واقف قدام شباك الجوازات وجه حظي مع ظابط ،، أقل...

[Bilal Mümin]

واقف قدام شباك الجوازات وجه حظي مع ظابط ،،
أقل ما يُقال عنها إنها ست حيزبون

ودار الحوار كالآتي :
* انت مسافر Paris ؟؟
- ايوا مسافر Baku الاول ترانزيت وبعدين Paris
* عندك اقامه في الكويت ؟؟
- ايوا زي ماهو واضح قدامك حضرتك في الباسبور
* هاترجع الكويت تاني ؟؟
- اكيد هرجع تاني
* معاك تيكت العوده من باريس ؟؟
- لاء معايا تيكت العوده من روما وشافتها

وبعد الانترفيو الي من اول وجديد ده ،، طلعت مُكبر لانها اصلاً لابسه نظاره نظر وقعدت تبص ع الشينغن تتأكد اذا كانت سليمه ولا لاء وبعدين خدت الباسبور وراحت المكتب تشيك ع الفيزا برضو .
وختمت لي ختم الخروج بعد طلوع الروح

ملخص الكلام انها عملت كده معايا عشان سُمعتنا الي سبقانا في موضوع كسر الفيزا وانها اصلاً مش واثقه اذا كنت هرجع البلد الي انا خرجت منها تاني ولالا ،،
مع انها ملهاش الحق اصلاً تسالني كل الاسئله دي ،،
هيا ليها انها تشيك علي الفيزا وخلاص

اتضايقت اني الوحيد الي اتاخر ع الشباك حوالي تلت ساعه معطل كل الناس ورايا والناس ع الشبابيك التانيه جري ،،
وحسيت ان لعنة الباسبور المصري ستحل أينما كنت
#اقعدوا_بالعافيه
#جورجيا
#تبليسي

 

[Hosam El-Qalliny]

دة كله بسبب بطاقة التموين الخضرا اللى بيسموها باسبور مصرى
و دى تخيل لموظفة الشباك اللى بتقول عليها

 

[Mohamed Sanad]

مشكله مماثلة حصلت معايا وانا في جورجيا وكانت مراتي وبنتي معايا ومغادر علي سلطنه عمان انا معايا اقامه وهما معاهم فيزا ورق مش مطبوعه عالباسبور...وضابطه الجوازات تقوللي انا مش فاهم ازاي دي فيزا ...وبترد بكل عجرفه وتملق فما كان مني اني عرفتها انها مش بتفهم حاجه وان الناس بتدخل عمان بالتاشيره كده عادي من كل دول العالم وهيا اللي بتقوللي انا بشتغل بقالي ١٩ سنه واول مره اشوف فيزا كده ...قابلت عجرفتها بتكبر مني وفي الاخر راحت بالجوازات والفيزا لحد تاني ورجعت ختمت ومشينا..طالما ورقك وفيزك سليمه متخافشي من حد....

 

[Mâř Řôô]

ههههههههه العادي بس سيبك ابختك والله

 

[Gehad AL-saied]

عادي برضو
حصلت معايا ساعه الا ربع ف هيثرومنهم لله

 

[Mohamed Sanad]

بس من وجهه نظري يومها اعتقد ان الضابطه دي عندها شويه عنصرية يمكن تجاه المسلمين خصوصا اني زوجتي محجبه...بس اعلي ما في خيرها كانت تركبه....ومكنتش تقدر تمنعني من السفر واخرها كانت تعطلنا شويه في المطار لأن مش من حقها تشوف فيزني سليمه لدولة الوصول او لا...

 

[Šǻmäŕŕ ṀǿsȜḑ]

انت جاوبتني ع سؤال مهم كان بيدور ف بالي دايما ،، اللي هو دخول اوروبا من بلد والخروج من بلد تاني
بس عاوزه ارخم واسال تاني ،، قدمت ورق فندق ف البلدين وكدا وهل بحد مينفعش حجز هوستيل ؟؟!!
انا واخده شنجن قبل كدا مرتين ،، بس اني ادخل بلد واطلع من غيرها لسه مجربتهاش وخايفه

 

[Ivan Enrique Gomez Castro]

عادي بتحصل في جورجيا عشان هما اصلا بهايم وهما بيروحوا اوروبا يكسروا هناك المفروض انهم سمحولهم دخول الشنجن تلات شهور هما بيروحوا يبلطوا واكتر ناس حرامية في المانيا ومعروفين علشان كدة بيفتكروا الناس بتعمل زيهم بلاش تشتم بلدك الباسبور المصري احسن باسبور لو استخدمتة صح وحطيت علية فيز حلوة

