مساء الخير .. رسالتي دي لكل اللي سغالين في...

  • بادئ الموضوع بادئ الموضوع Muhammad Ali Al Qalyoby
  • تاريخ البدء تاريخ البدء
عرض العطلة
#41
بصوا يا جماعة .. الاتنين صح .. فعلا بعض الفنادق معاملة ال staff فيها وحشة .. وبرده المصريين جزء كبير منهم مش عارفين يتعاملوا في الفنادق اصلا ... بس انا حاسة ان غصب عنهم .. احنا ما اتربيناش على الفنادق وشرم والغردقة .. فرأيي .. ان الفنادق تعمل حملات توعية .. عشان غلاء اسعار القرى السياحية زمان هو اللي خلى المصريين عندهم نوع من الجهل شوية في التعامل في الأماكن دي ... واحنا عايزين كلنا نرقى .. فلو الفنادق اتجمعت وعلموا حملات توعية كخدمة للمصريين وزيادة ثقافة .. حتبقى فكرة حلوة اوي.
 
#44
انا ضد اى تمييز عكسي للمصريين ايا كان المبرر و الاسباب،تقولى جهلة متخلفين تنكين عاهات خربانين مليش فيه...طالما فتحتلهم الفندق و عارف ثقافتهم تحترمهم و تشيلهم فوق راسك...و اكيد فيه الحلو و ان كانت نسبته قليلة و فيه الوحش
الناس دى نتاج تجهيل و تغييب عشرات السنين مش هم اللى عملوا فى نفسهم كده...حضرتك السياحة عندك بتقع فجبتهم بقي من العشوائيات اللى انت عيشتهم فيها و من الارياف و الصعيد عشان ينقذولك السياحة فى شرم و الغردقة فمتلومش عليهم و تشيلهم فوق راسك...و انتو كفنادق بدل ما تسيبو الاستاف يتعذب و يتبهدل و ياخد موقف نفسي من اهل بلده و لا بدل ما تديهم تعليمات مباشرة يطفشوهم ما تحترموا نفسكم و تلموا من بعض و تعملوا خطة توعية فى الاعلام و البرامج و ترفعوا مستوى الوعي من جيوبكم لان مفيش حل تانى و محدش هيسمعكم غير كده...مترفع مستوى التعليمات جوة الفنادق و تعمل انشطة توعية اول ما ضيوفك يوصلوا و تشرحلهم باسلوب محترم غير مباشر كل اللى مضايقك منهم...بلاش تكرهوا الناس فى البلد اكتر من كده
 
عرض العطلة
#46
القضية ان نص الفنادق او تلت ارباعها ال بيملكها لواءات او عمداء سابقين ف أجهزة سيادية مخابرات او قوات مسلحة ..مش هتعرف تعاقب الفندق نفسه بطريقة رسمية .. استف الفندق زي عمال البنزين مرتبات متدنية جدا والمصدر الأساسي هو التيبس دا مع احترامنا المتناهية لكافة الوظائف ... مفيش فندق هيكلف نفسه ايام تدريب بأجر كامل ووجبات للاستف عشان يعلمهم ازاى يعامل الزبون كويس .. مفيش مصريين بقوا يتهافتو على وظائف السياحة ويتغرب عن أهله زي زمان ف جنوب سينا او البحر الاحمر كلو عارف ال فيها وتدني الأجور وف اى وقت هيقوله مع السلامة عشان يقلل التكاليف ..ليس دفاعا عن احد بس تحليل للقضية كلها .. انزل فنادق القاهرة وشوف الدنيا هتلاقيها مختلفة لأن زبائن فنادق القاهرة منقصوش عن قبل كدا
 
#47
اعتقد اللى رايح شرم الشيخ مثلا وبيدفع ده واحد فاهم انه بعد قطع المسافة ودفع الفلوس هاياخد حاجة محروم منها طول السنة اكل على مستوى حمام نظيف سهرة ممتعة والا كان قعد فى البيت والعمالة المهددة بالبطالة تنحرق وتخيل ابنك لو قالوله كيف امضيت الاجازة الصيفية سيقول بابا كان بيتخانق مع بتوع الفندق فى شرم الشيخ
 
