M
Mohamed Elnjjar
:: مسافر ::
دلوقتى سهل انك تنزل من غير غطس ولا حتى عوم وتتمشى فى قاع البحر وتتفرج على كم مهول من الاسماك المفترسة والاليفة مع بعض وتتصور معاهم كمان
دا مكان محترم جدا وهتستمتع بيه انت واولادك او انتى واصحابك فى رحلتكم للغردقة ويعتبر من افضل متاحف الاحياء البحرية وواخد تصنيف عالمى لانه فعلا يستحق دا بكل جدارة .
جراند اكواريوم الغردقة ومكانه فى طريق القرى ادام قرية مجاويش وطريق سهل حشيش بالغردقة عبارة عن حوض سمك ضخم جدا فيه حوالى ملايين الملايين من لترات المياه كما انه يضم 22 حوض سمك ضخم ونفقين للمارة تحت الماء وبين الاسماك . والاكواريوم مساحته كبيرة جدا وفيه انشطة تانية زى حديقة للطيور والزواحف وجسر معلق وشلالات ممطرة . فى المجمل بدون مبالغة مكان رائعا ومبهر جدا انصحكم بزيارته .
سعر الدخول 180 ج للفرد اكبر من 10 سنوات و 90 ج للطفل من سن 3 سنوات الى 10 سنوات واصغر من 3 سنوات مجانا .
عشان توصل للاكواريوم محتاج انك تكون متفق مع تاكسى او عربية مخصوصة من الفندق ال انت فيه لانه بعيد هو حوالى من 15 الى 20 دقيقة بالسيارة من الغردقة .
الاكواريوم مفتوح يوميا بدون اجازات من الساعة 9 ص الى 6 م بس خد بالك انك تروح دايما قبل الساعة 10.30 ص لان فى هناك احتفال بيتعمل كل يوم الساعة 11 ص ودا عبارة عن غطاس بينزل فى الحوض الضخم طوله 30 متر وبيجمع كل الاسماك وبيعمل بيهم شو جميل .
طبعا هناك هتشوف كم رهيب من اسماك القرش المفترسة واحجام كمان منهم سمكة طولها حوالى 3 متر دا غير السلاحف البحرية واسماك الراى ال مشهورة بانها الاسماك الضاحكة وممكن تتصور صور رائعة هناك ومختلفة .
فى بس حاجة هناك انك ممنوع تستخدم الفلاش جوا المكان اثناء التصوير ودا لانه بياثر على الاسماك جوا الاحواض ولكن فى حل بديل ولطيف جدا لو حابب تعمله فى عندك وانت داخل من البوابة بعد ما تقطع التكت مكتب تصوير تابع للاكواريوم بيطلع معاك مصور محترف جدا بيصورك جوا صور بروفيشنال ومعاه وحدة اضاءة مصرح بيها جوا المكان عشان يطلعلك صور حلوة وسعر الصورة 10 ج وبتستلمها وانت طالع على سى دى او فلاشة او كارت ميمورى او الفون بتاعك .
جولتك فى المكان هتحتاج حوالى من ساعتين ونص ل 3 ساعات عشان تلف المكان كله وتستمتع بيه وممكن تصور جوا عادى بالكاميرا او الفون بس من غير فلاش . ومتنساش تتصور فى الممر الزجاجى الكبير والاسماك بتعدى من فوقك
#مصر_التى_لا_تعرفونها
التقرير دا من اكتر من 12 زيارة ليا للمكان ورجاءا ال هينشر البوست يذكر المصدر ال هو صفحتى وشكرا
دا لينك بروفايلى تقدرو تتابعونى باستمرار وتتعرفو على كل ما هو مفيد فى مجال السياحة الداخلية :
/Mohamed Elnjjar
دا مكان محترم جدا وهتستمتع بيه انت واولادك او انتى واصحابك فى رحلتكم للغردقة ويعتبر من افضل متاحف الاحياء البحرية وواخد تصنيف عالمى لانه فعلا يستحق دا بكل جدارة .
جراند اكواريوم الغردقة ومكانه فى طريق القرى ادام قرية مجاويش وطريق سهل حشيش بالغردقة عبارة عن حوض سمك ضخم جدا فيه حوالى ملايين الملايين من لترات المياه كما انه يضم 22 حوض سمك ضخم ونفقين للمارة تحت الماء وبين الاسماك . والاكواريوم مساحته كبيرة جدا وفيه انشطة تانية زى حديقة للطيور والزواحف وجسر معلق وشلالات ممطرة . فى المجمل بدون مبالغة مكان رائعا ومبهر جدا انصحكم بزيارته .
سعر الدخول 180 ج للفرد اكبر من 10 سنوات و 90 ج للطفل من سن 3 سنوات الى 10 سنوات واصغر من 3 سنوات مجانا .
عشان توصل للاكواريوم محتاج انك تكون متفق مع تاكسى او عربية مخصوصة من الفندق ال انت فيه لانه بعيد هو حوالى من 15 الى 20 دقيقة بالسيارة من الغردقة .
الاكواريوم مفتوح يوميا بدون اجازات من الساعة 9 ص الى 6 م بس خد بالك انك تروح دايما قبل الساعة 10.30 ص لان فى هناك احتفال بيتعمل كل يوم الساعة 11 ص ودا عبارة عن غطاس بينزل فى الحوض الضخم طوله 30 متر وبيجمع كل الاسماك وبيعمل بيهم شو جميل .
طبعا هناك هتشوف كم رهيب من اسماك القرش المفترسة واحجام كمان منهم سمكة طولها حوالى 3 متر دا غير السلاحف البحرية واسماك الراى ال مشهورة بانها الاسماك الضاحكة وممكن تتصور صور رائعة هناك ومختلفة .
فى بس حاجة هناك انك ممنوع تستخدم الفلاش جوا المكان اثناء التصوير ودا لانه بياثر على الاسماك جوا الاحواض ولكن فى حل بديل ولطيف جدا لو حابب تعمله فى عندك وانت داخل من البوابة بعد ما تقطع التكت مكتب تصوير تابع للاكواريوم بيطلع معاك مصور محترف جدا بيصورك جوا صور بروفيشنال ومعاه وحدة اضاءة مصرح بيها جوا المكان عشان يطلعلك صور حلوة وسعر الصورة 10 ج وبتستلمها وانت طالع على سى دى او فلاشة او كارت ميمورى او الفون بتاعك .
جولتك فى المكان هتحتاج حوالى من ساعتين ونص ل 3 ساعات عشان تلف المكان كله وتستمتع بيه وممكن تصور جوا عادى بالكاميرا او الفون بس من غير فلاش . ومتنساش تتصور فى الممر الزجاجى الكبير والاسماك بتعدى من فوقك
#مصر_التى_لا_تعرفونها
التقرير دا من اكتر من 12 زيارة ليا للمكان ورجاءا ال هينشر البوست يذكر المصدر ال هو صفحتى وشكرا
دا لينك بروفايلى تقدرو تتابعونى باستمرار وتتعرفو على كل ما هو مفيد فى مجال السياحة الداخلية :
/Mohamed Elnjjar
