مواعيد العمل:
- الهند مختلفة عننا بشكل كبير في مواعيد العمل وده ممكن يأثر على استخدامك للمواصلات العامة أو حتى المطاعم (لازم تخلي بالك من النقطة ديه)، الهنود مبيسهورش زينا.
- يوم الأحد هو الإجازة الرسمية في الهند (باللإضافة ليوم السبت في بعض المؤسسات).
- ساعات العمل الرسمية بتبدي من الساعة 9 - 10 صباحا إلى الساعة 5 - 6 مساء.
- المحلات ممكن تبتدي تفتح على الساعة 8 صباحا وتبتدي تقفل على الساعة 8 مساء وعلى الساعة 10 مساء هتلاقي كل المحلات قافلة بما فيها محلات الأكل والبقالة.
- توقيت الهند قبلنا ب 3:30 ساعات.
# الطقس :
- في الهند في 3 فصول أساسية: الصيف، والشتاء، وموسم الأمطار (Monsoon season)
- أنا قضيت معظم وقتي في الهند في موسم الأمطار (من شهر 6 إلى شهر 10 ) وفي الوقت ده بتكون السياحة قليلة وفي أحيان كتيرة مش هتقدر تستمتع بالرحلة لأن في أنشطة كتيرة بتقف (بس في نفس الوقت بيقبى سهل تحجز في هوستيل أو فندق وأسعار حاجات كتيرة متعلقة بالسياحة بتبقى أقل) ولو انت فكرت تسافر في منطقة بنيتها التحتية ضعيفة (زي الطرق وخدمات الصرف الصحي) ممكن تعلق هناك يومين أو تلاته لحد ما الأمطار تقل.
# الديانات :
- الهند بلد متنوعة وبالذات في الديانات.
- أنا زرت 8 معابد لديانات مختلفة (الهندوسية، البوذية، الجاينية، السيخية، الإسلام، المسيحية، اليهودية، البهائية)، والنسبة بتختلف من مكان إلى مكان.
- أنصحكم تتفرجوا على برنامج The Story of God with Morgan Freeman اللي بيتكلم عن نظرة الديانات المختلفة لأمور دينية مختلفة، وهتقدروا تعرفوا أكتر عن الديانة الهندوسية .
- الفيديو ده اتفرجت عليه قبل ما أسافر (موجود على موقع أيسيك الهند) بيوضح الفرق بين التفكير بين الشرق والغرب (وده له علاقة باختلاف رئيسي بين الديانات السماوية من جهة والهندوسية والبوذية من جهة تانية)
- الفيزا :
هي من الدول اللي فيزتها سهلة وبتطلع تاني يوم (واعذروني مقدرش اتكلم في تفاصيل أكتر لأن المبلغ اختلف عن السنة اللي فاتت والإجراءات ممكن تكون اتغيرت)، التفاصيل والتقديم هتلاقوه على موقع السفارة الهندية في مصر:
/Embassy of India, Cairo | Home
أتمنى الجزء الأول يكون عجبكم
أنا هتكلم عن تجربتي للسفر إلى الهند في الصيف اللي فات (من شهر 7 إلى شهر9 /2016)، أنا قضيت 74 يوم هناك بين التطوع مع ايسيك والسفر لوحدي، سافرت أكتر من 10,000 كم وزرت 10 مدن ، وده هيخليني أقدر أتكلم في تفاصيل كتير ممكن تحتاجوها في الهند، هتكون على أجزاء وكل جزء بيتكلم عن نقط مرتبطة ببعض .
الجزء الأول : معلومات عامة عن الهند.
الجزء التاني : المواصلات والإتصالات والسكن والأكل والشرب.
الجزء الثالث : المدن والأماكن اللي زرتها ومعلومات عامة عن الأماكن السياحية والأنشطة، بالإضافة للهوستيل اللي قعدت فيهم.