#48
معلش استحمل تعليقي شوية، أنا مقيمة في مصر من سنين واروح لكل الاماكن اللي بتقول عليها والصراحة عمر واحد من الشغالين في الفنادق اللي رحت لها ما حسيت انه طمع فيا اديله حاجة زيادة غير اللي ممكن انت كمصري تقدمه له
وانت بنفسك قلتها نوعية السياح الاوروبيين اللي يروحوا الاماكن دي مش اللي يعني ماشيين ويصرفوا.
فمسألة الفلوس حطها جنب.
اه فيه بعض موظفي الفندق خصوصا الريسبشن مايبقوش في المستوى المطلوب لكن مش بالأسلوب اللي بتوصف به الصراحة.
الفنادق صح فيها تقصير من حيث النظافة احيانا لكن المشهد العام مش كارثي.
بس تعال احكي على بعض تصرفات الضيف المصري ودي كان بيحصل قدام عيني وكنت اعمل الملاحظات بيني وبين نفسي
١- تكشيرة الصبح دي كانت ملازمة كل اللي ينزلوا يفطروا، معظم الناس اللي تنزل المطعم ماتسمعش كلمة صباح الخير منهم للي صاحي من النجمة واقف يحضر لهم اكل.
٢- الأطفال ثم الأطفال اللي بتشيل مواعين وتقعد تلف بها في وسط المطعم امام اعين الأهالي ( الحاجات دي خطيرة وبتوتر اي حد يتفرج على المنظر فمابالك موظف الفندق.
٣- ارجع واقول طريقة طلب الحاجة حتى لو انت شايفها من حق وحافظ لي قوانين السياحة، ماينفعش تطلبها بنوع من الامر ونبرة التعالي، زي ماانت عاوز تتعامل كويس ابدأ بنفسك وعامل غيرك كويس.
الشغال في الفندق هو موظف في مؤسسة لازم علينا نقدر مجهوده وبعده عن أهله وظروفه، لو حس بشوية تقدير صدقني المعاملة تختلف تمااااااما.
التقدير بحسن الكلام وبابتسامة فقط يا ناس ودا اللي بيعملوه الاجانب
أخيرا، انا كأجنبية مقيمة في مصر، وبأزور الأماكن السياحية عدة مرات في السنة اقدر أقول انه اللي شفته سلبيات من guest المصري أكثر بكثير من اللي شفته من الستاف بتاع الأوتيلات
ودي ملاحظة العديد من اصحابي حتى المصريين منهم.
 
#49
مع كامل احترامي لكلامك ، اولا حضرتك منزلتش كل فنادق شرم والغردقة واتعاملت مع العمال اللي شغالين هناك واحد واحد عشان تحكم علي كل العاملين هناك .. ثانيا : حضرتك مستوي التعليم والفقر في البلد مرتفع ، فلا تتعجب هتشوف كتير ... ثالثا انا بعاني زيك بالظبط لما بنزل مصر ... بس صدقني في staff محترمين بس مش كتير
 
#50
بصراحه انا عمري ما نزلت فندق وحصلي اي موقف من اللي كاتبه او في اي رحله وممكن فعلا في فنادق بتعمل كده بس انت لازم يبقي ليك رد فعل وتفهم ان المعووج عليك تعدله ولو كان حصلي اي موقف من اللي كاتبه انا مكنتش هسكت ان اعرف كل واحد ازاي يتعامل معايا بس متنكرش حقيقه برضو ان فيه مصريين متكابرين وبيتعالوا علي الناس وده شوفته وطبيعي مش هتحترمني يبقي ولا هعبرك
 
عرض العطلة
#51
لا انت بتعبر عن مشاعرك بس خلاصة لكلامك المصريين بطبعهم عنصريين اوي ودي حقيقة ديما يسال الديانة طب انت منين عندة فكر عنصري وفاكر ان دة فضول وبعيد عن العنصرية قلة الضمير وحب الشغل الكلام اكتر من الشغل اسباب كتير هتوقفنا بس نصيحة لما تلاقي واحد مريض زي دة اكسر عينة واديلة درس طلع من جيبك فلوس وقولة خد عشان مبقاش اقل من الاجنبي الي بيجي وبتتعامل معاة احسن من كدة حسسة انة حتة نكرة نفسية وحشة علي الفاضي
 
