مساء الخير .. رسالتي دي لكل اللي سغالين في...

  • بادئ الموضوع بادئ الموضوع Muhammad Ali Al Qalyoby
  • تاريخ البدء تاريخ البدء
عرض العطلة
#83
من الاخر عايز تتعامل ملوكي متطلعش بره ٣ فنادق
4season
Kempinski
Rixos
المشكلة الوحيدة انك بعد اقامتك في اي من الفنادق دي هتكره اي فندق تاني نزلته بمعنى الكلمة
 
عرض العطلة
#86
حضرتك عايز تفهمنا انك لافيت على فنادق شرم والغردقة كلها؟ ده انت غني بقى!
طيب ما كنت تطلع سياحة برا مصر بيعاملوا الناس كويس اوي
 
#88
بص حضرتك انا والله ما بدافع عن الناس اللي شغاله في السياحة وانا واحدة منهم انا بشتغل في فندق ٥ نجوم النزيل العربي بشكل عام والمصري بشكل خاص اما بيجي فعلا بيستنفذ كل موارد الفندق مش هقولك اكل عادي بالهنا والشفا لا كمان بيحاول يطلع باي مصلحة من الفندق بيتلكك عشان الفندق يعمل له تعويض واحنا فعلا بنعوض النزيل عندنا بافخم التعويضات المتاحة مش بس كده الناس دي والله والله والله كمان مره بنقبض ملاليم حضرتك مش هتصدق مهما احلف لك ان المرتبات اقل من الف فالناس دي بتكون عايشه علي امل حبه بقشيش اي حاجة السايح العربي ممكن يقعد يطلب مثلا من البار ٥٠ ساندوتش ويكرمش الشيف ب٥ ج يا اخي الفاضل انت لو بتقول علينا سيئيين فاللي بيفهم في السياحة دلوقتي قاعد في بيته كل دي عماله مش مدربه وماتعرفش حاجة عن السياحة عشان فلوسها قليله ومافيش كمان اي تشجيع ولا تحفيز من النزيل فيه فرق في الثقافه من النزيل ومن الشخص اللي بيتعامل معاه
 
#89
هو انا كنت متردد أرد على الكومنتات بس طبعا مش هقدر ارد على كل دة بس أنا قريت كله و فعلا أنها مهتم إن يكون في تفاعل بالموضوع لأهميته :
- واضح إن ناس كتير عانت من اللي إتكلمت فيه و لمسته على أرض الواقع ..
- كل شغلانة و مجال فيها الحلو و الوحش و في فنادق كتير خدمتها فوق الممتازة لكل الguests على سبيل المثال و ليس الحصر ريكسوس و كليوباترا في شرم ، و شتايجنبرجر في الغردقة بناء على تجربتي..
- فنادق كتير بتعاني من اللي بقوله و تعتبر هي الأغلبية ..
- أحسن خدمة في مصر موجودة في الأقصر و أسوان و طابا يا ريت تتعلموا منهم .
- ما شاء الله في ردود مريبة و بتأكد كلامي وواضح إن فعلا بعض و أنا بأكد على بعض دي محتاجين علاج نفسي كمان بجانب التدريب المهني .. خصوصا الأخ اللي بيقول كل واحد ياخد واجبه و يتكل على الله .. دة يا حبيبي عندكم في البلينة و مع إحترامي الكامل للفلاحين و الصعايدة اللي أنا و كلنا منهم بس فعلا دة أسلوب زرايب .
- ردا على اللي بيقول إنت عايز تقول إنك زرت كل الفنادق .. طبعا إستحالة بس بحكم شغلي و مجالي زرت و قعدت في فنادق كتير في كل مصر و برة مصر معظمها 5 نجوم أقدرأقيم الوضع من خلالها .
- زرت خمس بلاد سياحة فعلا و كل الفنادق هناك حتى ال hostels خدمتها عالية جدا و لا تقارن بمصر ..
- وضع السياحة صعب دة حقيقة لكن دة مش مبرر كافي إننا نحسن من أسلوبنا و تعاملنا مع أي guest ..
أتمنى تكون المناقشة إيجابية و تقدر تعمل حاجة مفيدة سواء للفندق أو النزيل المصري .
 