 

[Tarek Soliman Karim]

شفتها قدامي وانا داخل باريس من مطار شال ديجول
من مصر
اكتر المصرين وقفو ف الشباك سين وجيم وكل واحد مطلعله فلدر وورق و تعالى ع جمب
انا معايا باسبوري الأسترالي وعديت ف خمس ثواني من غير شنجن من غير فيزا ولا اي سؤال
بص ف وشي وبص ف الباسبور وختم وقالي ويلكم وبس ع كده
ووقفت بره استني صاحبي المصري اللي اتعرف عليه ف الطياره
الحمدلله اني مابشلش الباسبور المصري خالص
الاسترالي وبس

 

[Ahmed Elbasha]

فعلا في ضباط جوازات رخمين جدا .. بس توضيح بسسط لحضرتك عشان حضرتك بتقول انها ملهاش الحق اصلا تسالك كل الاسئلة دى وليها انها تشيك على الفيزا وخلاص ..
يا جماعة والله ضابط الجوازات من حقه يقبل او يرفض دخول اي شخص ومحدش يقدر يقوله تلت التلاتة كام ..
التاشيرة يا جماعة الى على الباسبور ليس معناها تاشيرة دخول الدولة ولكن معناها تاشيرة الوصول حتى ضابط الجوازات .. ثم ختم ضابط الجوازات هو ده معناه الدخول للدولة
كل واحد مسافر لازم يكون ورقه كامل وسليم يكون معاه تيكت عودة مؤكدة وحجز فندق ومعاه مبلغ مالي للاحتياط وكريدت كارد .. انت ايوة كان كل حاجة معاك سليمة بس ضابط الجوازات من حقه يسال كل الاسئلة دى واكتر وبالذات عشان الباسبور المحترم بتاعنا

 

[Mohamed Ahmed Abd Elghany]

طب احمد ربنا انا اتعمل معايا الحوار دا فاليونان ع الشباك و مش كدا بس و طلعوني مكتب امن المطار كأني مجرم او قافشين حاجه معايا منتهي الاهانه بنتعرضلها بسبب الباسبور المصري بتاعنا الجميل

 

[Shoeib M Ragab]

ياجماعة ولا بسبب الباسبور المصرى ولا حاجة دى إجراءات ومن حق ظابط الجوازات بسالك عن كل شئ لأنه هو للى بيعطيك دخول للبلد مش الفيزا... باسبور مصرى ليس له اى دخل

 

[Ivan Enrique Gomez Castro]

Bilal Mümin لا نفس الباسبور الاخضر بس عرفت اجيب علية فيز كبيرة وكمان قبل حوار الفيز الكبيرة اتحبست في بلغاريا اربع ايام اي حد فيكوا لو شاف الشفتة كان راح فيها دة انت من واحدة بتبص علي فيزتك بالمكبر عملت فيلم امال يا برنس لما تخش سجن اربع ايام في بلد غريبة حتعمل اية ؟ بس انا لو زيك كنت قعدت اشتم في الباسبور بس انا طبعا لا اجتهدت وجبت امريكا وسافرتها وبعدها سنجن وكندا انشاللة في السكة

 

[Mohammed Hassan]

انا مشكلتي اني من التدخين الكشف الطبي عندي بيبين اني عندي مشكلة ف الرئة وبيسقطوني والحمدلله دلؤتي بتعالج بس العلاج هيطول شوية وانا مسافر كمان شهرين بيبقي حلها ايه عشان اخلص الكشف الطبي دا ؟؟؟مع العلم ان كل باقي الفحوصات سليم 100%والرئة سليمة ولله الحمد هو مجرد شوية تعب بسيط بس بيبان ف الاشعة ومش عارف اعمل ايه ؟؟؟

 

[Mohamed Shehata]

ههههههههه ههههههه حلوه أوي لعنة الباسبور المصري

 

[Nehal Shaltout]

حصلت معانا و احنا داخلين برشلونة قعدت تبص على الموبايل بتاعها شوية و بعدين فتحت تحقيق معانا و هي قالبة بوزها و كانت منتهى قلة الذوق طيب البوي فريند بتاعها مشبشبلها احنا ذنبنا ايه

 

[Mary Abdelmalak]

مترجعش بالعند فيها

 

[أبو مهند الأزهري]

انت كنت طالع من الكويت ولا القاهرة؟

 

[RaNa Abd El-kareem]

ف مطار الكويت نفسه بيسالوني عالاقامه برضو واستفسارات بس مبيأخرونيش ، ف عادي اجراءات امن ونتانه

 

[Warda Ahmed]

موظفه تؤدي عملها