اس كتير كانت بتسأل على المغرب و ايه احسن...

[Amina Abd Elhakam]

اس كتير كانت بتسأل على المغرب و ايه احسن الاماكن و الاسعار و كده
نبدأ من الشمال من طنجة هى مدينة على البحر اصلا هى كمدينة نضيفة و مريحة نفسبا فى المشى و كدة بس مفهاش activities كتير غير لو علوز تزور مغارة هرقل او انك توصل لاعلى و اخر نقطة فى المدينة " cap spartel" تشوف ال view من هناك بتاع البحر و فى مطاعم فوق برضة ك hotles و كدة انا مقعدتش فى hotles بس فى واحد بيبعد عن وسط المدينة ب 0.8 كم اسمه شالة ب 260 درهم الليلة حوالى 270 جنيه و واحد تانى اسمه ibiss ب 360 درهم حوالى 370 او 380 جنيه عشان تروح طنجة عندك حللين يا باباص بحوالى 100 جنيه يا بالقطر بحوالى 160 جنيه هو مبدأيا الانتقالات شوية غاليه عن مصر بس ممكن تأجروا عربية هيبقى الموضوع احسن و سعر اقل
و بعد كدة فى تطوان دى برده بعيده عن طنجة بحوالى 10 كم برده كمدينة مريحة نفسيا و نضيفة و فى وسط الجبال و ممكن تطلع الجبال دى تتفرج من فوق و فى كذا منطقة حلوة للخروج و الاكل و هى المضيق "fnidq" و مارتيل فيها بحر برضة و بعدها بحوالى 30 كم و قبل سبتة ب 2 كم فى الكاستييخوس castillijos هو مكان shopping جميل الصراحة و معظم الحاجة بتبقى جاية من اوروبا و رخيصة و طبعا على طول الطريق البحر جنبك و طبعا لو عاوز تدخل سبتة فا دى تروح سفارة اسبانيا هناك هيجوك فيزا ليوم واحد بحوالى 400 جنيه
نكمل فى الشمال تانى فى شفشاون و اقشور للى بيحب الطبيعة من ضمن الحاجات اللى ممكن تعملها هناك هتمشى فى غابة كبيرة فى الاخر هتوصلك لشلال كبيير طبعا الل هيروح يروح من بدري عشان يلحق يوصل و المشى على رجليك و بعد كدة ممكن ترجع تأجر بيت فى شفشاون من 150 جنيه و انت طالع و هناك المنظر الطبيعية تحفة
فى مدينة الحسيمة انا لسة مرحتهاش بس بيقولوا حلوة اوى برضة هو عمتا انا بفضل الشمال لانه انضف و هادى و مريح و عمتا كعادة دول المغرب العربى بيغلب عليهم الطابع الاندلسى و ده هتلاقيه كتير فى مدن الشمال..
فى مدينة افران و دى واخدة rank تانى انضف مدينة على العالم و الهدوء فيها مش طبيعى دى للناس اللى حبه هدوء فى الشتاء درجة الحرارة بتوصل تحت الصفر و بيكون فيها تلج و فى كذا مدينة جمبها كدة زى اوكيمدن ممكن تروح تعمل كل ال activitiesالخاصة بالتلج بقى و فى الصيف جوها بسبقى بارد و حلو مش حر فيها برده غابات و شلال كبير
الرباط و كازابلانكا "الدار البيضاء" مفهومش حاجة تتعمل كتير غير اماكن الخروج و البحر و السينما و المولات و مطاعم و كدة و شوية اماكن اثرية فى الرباط و مسجد الحسن التانى فى الدار البيضاء و فيهم اسواق برده و دول ممكن تتحرك بيهم بالترامواى "metro" لو مش عاوز الباص يعنى مع ان الباص ارخص
فى الجنوب بقى و من اكتر المدن شهرة مراكش و دى المدينة السياحية رقم 1 فى المغرب و بتتسمى مراكش الحمرا نظرا لان معظم البيوت فيها باللون الاحمر مشهورة بساحة الفنا بالليل و الاكل الشعبى و القرود و التعابين فى الساحة دى و الهدايا طبعا بس غالية هناك زيادة عن اللزوم درجة الحرارة فيها فى الصيف معدية ال40 و هى بعيدة عن البحر و من مراكش ب 25 كم فى مكان اسمه اوريكا ده جبل برضه هتطلعه على رجلك لمدة ساعة تقريبا و الماية بتنزل من جمبك و فى الاخر هتوصل لشلال تانى و فى مطاعم و انت طالع لو عاوز تريح و تاكل و تكمل و فى مدينة تانية مغروفة بردضه "اجادير" لسة برده مرحتهاش بس من المدن الحلوة جدا و مشهورة بزيت الارجان اللى بيستخدم كأكل او مواد تجميلية و الصحرا بيقولوا هى كمان روعة و فيها camps و كده
دول من المدن اللى رحتها فى مدن تانيه رحتها صغيرة زى الجديدة و مكناس و غيرها بس حلوين و فيهم اماكن حلوة و بحيرات و اماكن اثرية زى فى الجديدة و كده، ده اللى انا فكراه لحد دلوقتى يعنى ياريت يكون فادكوا بحاجة ان شاء الله المغرب حلوة اوى فعلا و مهما رحت مش هتكتشفها كلها
اكلها طبعا مشهوؤ و معروف و حلو اوى و مابيتخنش مهما كلت جربوا الكسكسى بالخضار و الحريرة و البسطيلة و الطاجن
ارخص سعر تذكرة طيران غالبا هتلاقيه على الخطوط الملكية المغربية و طبعا حسب الموسم بيتراوح بسن 3700 ل 4900 رايح جاى، مصر للطيران معدية ال 5000 و ممكن تدخل فى ال6000 عادى
/Les 10 endroits à absolument visiter au Maroc
ده site فى الاماكن الحلوة هناك
ممكن ت google بقى على الاماكن دى و تشوف اكتر و تتعرف اكتر
#المغرب_بلد_جميل