#90
نفهم من كل ده ان الخدمات فمصر رايحه فداهيه فاي مجال وفاي مكان هتيجي ع الفنادق بقا اللي معاه فلوس يطلع يتفسح بره وينبسط
 
عرض العطلة
#91
في الواقع هو سوء الأدب مش بنلاقيه من الاستاف اللى بنعاملهم لان الحمد لله تجربتي في الفندقين اللى روحتهم في شرم أن الأستاف كان شباب متعلم ومحترم ومؤدب فعلا كنت فخور بيهم .....لكن تدخلي الفيس بوك تلاقي بوستات كلها تهكم وسخرية وشتيمة على الجست المصري وبدون استثناء اللى يقولك نص الجست المصري حرامية.....لكن اكيد التعليقات دى مش بتصدر من الشباب المحترم اللى احنا بنشوفه وبنقابله في الفنادق دول اكيد الفئة الأقل من العمالة وغالبا مش خريجين سياحة وفنادق.....لكن كلمة حق الأستاف مرتباتهم ضعيفة جدا لأنهم كانوا بيعتمدوا على التبس وطبعا في العصر الذهبي للسياحة كان بيدخلهم تبس كتير يعني اللى اعرفه ان اقل تبس بيدفعه الجست الانجليزى 5 جنيه استرليني فبالتالي الناس دى في أيام صعبة ولكن ده مش مبرر انى ادخل على الفيس بوك وابتدى اكتب بوستات كلها وقاحة وقلة أدب على اهلك وابن بلدك ....وكلام في سركم ....ان أغلب الكلام ده بيطلع من الناس اللى سافرت من الأقاليم وراحت تشتغل في شرم مبيطلعش من الناس اللى عنيها مليانة .....بتحس انك كمصري خايف تاكل خايف تشرب خايف تنزل البيسين خايف تعمل اى حاجة في الفنادق دي لحسن يتقال شوفوا المصريين بيعملوا ايه لا ومعلش مين اللى يقول كده واحد جاى من ورا الجاموسة .....لأى درجة......لدرجة انى نسيت اجيب صن بلوكر .....واضطرت انى انزل ابني عنده سنة ونص البيسين من غير تيشرت قطن بالمايوه فقط.....طبعا عملت كده ....لاني قريت بوستات كتير بتشتكي من المصريين وانهم بينزلوا بملابس قطن وانهم بهايم وجهلا وهيضروا السياحة......وكانت النتيجة انى ابني اصيب بحروق من الشمس وقعد طول الليل يبكي ويصرخ......وده خلاني في الحقيقة أفكر في الأنتقام منهم وكنت ناوي ادخل على تريب ادفيسور واكتب ريفيوهات تخلى اى سائح يفكر مليون مرة قبل ما يسافر لشرم الشيخ والغردقة. .....ولكن فكرت أن في ناس محترمة وولاد ناس شغالة في الفنادق دى ملهاش ذنب بالزبالة اللى بيدخلوا يتهكموا ويشتموا في المصريين بشكل عام
 
#92
والله والحق يتقال الفنادق اللي نزلتها ف شرم كل معاملتهم لطيفه وبشوشين بس ده بيعتمد ع ال gust
اللي يقدر انهم بني ادميين زيه وما يتعالش عليهم
 
#93
انا روحت شرم مرتين و بصراحة ف السنتين اللي فاتو و ف اوتيل ٥ ستارز و بصراحة ال ستاف كان كويس جدا و محترمين و بشوشيين و مشوفتش حاجة وحشة السنة اللي فاتت كان بيحصل مهازل من الناس ف المطعم و كان في هدر فظيع و الادارة تاني يوم علقت قدام باب المطعم انهم رمو اكل كتير جدا و طالبو النزلاء بأنهم ياخدو اللي يكفيهم و ان شاله يعملو ١٠٠ ريفل و دا طبعا حقهم و ف أماكن ف أوربا لو عملت هدر ف الاكل بيدفع النزيل تمنه
 
#95
الغردقه دي اقذر بلد روحتها انا قعدت 4 ايام من لحظه ماوصلت لحد مامشيت وانا كل حاجه وكل شخص بقابله كان بيكرهني فيها وللاسف كنت في ال honey moon قمه في الاستغلال غير ان اللي بيشتغلوا في الفنادق مش ناس كفاءه نهائيا انهم يشتغلوا في السياحه علي عكس مرسى علم ناس راقيه جدااااا بشوشين محترمين ونظاف وخدمتهم كامله متكامله
 
عرض العطلة
#96
لازم تقول اسم الفندق عشان منظلمش الباقي والفندق اللي مش محترم لازم بتظبط علي مواقع التواصل الاجتماعي عشان يعلم العاملين فيه ان كل النزلاء واحدوموضوع البقشيش مش دايما صح لان الطبقه اللي بتيجي مصر تعبانه
 
