اسئلتى كترت انا عارفة بس عشان اول تجربة سفر...

[Mahy Mohamed Ali]

اسئلتى كترت انا عارفة بس عشان اول تجربة سفر ليا وقلقانة .. طبعا زى ماتنو عارفين انى مسافرة الهند وبما انى شوفت تجربة سيئة للترانزيت على الجروب فانتبهت ان انا الترانزيت بتاعى 45 دقيقة فقط لا غير و انا رحلتى على الخطوط الجوية الكويتية حسافر من القاهرة لل كويت و بعدين ل نيودلهى عندى كزا سؤال:
1- هل ال 45 دقيقة كافية انى انزل من طيارتى والحق الطيارة التانية؟
2- هل بدخل على الجوازات فى مطار الكويت ولا بروح على صالة المغادرة على طول مع العلم ان بوابات الوصول والمغادرة فى التذكرة واحدة ( اللى هية ال terminal ) عشان بس مكونش فاهمة حاجة غلط ولا حاجة
3- على حسب ما فهمت المفروض من مطار القاهرة اخد 2 بوردنج صح كدة؟؟
4- اللى عنده تجارب بالترانزيت يطمنى لان التذاكر اتحجزت خلاص

 

[Shaimaa Shrief]

خدي الاتنين بوردينج من مطار القاهره ضرووووري واتأكدي ان الشنط هتتشحن ع الهند وتستلميها هناك... مفيش جوازات ولا ختم في الترانزيت هتكملي مع المواصلين للسفر لبوابة خروجك واسألي اول ما تنزلي البوابه فين واتأكدي منها وان شاء الله تلحقي

 

[Mayoyat Magdy]

F

 

[Sara Wagdy]

بصي انا والدي كان بيبقي ماكد حجز الطيران بتاعي برقم موبايله فاي تغيير ف الرحله او المعلومات بتاعتها بتاعه الgate &boarding time كانت بتجيله عالموبايل ويبلغني بيها لو حصلتلي مشاكل فلو تقدري تعملي حاجة زي كده بحيث اول ما توصلي المطار تبقي عارفه طريقك ومتدوريش ولو حصل تفتيش او اي حاجة ف البلد اللي نازله فيه وقت الترانزيت القصير وهيبقي ف طابور استأذني من الأمن علطول ان طيارتك كمان 45 دقيقه علشان يخلصولك ورقه بسرعه وامشي علطول وان شاء الله ميبقاش في مشاكل

 

[Heba Hoba]

م

 

[Mostafa Salama]

45 دقيقة قليلة اوي .. تعملي ايه لو طيارة القاهرة الكويت اتأخرت 30 دقيقة مثلا ؟ .. اعرف حد كان نازل نيويورك طيارته بعد نيويورك كانت لبوسطن ب ساعتين وربع . طيارته نزلت متأخرة ساعة نيويورك الساعة وربع الباقية مالحقش طيارة بوسطن وماسهلوش في الجوازات له اي حاجة . الاجراءات هي الاجراءات مع العلم انه امريكي الجنسية ! ليه تحطي نفسك تحت الضغط ده

 

[Mohamed Sanad]

الخطوط الجوية الكويتيه سئية جدا من تجارب ناس اعرفهم واحتمال التأخير وارد غير ان 45 دقيقه قليل جدا ومحتمل لو تاخير ربع ساعه معاك فى الطيارة الاولى يعمل معاك مشكلة ومتلحقشى التانية

 

[Wael Aboelmagd]

وقت الترانزيت مش كفاية
لازم يكون 2- 3 ساعات ع الاقل عشان تضمني ظروفك

 

[Moaaz Mansour]

إن شاء الله هتلحقي لكن المشكلة ممكن تكون في الشنط

 

[Mohamed Yehia]

1- 45 دقيقه طبعا كافيه للترانزيت ومتقلقيش خاالص , في بيبقي 15 دقيقه و بيلحقوا عادي و بعدين خلي بالك اصلا لو حصل اي حاجه حتسمعي اسمك بيتنادي ف مطار الكويت عشاان شنطك ببتتغير من طيلره الكويت لطيلره التانيه اللي هي نيو ديلهي و بيبقي عرفين ان في مسافرين عندهم ترانزيت ولاااازم يستنووهم.
2- لا طبعا ملكيش دعوه بجوازاات الكويت خاالص لو حتعدي حيبقي تفتيش عادي و تشيك ع الباسبور بتاععك اول ما توصلي مطار الكويت امشي ع العلامات الموجوده حتلاقي حاجاات للجوازات و علامات للترانزيت.
3- طبعا اتنين بوردينج كارد حتخديهم واحده للقاهره و التانيه للكويت ومكتووب عليها الجيت او البوابه بتاعتك.
4- اهم حاجه من كل اللي فاات ده ف مطاار الكويت حتلاقي في شاشاااات عليها طياره نيوديلهي و رقم البوابه واارد جدا رقم البوابه يتغيير من ال بوردينج بتااعك اللي انت وخدااه من مصر ف اللي تعمليه تسالي اي حد من الي ف المطاار علي رقم ريحلنك حتي لو شوفتيه ع الشاشاات اتاكدي كويس من رقم الرحله و الوقت ! اي احد قصدي شغاال ف المطاار مش مسافريين , بس مش حواار خاالص.
45 دقيقه كافيه جدا جدا جدا توكلي ع الله و have a safe trip