# في البداية هتكلم عن الأسباب اللي خلتني اختار الهند:
1. البلد متنوعة بشكل كبير (وكل ده في مساحة صغيرةنسبيا من العالم) هتحس إنك سافرت أكتر من بلد في نفس الرحلة، ومعروف هناك إنك لو سافرت 100 كم في أي اتجاه؛ الطبيعة والثقافة واللغات والديانات والأكل والشرب وحتى اللبس بيختلف، عمرك ما هتزهق وهتلاقي كمان في حاجات كتيرة فاتتك!
ده فيديو عملتوا عن رحلتي إلى الهند وهتلاقوا فيه أماكن كتير متنوعة :
3. اجراءات السفر سهلة ومن الدول اللي قريبة نسبيا (6 ساعات من القاهرة لمومباي بطيران مباشرة).
#الهند وشعبها :
- أولا الهند من الدول اللي هيبقى ليها مستقبل كبير وتأثير على المستوى العالمي قريبا، رغم المشاكل الكتير اللي عندهم واللي بيحاولوا يحلوها.
- أنا شخصيا مش شايف إن في فروقات كتيرة بين مصر والهند، وكمصري هتقدر تتأقلم بسرعة على الوضع هناك وهتقدر تحل أي مشاكل تواجهك.
- الهنود من الشعوب البسيطة والطيبة والهادية والمسالمة واللي بتحترم الأجنبي وبتحاول تساعده لومحتاج مساعدة. هتحبوا تتعاملوا معاهم
- أنصحكم تقرأوا عن تاريخ الهند وتعرفوا أكتر عن التنوع اللي موجود هناك.
# اللغات :
- في الهند 22 لغة رسمية ومئات اللغات المحلية (500-700 لغة)، بس الموضوع مش صعب لأنهم بيعتمدوا على اللغة الإنجليزية في التواصل بينهم وبين بعضهم وفي أغلب الأماكن هتلاقي اللغة الإنجليزية والهندية ولغة ثالثة (بتختلف من منطقة للتانية)، لدرجة إن السكان في شمال الهند لما يسافروا جنوب الهند بيتواصلوا بالإنجليزي والعكس صحيح، وفيه مصطلحات كتيرة من اللغة الإنجليزية (وحتى العربية) بيستخدموها في اللغات الهندية.
- لو لغتك الإنجليزية كويسة هتقدر تتواصل مع أغلب الناس، ولو لاقيت اللي قدامك مش فاهم انجليزي ممكن تسأل الناس اللي حواليك تساعدك وبالذات الناس المتعلمة أو الشباب، الناس اللي شغالة في السياحة أو النقل بيعرفوا يتكلموا انجليزي.
- مفيش مانع تتعلم بعض الكلمات الهندية وتتكلم بيها، لأن ده هيخلي الناس تتشجع إنها تتواصل معاك.
- لو حابب تتعلم لغة هندية ممكن تتابع القناة ده :
/Learn Hindi with Aya Abassi - تعلم الهندية مع آية - YouTube
# العملة : روبية هندية (Rs) (₹)
- الفئات : 1 - 2 - 5 - 10 - 20 - 50 - 100 -500 - 1000 - 2000
- الدولار الأمريكي = 60 - 70 روبية
- الجنيه المصري = 3.5 روبية (حاليا)
- الروبية من العملات الضعيفة ( بمعنى إنك هتشتري منتج أو خدمة هتلاقي نفسك دفعت مبلغ كبير بالروبية مع إنه مبلغ صغير لو قارنته بعملات تانية، مثلا لو حجزت هوستيل ب250 روبية هكتون دفعت تقريبا 4 دولار أو 70 جنيه).
