M
Mahmoud Lebleb
:: مسافر ::
عين كليوباترا
عين كليوباتر أو عين جوبا أو عين الحياة أو عين الحمام كلها أسامي بتتقال عن واحد من أهم المعالم السياحة وأكترها في الزيارات في واحة سيوة اللي وبرغم من إن الواحة موقعها في أقصى أعماق الصحراء الغربية وإن بيحدها من الشمال جبال من الحجر الجيري ومن الجنوب بحر الرمال إلا إنها مليانه بعيون المياه الطبيعية اللي بتخرج من أعماق الأرض تحت رمال الصحرا لدرجة إن واحة سيوة لوحدها بتحتوي على أكتر من ٢٠٠ عين مياه بتختلف ما بين حلوة ومالحة وباردة وسخنة لدرجة خلت المؤرخ العظيم هيرودوت يكتب عنها ويوصفها "إن كانت مصر هبة النيل، فإن واحة سيوة هبة عيون الماء" وده طبعاً نتيجة لكتر عيون المياه فيها واللي كان سبب رئيسي جنب خصوبة الأرض بإن سيوة تكون بالشكل ده.. واحة خضراء في قلب الصحراء!
وبالرجوع لعين كليوباترا والسبب وراء شهرتها فلسببين الأول نتيجة لموقعها اللي بالقرب من معبد آم عبيدة أو (آمون) ومعبد النبوءات واللي فيه القاعة اللي تم فيها تتويج الأسكندر الأكبر المقدوني والسبب التاني قصة أو خليني أوصفها بالإسطورة نتيجة لعدم وجود ما يدل أو يثبتها تاريخياً وهي إن الإ بيتدولها أهل الواحة وكتير من رواد الواحة وهي زيارة الملكة المصرية الجميلة( كليوبترا) للعين مش بس كده لأ دي نزلت وأستحمت فيها ومن بعدها أكتسبت العين الشهرة دي إلا إني ملقتش مصدر يأكد أو ينفي القصة دي إلا إن العين فعلاً حفرت في عهد فرعوني قديم على أيد المهندس الفرعوني (جوبا) وده السبب اللي ورا تسميتها بإسم عين جوبا، اما بخصوص أسم عين الحمام فبيرجع لتقليد سيوي قديم واللي كان عبارة عن عادة تم توارثها في الأفراح بإن العروسة بتروح لعين مياه وبتنزل تستحمه وتغسل وشها فيها ومن ضمن عيون المياه دي كانت عين كليوباتر فطلع عليها أسم عين الحمام، وبكده بقى عندنا إسم واحد وهو عين الحياة واللي أفتكر إن السبب وراحة إن العين طلعت من قلب الصحراء فكانت سبب في تغذية الأراضي المحيطة بالميه العذبة اللي كانت السبب الرئيسة ورا كم مزارع النخيل اللي بتحاوط العين فأستحق أسم عين (الحياة)
وأياً كان الإسم اللي هتختار تطلقه عليها إلا إنك بعد يوم مشمس وحار في قلب الصحراء هتحتاج مساحة من الإنتعاش وصدقني مش هتلاقي أجمل من عين كليوباترا تنعشك بمياه العذبة اللي بتتجد لحظة بلحظة قصاد عينك واللي بتشوفها عن طريق فقاعات الغازية اللي بتخرج من قاع العين لسطحها.
#واحة_سيوة #واحة_الغروب #جنة_في_قلب_الصحراء #عين_كليوباترا #عين_جوبا #عين_الحمام #عين_الحياة
#مصر_الجميلة
عين كليوباتر أو عين جوبا أو عين الحياة أو عين الحمام كلها أسامي بتتقال عن واحد من أهم المعالم السياحة وأكترها في الزيارات في واحة سيوة اللي وبرغم من إن الواحة موقعها في أقصى أعماق الصحراء الغربية وإن بيحدها من الشمال جبال من الحجر الجيري ومن الجنوب بحر الرمال إلا إنها مليانه بعيون المياه الطبيعية اللي بتخرج من أعماق الأرض تحت رمال الصحرا لدرجة إن واحة سيوة لوحدها بتحتوي على أكتر من ٢٠٠ عين مياه بتختلف ما بين حلوة ومالحة وباردة وسخنة لدرجة خلت المؤرخ العظيم هيرودوت يكتب عنها ويوصفها "إن كانت مصر هبة النيل، فإن واحة سيوة هبة عيون الماء" وده طبعاً نتيجة لكتر عيون المياه فيها واللي كان سبب رئيسي جنب خصوبة الأرض بإن سيوة تكون بالشكل ده.. واحة خضراء في قلب الصحراء!
وبالرجوع لعين كليوباترا والسبب وراء شهرتها فلسببين الأول نتيجة لموقعها اللي بالقرب من معبد آم عبيدة أو (آمون) ومعبد النبوءات واللي فيه القاعة اللي تم فيها تتويج الأسكندر الأكبر المقدوني والسبب التاني قصة أو خليني أوصفها بالإسطورة نتيجة لعدم وجود ما يدل أو يثبتها تاريخياً وهي إن الإ بيتدولها أهل الواحة وكتير من رواد الواحة وهي زيارة الملكة المصرية الجميلة( كليوبترا) للعين مش بس كده لأ دي نزلت وأستحمت فيها ومن بعدها أكتسبت العين الشهرة دي إلا إني ملقتش مصدر يأكد أو ينفي القصة دي إلا إن العين فعلاً حفرت في عهد فرعوني قديم على أيد المهندس الفرعوني (جوبا) وده السبب اللي ورا تسميتها بإسم عين جوبا، اما بخصوص أسم عين الحمام فبيرجع لتقليد سيوي قديم واللي كان عبارة عن عادة تم توارثها في الأفراح بإن العروسة بتروح لعين مياه وبتنزل تستحمه وتغسل وشها فيها ومن ضمن عيون المياه دي كانت عين كليوباتر فطلع عليها أسم عين الحمام، وبكده بقى عندنا إسم واحد وهو عين الحياة واللي أفتكر إن السبب وراحة إن العين طلعت من قلب الصحراء فكانت سبب في تغذية الأراضي المحيطة بالميه العذبة اللي كانت السبب الرئيسة ورا كم مزارع النخيل اللي بتحاوط العين فأستحق أسم عين (الحياة)
وأياً كان الإسم اللي هتختار تطلقه عليها إلا إنك بعد يوم مشمس وحار في قلب الصحراء هتحتاج مساحة من الإنتعاش وصدقني مش هتلاقي أجمل من عين كليوباترا تنعشك بمياه العذبة اللي بتتجد لحظة بلحظة قصاد عينك واللي بتشوفها عن طريق فقاعات الغازية اللي بتخرج من قاع العين لسطحها.
#واحة_سيوة #واحة_الغروب #جنة_في_قلب_الصحراء #عين_كليوباترا #عين_جوبا #عين_الحمام #عين_الحياة
#مصر_الجميلة