الاخوة والاخوات الكرام فيه واحد كان بيسأل هنا...

[Ehab Elhagar]

الاخوة والاخوات الكرام

فيه واحد كان بيسأل هنا عن موضوع الجمارك الخاصة بال red wine.

انا اللي حيرني انه تقريباً كل الناس دخلت تهاجمه

واحد كمان دخل يقول طيب ما نسأل علي بيت دعارة بالمرة

احب بس اوضح ان انا لا بشرب خمور ولا عمري هشرب الحمد لله ومع ذلك

احب اقول لكل واحد هاجم الراجل ده بكلام شديد اللهجة ان مش من حق حد انه يحاسب مخلوق ولو عاوز تنصحه انه يبطل او حاجة قوله علي الخاص بينك وبينه لكن لا تهاجمه لان عمر الاسلوب ده ما هيجيب نتيجة

وردي علي الناس اللي هتقول اننا منستعجبشي بقي الناس اللي ممكن تدخل تسال علي بيت دعارة او مخدرات
ان الخمور غير ممنوعة في مصر لا دخولها ولا شربها في حين ان الدعارة والمخدرات ممنوعة
يبقي انت بتحجر علي حرية الراجل ليه ؟؟؟؟؟

بالنسبة للاداب العامة
احب اقول لحضرتك ان الجميع هنا علي حد علمي وبدون استثناءات سافروا لدول اخري بيتم شرب الخمور فيها عادي
مفيش حد منهم يجروء انه يتكلم في الموضوع ده بره.

احنا مفروض متحضرين
الراجل سأل عن الجمارك وهو مش جايبهم يتاجر فيهم
يبقي اللي عارف يرد واللي مش عارف يستني
ارجوكم علشان احنا بيتم انتقادنا بره لطريقة تناولنا للمواضيع
خلونا نبقي موضوعيين في مناقشاتنا

اشكركم

 

[Moutaz Mohamed]

كلام عين العقل
نبطل نتدخل في خصوصيات الناس و نعيش في دور الكمال

 

[Heba Mohamed]

لا ازاي لازم نتدخل في خصوصيات بعض

 

[Douaa Alsokkary]

لا حضرتك دي موضه انو كل واحد في حاله وبينه وبين ربنا والكلام ده مش مع المسلمين... احنا ديننا لازم فيه الامر بالمعروف وحرام الجهر بالمعصيه يعني لو بيشرب فيشرب مع نفسه ويشتري كمان بس ميجيش على جروب هوا عارف انه اغلبيته مسلمين وعرب ويكتب انه عايز يجيب خمره... احنا بنعمل الواجب علينا وهو النهي عن المنكر وهوا ليه الحريه بقا فانه يعمل اللي عايزه

 

[Mohamed Elshahat]

كل اللي اقدر اقولة لصاحب البوست انك إنسان خلوق ومحترم

 

[Mariam Hashem]

انت حر ما لم تضر

 

[Mohamed Adly Kasem]

محدش هاجمه يا ريس ... كل الناس دخلت تنصح بالأدب و الدعاء و الدليل من القرآن والسنة النبوية الشريفة ... و محدش مستفيد حاجة من ورا كده إلا أنها من الكبائر لزم النصح فيها و كمان عشان الناس اللي بتزايد اللى بينصح ده ماهوش شيخ و لا معصوم من الخطأ ... شكرا

 

[Rania Hesham]

احنا مصريين لو مدخلناش ف خصوصيات حد نتحرق ✌

 

[Ahmed Hassanen]

ومين قالكم انه حيشربوا ممكن يكون جايبوا ينظف بيه جزم شمواه مثلا

 

[Mohamed Nasser]

يمكن لما يسمع من حد نصيحة قلبه يرق ويرجع لربنا احسن ما نسيبه يا ريت كاان عندنا اللي ينصحنا وقت ما اذنبنا

 

[Nurhan Wasel]

انت ناسى اننا فى مصر ولا ايه

 

[Ahmad Astal]

لعن الله بائع الخمر وشاربه وعاصره وساقيه اذا كان القانون الوضعي لا يمنع فإن القانون الالهي يمنع واذا لم يأخذ عقاب في الدنيا فإن عقاب الاخرة اشد وفي النهاية لا طاعة لمخلوق في معصية الخالق.

 

[Mai Zidan]

المشكله انه في دينا لو شوفنا منكر لازم نحاول نغيره والا هيبقي حرام علينا فاضعف حاجه النصيحه،،، طبعا لازم نختار طريقه عرضها ونتكلم بطريقه محترمه بس مينفعش نسكت

 

[Hossam Genidy]

مش فاهم انا نصيحه ايه الى عايزين تنصحو بيها؟ وانتو مالكو؟ لو الشعب ده خلاه فى حاله هنبقى احسن من كده بكتير, بجد تفكير و طريقه مستفزه

 

[Taghread Badr]

ياريت الناس كلها تفكر بالطريقة دى وتبطل تدخل نفسها فيما لايعنيها.

 

[Norman Halim]

ازاي يعني
لازم كل واحد يطلع عقده علي الناس بس ده في الخمور بس اه ولبس البنات
لكن لو واحد راكب مواصله وسواق بيبلطج في الاجره بيقولوا وانا مالي
أو واحده بيتم التحرش بيها دول مش بس بيبقوا سلبيين دول ممكن يلوموا البنت
مش فالحين غير في المنظرة وبس

 

[Mohamed Ali]

ما خلاص الموضوع خلص..الدين النصيحة كل واحد عمل اللي علية.. نشوف موضوع تاني بقي

 

[Amr Nabil]

هو في حد قال متشربش ولا حجر علي حريته علشان تقول خصوصيه
اللي اتكلم كان بينصحه
ما انا مشوفش واحد هينتحر مثلا واقوله براحتك يابرنس دي حريتك الشخصيه
لا هنصحه وهو حر ف الاخر

 

[Mostafa Tata]

يعم احنا هعرب لو منطناش في حيات بعض نتحرق

 

[Aya Abd El Latif]

اهم حاجه يكون جاب نوع نضيف .... :-D ياريت كل واهد يهليه فى هالو يعنى اى حد واعى للغلط والصح وهو بيستفسر عن حاجه معينه مش بيسأل أشرب ولا لأ