- للأسف الصرافة اللي حولت منها روبية قبل السفر كانت قفلت، فلو أنت مقدرتش تتصرف وتحول لروبية فأنسب حل تحول من دولارأو يورو لروبية في الهند (وحاولوا تبعدوا عن المكاتب اللي في المطار)
- أفضل مكان وأفضل سعر صرافة ممكن تلاقيه في فروع Western Union
- ماكبنة الفبزا في الهند مختلفة عن مصر (أتاكد في الأول إذا كان الكرت هيشتغل في الهند ولا لا) ، الكرت هناك مبيدخلش الماكينة، أول حاجة بتخلي الماكينة تقرأ الكارت في الأول وبعدين تسحبه وبعدها تدخل كلمة السر وتكمل باقي الإجراءات عادي، بس أتأكد قبل ما تمشي إنك انهيت التعاملات (أتأكد من الشاشة أواضغط على زر Delete).
- المنتجات المعلبة والمغلفة في الهند عليها المعلومة "MRP : Maximum Retail Price" ومعناها أعلى سعر تجزئة ومن خلالها تقدرتعرف سعر أي منتج بدون ما تسأل حد وبدون ما حد ينصب عليك، في استثناءات للتسعرية في الأماكن السياحية والأماكن والمدن البعيدة اللي صعب توصلها المنتجات.
# مواعيد العمل:
- الهند مختلفة عننا بشكل كبير في مواعيد العمل وده ممكن يأثر على استخدامك للمواصلات العامة أو حتى المطاعم (لازم تخلي بالك من النقطة ديه)، الهنود مبيسهورش زينا.
- يوم الأحد هو الإجازة الرسمية في الهند (باللإضافة ليوم السبت في بعض المؤسسات).
- ساعات العمل الرسمية بتبدي من الساعة 9 - 10 صباحا إلى الساعة 5 - 6 مساء.
- المحلات ممكن تبتدي تفتح على الساعة 8 صباحا وتبتدي تقفل على الساعة 8 مساء وعلى الساعة 10 مساء هتلاقي كل المحلات قافلة بما فيها محلات الأكل والبقالة.
- توقيت الهند قبلنا ب 3:30 ساعات.
# الطقس :
- في الهند في 3 فصول أساسية: الصيف، والشتاء، وموسم الأمطار (Monsoon season)
- أنا قضيت معظم وقتي في الهند في موسم الأمطار (من شهر 6 إلى شهر 10 ) وفي الوقت ده بتكون السياحة قليلة وفي أحيان كتيرة مش هتقدر تستمتع بالرحلة لأن في أنشطة كتيرة بتقف (بس في نفس الوقت بيقبى سهل تحجز في هوستيل أو فندق وأسعار حاجات كتيرة متعلقة بالسياحة بتبقى أقل) ولو انت فكرت تسافر في منطقة بنيتها التحتية ضعيفة (زي الطرق وخدمات الصرف الصحي) ممكن تعلق هناك يومين أو تلاته لحد ما الأمطار تقل.
# الديانات :
- الهند بلد متنوعة وبالذات في الديانات.
- أنا زرت 8 معابد لديانات مختلفة (الهندوسية، البوذية، الجاينية، السيخية، الإسلام، المسيحية، اليهودية، البهائية)، والنسبة بتختلف من مكان إلى مكان.
- أنصحكم تتفرجوا على برنامج The Story of God with Morgan Freeman اللي بيتكلم عن نظرة الديانات المختلفة لأمور دينية مختلفة، وهتقدروا تعرفوا أكتر عن الديانة الهندوسية .
- الفيديو ده اتفرجت عليه قبل ما أسافر (موجود على موقع أيسيك الهند) بيوضح الفرق بين التفكير بين الشرق والغرب (وده له علاقة باختلاف رئيسي بين الديانات السماوية من جهة والهندوسية والبوذية من جهة تانية)
- الفيزا :
هي من الدول اللي فيزتها سهلة وبتطلع تاني يوم (واعذروني مقدرش اتكلم في تفاصيل أكتر لأن المبلغ اختلف عن السنة اللي فاتت والإجراءات ممكن تكون اتغيرت)، التفاصيل والتقديم هتلاقوه على موقع السفارة الهندية في مصر:
/Embassy of India, Cairo | Home
أتمنى الجزء الأول يكون عجبكم