يا جماعه سؤال غريب بس الناس اللي معاها جنسية...

[ÂhMěď Ğåbęŕ Hâžėm]

يا جماعه سؤال غريب بس الناس اللي معاها جنسية فرنسية حتعرف ترد ... انا لو بمقدوري اخد جنسية فرنسية مع العلم اني عايش في مصر وشغال مع مؤسسه فرنسية .. ايه النفع اللي حيعود عليه وعلي اسرتي من الجنسين الفرنسية ... وكمان ايه الضرر من حصولي علي الجنسية الفرنسية ؟ الكلام دا علي لسان اخويا الكبير ياريت اللي عنده خبره ف الموضوع دا يرد لو سمحتو

 

[Ahmed Yahya]

انا معايا جنسية اوربية احاد اوربى و مش مستفيد فى اى حاجة و عايش و شغال فى مصر الحلو فبها انى عندى تامين صحى هناك بروح اتعالج و الممرضات حلوين و فى الصيف بسافر اصرف الى حوشته فى مصر

 

[Andrew Mansour]

مفيش فرق غير انك بتستفيد بالتامين الصحى افضل من مصر

 

[Mostafa Mahmoud]

مفيش اي مقارنه بين العيشه في مصر....واوروبا!!!فقدم عليها فورا...لو كنت تقدر فعلا...وتضمن مستقبل افضل ليك ولولادك من كافه الوجوه...تعليم مجاني...تامين صحي شامل مجاني....الشفر بحريه تامه. العمل ولاقامه في اي دوله اوروبيه.......فقدم ولا تتواني دقيقه واحده..وربنا يوفقك...

 

[Sherif Elhellow]

هتحميك من الحكومه و الشرطه المصريه و هاتعرف تعيش محترم و مهاب ان ليك بلد تحميك

 

[Ashraf Gawdat]

معلش أنا بتأكد إني فهمت صح: حضرتك مصري وبتسأل إيه مزايا إن يبقى معاك جنسية فرنسية؟

 

[Antonio Berbatov]

من أكبر المميزات الى فى اي جنسية اوروبية أولا ً انها بتحميك من سخافات اي فرد شرطة جوة مصر, دة أولا ً , ثانيا ًَ معظم جنسيات الاتحاد الاوروبي بتدخلك 150 دولة ع الاقل بدون فيزا ومن ضمنهم امريكا وكندا واستراليا ونيوزيلندا , واهم حاجة بقى , انك لو معاك جنسية اوروبية , ليك حق العمل فى اي دولة تاني داخل الاتحاد الاوروبي من غير ما تقدم على فيزا او تصريح عمل , تالت حاجة انا مستغرب اني فى حد يسال سؤال زي دة بصراحة ,

 

[Rehab Trahony]

عشان لو حصل في الامور امور.. تقدر تخلع بسهوله

 

[Faten Abdel Hameed]

ده سؤال؟؟؟

 

[Mohamed Ibrahim]

هو السؤال معاك الجنسية الفرنسية وعاوز تاخد المصرية وتشوف ايه اللي هتستفيده ده كدة السؤال اوقع

لكن اللي حضرتك بتقوله ده ميتسالش اصلا

 

[Ahmed Soly]

اوعي تاخد جنسيه الاتحاد الاوربي دول فقرا وهيضحكو عليك ويمصو دمك ضرايب ولا هتلاقي مستشفي ولا طريق عدل خليك ف بلدك وجنسيتك المصريه اوعي هااااااا

 

[Shirin A. Rahman]

التعليم و الصحة في فرنسا افضل حتي من أمريكا، لو انت في فترة إعداد أسرة روح ربي أولادك هناك التعليم الأساسي هو الافضل، 2- عدد المسلمين هناك كتير يا الأكثر في أوروبا سهل تتجوز و أولادك كمان يتجوزوا،3- الثقافة الفرنسية مميزة مقارنة حتي بأمريكا، فرنسا هي قلب اوروبا و أحلي اكل و افضل ثقافة

 

[Mönä Shöüshä]

معلش ممكن استفسار عندي سؤال عن فيزا شينجن هولاندا بس ال wall مقفول مش عارفه اعمل ايه..يا ريت لو حد يساعدني..يا ريت لو حد يعرف لغه هولندي عشان مبعوتلي الجواب بالهولندي... Mohamed Shaltout

 

[Islam Sameh]

هو فين السؤال

 

[Abdelrahman Sheta]

لو انت هتعيش هناك يبقى ما يصحش تسأل السؤال ده و لو هتعيش في مصر فعندك ميزات كبيرة .. زي مثلا لو اتاخدت من قفاك هتلاقي اللي يسأل عليك .. ثانيها انك تقدر تعمل بيزنس كأنك اجنبي و تاخد امتيازاتك دعمك و خلافه و اي خلاف على مستحقاتك كمستثمر بتقدر تجيبها غير بقى سيادتك مش مضطر تتذل قدام اي سفارة عشان تسافر .. و لو عجبتك اي شغلانة في الاتحاد الاوروبي تقدر تقدم و يبقالك الاولوية .... اما العيب الوحيد لما تيجي تترشح لرئاسة الجمهورية ممكن تترفض

 

[Lamiaa Abdullah]

ولو اخوك عندو عيال بينفع تقدم علي منحة السفارة الفرنسية وبيدرسو فالمدرسة الدولية الغالية اللي فطريق الاسماعيلية امو 85 الف جنيه فالسنة.لو الطفل معاه حنسية بيدرس فيها بمبلغ بسيط اوي وساعات ببلاش.
غير التأمين الصحي

 

[Ahmad Fathi Nassar]

الجنسية المصرية حاليا افضل ... بتسمحلك بحرية الحركة لدول كتير و التامين الصحى افضل كتير و العيشة امنة اكتر لان فى اوروبا عامة نشالين كتير و سرقة كتير ...

 

[Waleed Mohamed]

مش هتعرف تاخد الجنسية الفرنسة أصلا بوضعك ده .. الجنسيه لها شروط مثلا تكون مقيم على الأقل خمس سنوات في فرنسا غير العمل المستقر وبقية الشروط ..

 

[Ali Met]

اولا الطبيعي انك هاتتنازل عن جنسيتك المصريه ساعتها هتتعامل معامله الاجانب نزولك كل مره هتدفه مثلا فيزا انك تتملك حاجه باسمك او تفتح بيزنس او شركه هيكون فيه شويه صعوبه ومصاريف زياده طبعا انا مش عارف ازاي هتاخد جنسيه بلد وانت مش عايش فيها اقصد فرنسا بس اكيد انت ادرى ..فرنسا فيها مميزات طبعا لو هتعيش هناك مفيش كلام عشان دوله عالم اول ..وبالتوفيق

 

[Adel Shokhba]

بما انك عايش في مصر يبقى عمرك ما تقدر تاخد الجنسيه الفرنسيه. ايا كان المكان اللي انت شغال فيه الا اذا كنت تعرف رءيس فرنسا معرفه شخصيه. وساعتها هتعمل له مشاكل لانه هيكون خالف الدستور علشان يديك الجنسيه بالنسبه للاضرار اللي هتقعد عليك انت هي انك لازم تتنازل عن الجنسيه المصريه. ( اذا الموضوع يفرق معاك)