#98
طبعا حضرتك عندك حق ولكن جزئيا ده رايي المتواضع في الموضوع ده
-النزيل المصري همجي بالفطره هو ماحدش علمه في المدرسه انه يحترم الكابور ومايخبطش في اللي قدامه وهو واقف منتظر، محدش علمه انه ماينفعش يمد ايه من قدامك عشان ياخد معلقه رز ولا زفت علي دماغه
- النزيل المصري زائر شرم والغردقه بيعتبر انه اشتري الاوتيل بفلوسه وعايز يستفيد بكل مليم دفعه، حقك يا افندم لكن مش بالاسلوب الزفت اللي انت بتعمله ده، انت لو حسبت انت دافع كام قصاد الخدمه اللي انت عايزها حتفهم انا بحكي في ايه
- الناس كلها جايه تاكل وتشرب ماحدش علمه انه ياخد اكل علي قده لان كل الاكل والمشوبات اللي بتتساب حرفيا بتترمي فخد اللي يكفيك ولو لسه جعان خد تاني
- انت ليه منتظر الويتر يعاملك كويس وانت محسسه انك اشتريته بفلوسك، لا يا افندم انت غلطان جدا حاول تضيف كلمه لوسمحت وشكرا للمعجم بتاعك
- انت متخيل الروم السيرفيس بيقضي اد ايه في اوضه المصري مقارنه باوضه العميل الاجنبي عشان حضرتك بتبقي سايبها اسف في الكلمه زريبه وهو عند وقت لازم يخلص فيه كل اوضه مايتعداش السبع دقايق
الفنادق بقي
- الفنادق ممكن تحسن من خدامتها بشكل كبير بتعليم الناس ازاي تبقي منظمه لوحات تفهمه انه ياخد اكل غلي قده انه مايمدش ايده في وسط الطابور وهكذا
- تفعيل ال set menu عشان يقدم اكل بجوده معقوله توازي الخدمه اللي الزبون منتظرها
- كل اوتيل لازم يبقي فيه guest relashionship بيستقبل شكاوي العميل ويفهمه اللي ليه واللي عليه
- تغريم العميل اللي يتلف حاجه في الفندق للحفاظ عليه احنا شعب مايجيش غير كده
- كل العاملين في الفنادق محتاجين كورسات سوفت سكيلس وكومينيكشن سكيلس عشان يعرفو يعملو الناس ايه افضل طريقه يعاملوهم بيها
- ماينفعش تفرق في المعامله مابين ال gusts المفروض كلهم عندك واحد والمحافظه علي رضاهم هي سمعه الاوتيل
- يتعمل سيشنس للعملا تعرفهم قوانين الاوتيل عشان الزبون يبقي عارف اللي ليه واللي عليه
- ممكن نحط شاشه صغيره العميل يسيب فيها رايه عن كل خدمه في الريسبشن مثلا للخدمات المختلفه زي النضافه والاكل والبوول وكده بشكل سهل وش بيضحك او وش زعلان عشان تحافظ عالزبون بتاعك
- اسلوب التعامل بتاعك بيمحي فرصك في المقاومه شئت او ابيت انت في مصر ووجود العميل المصري اكتر من الاجنبي هو امر حتمي


انا عندي والله افكار كتير بس للاسف ماحدش في الناس ديه بتسمع .... لنا الله
 
#99
مصر كلها بقت كده تحس كل واحد مش شغال شغلته وأي حد مفروض بيقدملك خدمة بيحسسك انك شغال عنده مش فاهم على ايه ده انتوا مش فاهمين شغلكم اصلا وفلاحين شغال في السياحة لازم هيخربوها زي ما خربوا كل حاجة ... مصر للأسف بتضيع منها الصنعة والاحترافية واللي بيفهم بيهرب من البلد ده عشان يحفظ كرامته وسايبينها لاصحاب الوسايط والفاسدين اللي بيجيبوا بعضهم ويطفشوا النضيف ... واكبر مصيبة ان فيه ناس كتير من مصر بترضى انها تتعامل معاملة زبالة وبيقبلوا بمعايير منخفضة متساويش الفلوس اللي دافعها ولا حتى ربعها
 
#100
مع احترامي لحضرتك وان بعض كلامك صح لكن لاتعمم الحكم انا جربت شرم والغردقة 3 مرات وكلهم ال staff كانوا محترمين جدا لكن المشكلة اكبر من كده العروض الكتيرة جدا جدا من شركات السياحة مع تفاوت الاسعار واقبال كبير تقريبا من معظم طبقات الشعب المصري علي شرم والغردقة اللي كانوا مقصورين فقط على طبقة معينة مع اختلاف السلوكيات لها تاثير كبير علي ردود افعال العاملين في معظم الفنادق هناك ودي عن تجربة شفتها اكتر من مرة لدرجة اني انا كنت نفسي اطرد احد النزلاء من المطعم لاسلوبه المستفز نعم لولا السياحة الداخلية لاصبح الحال اسوا اللي اعرفه وبعمله واللي انا متربية عليه اني اعامل كل الناس باحترام لانه بالتاكيد هيعاملني بنفس الاحترام
 
عرض العطلة
عرض العطلة
عرض العطلة
أعلى أسفل
عودة
قائمة