A
Ahmed Sobhy
:: مسافر ::
حضرتك بصيت للموضوع من وجهة نظرك . ممكن تبص بقى من وجهة نظر اللى شغالين هناك و طبعا دى حالات بتحصل و كتير انا شفت واحدة على الفطار فىً فندق واخدة طبق فيه لايقل عن ١٥ بيضة و طبعا الباقى مفهوم و مش هكمل . ثقافة احترام المكان معدومة و بالتالى ثقافة احترام النزيل معدومة . هيا معادلة لو حليت الطرف الاول هاتحل الطرف التانى
A
Amr Dessouki
:: مسافر ::
نظام البوفيه المفتوح نظام فاشل زي نظام الدعم ...بيخلي الفنادق تجيب حاجات رخيص علشان تملأ بطون الزبائن لان الفطاربيكون سعره غالبا شامل في سعر الغرفه وحتي لو مش شامل بيطحت سعر موحد وممكن ناس فاكره الموضوع ياكلوا اي كميات ويرموا نص الاكل...مفروض الفطار يكون بوفيه لكن بطريقه النقاط..يعني كل زبون له ميه نقطه ...وكل منتج له سعر عشر نقاط....فممكن واحد ياخد قطعه جبنه رخيصة بس كبيره او قطعه جبنه غاليه لكن صغيره ...و ساعتها كل واحد يستهلك الميه نقطه بتوعه فقط ومش هيرمي حاجه من البوفيه وممكن لو اتبقي له نقط ياخد بيها فواكه او ساندويتش من البوفيه وهو ماشي ...ونحل ازمه البوفيه المفتوح الي فاضحنا ...وكذلك في اي بوفيه غدا او عشا
N
Noha Yassin M
:: مسافر ::
ارفض التعميم وارفض كمان نصيحة ان محدش يروح شرم والغردقة! انا هتكلم عن شرم اللي روحتها والحمدلله مقبلتش النماذج دي فيها، انا معاك ان اغلبهم غير مؤهلين وغير مدربين لأن الفنادق مشت جزء كبير من الstaff عندها وفي بعضهم بقى اي حد بيشغلوه اي حاجة! طبعا موضوع التيبس فعلا شيء يسد النفس حتى عند الاهرامات مش شرم والغردقة بس، الحل انك تقدم شكوى او تغير المكان اللي انت فيه بس انا اعرف ناس راحت كونكورد السلام في شرم وان بروح كل سنة جراند روتانا ومشوفتش النماذج دي الحمدلله ..
A
Ahmed Mahmoud Samy
:: مسافر ::
بوص يا فندم انا حصل معايا نفس المشكله دي بالظبط من اسبوع والاوتيل كان هايل بس الstaff بيتكلموا بطريقه زفت ومعامله وحشه جدا في اول يوم وصلت فيه من اول الريسبشن لحد اقل واحد بيخدم عملت شكوي وقبلت المدير عاوز اقولك الوضع اختلف خالص من طريقتهم وكل شويه علي الاكل يسألو تحب تأكل ايه غير الحركات اللي بتتعمل في الاوضه ده حتي الشيف الرئيسي جالنا وسألنا تحبو تأكلو ايه علي العشا ودي اول مره تحصلي الصراحه فعاود اقولك متسبش حقك واكتب شكوي او روح للمسئول واشتكي علي تستفيد وتفيد غيرك والدنيا تتصلح
R
Reham Fahmy
:: مسافر ::
والله انا شفت الاتنين ناس محترمين وناس العكس تماما، اول مرة رحت شرم الشيخ كنا في 2011، دخلت محل اشتري حاجة، صاحبه قاللي حرفيا انا مش بابيع لمصريين وكانت معاملة الستاف في الفندق سيئة جدا، كاننا جايين عندهم البيت زيارة في وقت مش مناسب. نزلت في كذا مكان بعد كده، كانت المعاملة الطف شوية لحد ما رحت اسوان ونزلت في guest house، صاحب البيت حرفيا قاللي انا اخدم المصري ابن بلدي بعينيا وما اخدمش الاجنبي. الاجانب برضه فيهم ناس قمة في قلة الادب والقرف، كل الفرق ان شكلهم احلي وملونين ف بيدوا انطباع انهم احسن وهما نيلة.