 

[Moutaz Mohamed]

مجهود و معلومات رائعه
كنا فعلا محتاجين حد يعرفنا بالمغرب

 

[Hewaida El-Nagar]

Merciii bgad information to7faaa

 

[Yasser Mansour]

Amina bgd thank you so.much enty khaaleteny 3ayez arooo7 tany.

 

[Mohamed Osama]

Saif Aldeen Abo ElRoos

 

[Nabila Hunny]

Merci!
But at first,let me correct to u some informations:
-el medieq is not el fnydek,
-Castell ijos is fnydek,
-to visit Ceuta;you need visa Shengen,
-the ski station near Ifrane is Michlefine;Oukaymden is near Marakech,
-the place in Marakech is called:Sahat jamaa lafna;
-the Souvenirs there are not too expensive;you can find easily key holdes at 5 DH;it means less than one dollard!
-Akchour need to be able physicly to hiking;it's not easy to go thereif you never climb moutains,
-the Tramway is not the Metro because it is in the ground,
-Rabat is wondenful and has many places:the forteress of Oudayas;the Royal Palace,the kings cimetry and other museums
-you can go to popular hostels if you are a Backpacker and pay just 60 Dh or 100 Dh for a single room but the Toilets and shower are outside;
-the South is Rich and you should visit Sidi Ifni,Mir left and Lagzira,
-discover the biggest dune in Marzouga;
-the Moroccan Tea ;
-try the public Bath;
-try Coushsurfing.

Welcome to Morocco;my country ABOU DOUNYA

 

[Hesham Ahmed]

شكرا على المعلومات الرائعة جهد مشكور

 

[Lolo Mody]

جميل شكراً للمعلومات

 

[Sara Hassan]

طيب هي تقريبا كده كام يوم عشان تزوري الحجات دي كلها ؟

 

[Louize Ahmed]

يكفي كام لو زياره اسبوعين ؟

 

[Nabila Hunny]

الطراموي اسمه طراموي و ليس "المترو"
الرباط اللي بتقول عليها "ما فيهاش حاجة تتشاف غير كم مآثر"

مصنفة ثراث عالمي إنساني من طرف اليونسكو غير أنها عاصمة المملكة.

الساحة اللي في مراكش اسمها "جامع الفنا"
و القرود و الثعابين اسمهم الحلقات"
و الساحة باللي فيها مصنفة من طرف اليونسكو ثراثا عالميا إنسانيا.
و ثراثا عالميا لا ماديا.

 

[Ahmed Hosny Younis]

المغرب بلد جميل فعلا و ان شاء تكون وجهتى فى شهر مايو

 

[Ayman Abdelaziz]

شكرا على المعلومات. لكن حاسس انك بتكتبي باختصار شديد ومخل ودون تعمق. ودا بينتقص قيمة المكان اللى حضرتك بتوصفيه. وعموما شكرا على جهدك الجميل

 

[Eslam Ebied]

انا هناك دلوقتي و استغدت جدا بكلامك دة

 

[Bichou Boutayb]

للتصحيح 1 درهم اصبح يساوي 1.85 جنيه