#54
العمالة الماهرة من اصطاف و شيفات غالبيتها سافرت الخارج ، اللي انت بتشوفه في فنادق شرم و الغردقة عمالة درجة تالتة الافضل سافر الخليج ،اللي بعديه في فنادق القاهرة ،أما اللي في فنادق شرم دوول اللي رضيوا بالمرتبات المتدنية ،يعني تلاقي الويتر اخرة 800ج، يعني و لا تتوقع لغة ولا أصول ضيافة،2- التبس أساسي في اى مهنة تتعلق بالضيافة لأن الاتش ار بيبقي قايل المرتب متدني علشان انت بتاخد تبس و المصريين بالذات طبقات معينة مش بتدي تبس، نصيحة عايز أماكن كويسة في شرم و الغردقة اطلع علي سافوي، بريمير، البارون، فورسيزون الخ
 
#55
عايز اقولك يامحمد..انت لما تشوف الفلبينيين فى دبى..اللى بيبقى عايز يشيلك من على الارض شيل..ايه خدمة العملاء دى ! طيب ادخل اى مكان اقلب المحل والبس كل الهدوم وقولوا شكرا..عارف هيقولك ايه..هيقولك please come again وهو فى منتهى السعادة..خش اى فندق..مفيش حد هنا بيفضل واقف باصللك يقولك بقشيش انت ومزاجك..ليه بقى لان فيه قاعدة انت اصلا دافع تمن الخدمة..البقشيش اصلا حاجة زيادة من العميل وهو وذوقه بس فعليا الخدمة مدفوعة..فى مصر الموضوع العكس..لازم تدفعله عشان يقوملك بخدمة هى مدفوعة اصلا لاما بيشوفك بخست حقه..وخد بالك دى عقلية سوق كامل..بقت قاعدة خلاص..حاجة تحزن فعلا
 
عرض العطلة
#56
بس بلاش التعميم لانى رحت ريزورت فى شرم والغردقة ومعاملة راقية جدا لدرجة أن فى ريزورت فى شرم وهو صن رايز جراند سيليكت اربيان بيتش ريزورت اتصلوا بنيا بعد مارجعنا عشان يشوفوا اى ملاحظة وبالنسبة للنظافة فى أماكن على أعلى مستوى لدرجة أن شفت عامل فى الجاردن كان بيوضب الأشجار صباع رجله اتقطع وهو بيشتغل وينظف تقريبا كان ماسك اله حادة
بلاش التعميم والدعاية السلبية فى اكيد أماكن وحشة زى مافى أماكن جميله ومعاملة راقيه
 
#58
عايز اقولك ان ده مش مشكلتهم بالعكس ده مشكلة الفندق الي جايب عماله بيشغلهم ب 1200 في الشهر 10 ساعات و التبس دا كمان بيبقوا ليهم نسبة منه الفندق اللي بيدهالهم مش بيحطوه ف جبهم زي ما انت فاهم =D
 
#60
الوزارة تثقف والفنادق تكسب .؟؟؟.
المستفيد من الزبائن هو الفندق وهو المسئول عن تدريب العمال ..ممكن وزاره السياحه تنظم كورسات تعليم وتدريب تندفع تمنها من الفنادق لتدريب عملها..لكن الحكومه لمابتحط مناخيرها في حاجه بتبوظها...الفنادق مفروض تتصرف وتدرب الناس وتوعي الزوار عن بعض التصرفات الغلط..
مثلا ان حد ياخد اكل من بوفيه الفطار ويعمل سندوتش وياخده معه في أوروبا بعض الاوروييين بيعملوا الحركه البايخه دي والفنادق بتكتب يافطه كبيره علي،بوفيه الإفطار تمنع هذا التصرف غير المتحضر ان الإفطار فقط لصاله الفطار وممنوع حد ياخد حاجه معاه وهو ماشي..مش،عيب ان نوعي الناس بالصح والغلط
 
عرض العطلة
عرض العطلة
عرض العطلة
أعلى أسفل
عودة
قائمة