 

[Sara Mahgoub]

اعملي تشيك اون لاين او خدي اب٢ بوردينج من مطار القاهره واول ماتنزلي الكويت حتلاقي اتجاهين صاله الوصول و ال connecting flights هي دي حتنشي في اتجاها بصي علي شاشه الرحلات او اسالي علي gate kam مش حتعدي علي جوزات ولا حاجه اتاكدي بس من مطار القاهره ان شنطك حتوصل لاخر الرحله والي هي الهند

 

[Sara Mahgoub]

ومتقلقيش حتلحقي الرحله ان شاءالله وحيكون معاكي كذا حد اكيد من نفس الطياره

 

[Mahmoud Daoud]

ممكن رقم الرحلة عشان نشوف متوسط التزامها

 

[Mahmoud Daoud]

منقول من الاستاذ عبدالمنعم صادق

يعني لو المسافر حتي صاحب الخبرة في السفر اضطر ..وده بيحصل كتير ..انه يسافر علي short connection ففيه شوية حاجات ممكن يعملها علشان يتجنب ان طيارة الكونيكشن تفوته:
١) يغير طيارته من الأساس
٢) يحاول يححز كرسيه بقدر الإمكان قريب من باب الخروج من الطيارة علشان يكسب وقت في النزول
٣) يكون عامل حاجة اسمها
luggage throughly checked confirmation علشان ما ياخدش وقت في مطار الكونيكشن
٤) مايكونشي معاه hand luggage كتييير علشان سرعة الحركة في المطار
٥) يحاول يحصل علي رقم ال gate في مطار الكونيكشن قبل السفر وده بيكون متاح في أغلب الحالات علشان يوفر الوقت بتاع التدوير علي البوابة

 

[Tamir Magdi]

الوقت قليل اوي ال risk عالي اوي، لو اول طيارة اخرت نص ساعه بس مش هتلحقي الطياره التانىه،وده كان هيحصل معايا شخصيا

 

[ENna Ezzat GH]

India is amazing I lived there for 4 years ay as2la fl donya es2leeny

B3sh2 el kalam 3nha aslun

 

[Mohamed Rifat AHalim]

مش كفاية وتحسبا لحالات الطوارئ الوقت لازم يكون من ساعتين الى ثلاثة

 

[Abdel Moneim Sadeq]

لو معاكي مسافريين كتييير علي الطيارة مكملين علي رحلتك للهند ماتقلقيش..هاتلاقيهم في انتظارهم ..وبعدين حضرتك مش ها تعملي إجراءات في الكويت ..انتي هاتكوني في الترانسفير ايريا..الوقت قليل والمطار في الكويت مش بالكبر اللي يخليكي تفوتك الطيارة..لو فيه اي اجراءات استأذني من الموظف وفهميه انك لازم تكوني علي الجيت..كل اللي اقدر أقولك عليه..توكلي علي الله..وتأكدي من أن عفشك throughly checked من القاهرة ولو عندك دقيقتين في الكويت اعملي confirmation مع موظف الخطوط في الترانسفير انك عفشك ها يتشحن..صدقيني آخر حاجة عايزة تعيشيها هي تجربة تخلف العفش وانتي في بلد زي الهند..good luck

 

[Mayoya Essam]

بصي اولا وانتي بتحجزي لازم تاخدي ال ٢ بوردينج ولو ادوكي واحدة بس فهميهم ان مفيش وقت وهما غالبا بيكونو عارفين انا كنت بسافر ترانزيت ٥٠ دقيقة بس اول لما اطلع من الطيارة اول ظابط يقابلني اساله علي الجيت
ثانيا استاذني الي بيديكي البوردينج انه يقعدك قدام وأول لما تطلعي مطار الكويت مفيهوش شاشات كتير حاولي تسالي حد بسرعه وخديها جري بجد هتتعبي ٥ دقايق بس هتريحي دماغك بعد كدا وان شاء الله هتلحقي ورحلة سعيدة ان شاء الله

 

[Haitham Ossman]

لما تاخدي٢ البوردينج من القاهرة هاتلاقي بوردينج نيودلهي مكتوب رقم الجات ومطار الكويت صغيىر مش كبير يعني ترمنال واحد
وتوصلي بالسلامه