A
Ahmed Abou El Lail
:: مسافر ::
مساء الخيرات ياشباب
نكمل بقه الرحله الي بدأتها معاكم عن تجربتنا في اوروبا كنا بدأنا بجنيف وبعدين montblanc
ومن ثم باريس
النهارده بقه هنتكلم عن امستردام ..
كتير من الناس بتسال عن وسيلة الانتقال من دوله للتانيه جوه الشنجن إريا . انا شايف ان الوسيلة تختلف من مكان للتاني على حسب المسافه وعلى حسب عدد الشنط الي معاك وعلى حسب وقتك . كنت قلتكم ان احنا اخدنا القطر من جنيف لباريس . ولما دخلنا اون لاين عشان نشوف ايه احسن وسيلة مواصلات من باريس لامستردام لاقينا ان الباص كان احسن وسيلة من ناحية السعر وطبعا الوقت كانت معقوله .
في شركة اسمها oui bus الباص بتاعهم جميل جدا . في واي فاي وكمان بورت usb لو عاوز تشحن تليفونك الرحلة من باريس لامستردام حوالي خمس ساعات ..
وصلنا هناك محطه اسمها Sloterdijk ..
ومنها اخدنا باص للاوتيل الي كنا نازلين فيه شارع overtoom وده طبعا كان بعيد شوية عن وسط البلد بس امستردام مدينة صغيرة نسبيا عن باريس فكانت المسافه برضه مش بعيده قوي عن الدام سكوير ومعظم الاتراكشنز الي في المدينه.
امستردام بالنسبه لي كانت ممله شوية اعتقد لان انا ماليش في النيت لايف وبنام بدري بس هي طبعا ممتعه لناس كتير جدا . فيها اتراكشنز كتير زي
Dam square
Van Gogh Museum
Madame Tussauds museum
بس بصراحة اكتر مكان عجبني جدا جدا هي حديقة vondel park دي بقه عباره عن حديقه معظم الناس الي راحت امستردام عارفاها مناظر طبيعية في منتهى الجمال وياسلام لو كنت ماجر عجله بقه وتدخل تلف جواها.. جو في منتهى الجمال . موضوع العجل هناك اساسي لازم تجرب تاجر عجلة وتلف بيها في المدينه . امستردام فيها قنوات مياه كتير جدا ممكن تركب مركب وتلف بيها . هتتبسطوا قوي قوي .
فيه كمان
Amsterdam museum
Heineken experience
انطباعي الاخير عن امستردام لو الي رايح مالوش في النيت لايف هيبقى حلو عليها قوي يومين تقدر تلفها وتروح معظم الاتراكشنز .
بالنسبه للشوبنج الاسعار هناك كويسه نوعا ما وفي محلات كتير جدا عند الدام سكوير بتبقى عامله سيل كويس على الهدوم والبرفانات وفيه مول هناك برضه فيه برندات كتير ..
جبت لحضراتكم في الصور تذكرة الباص من باريس لامستردام وكمان خريطه للمواصلات جوا امستردام
وإلى اللقاء ان شاء الله مع آخر محطه في اوروبا لي وهي كوبنهاجن
ملحوظه: في سلسلة كتب اسمها lonely planet دي ياشباب اكيد الي بيسافروا كتير عارفنها . بيشرحوا فيها بالتفصيل الممل كل حاجه في البلد الي انت عاوز تروحها اعتقد هتكون مفيده جدا لاي حد مسافر وعاوز يعرف تفاصيل كتير عندالبد الي عارز يزورها
نكمل بقه الرحله الي بدأتها معاكم عن تجربتنا في اوروبا كنا بدأنا بجنيف وبعدين montblanc
ومن ثم باريس النهارده بقه هنتكلم عن امستردام ..
كتير من الناس بتسال عن وسيلة الانتقال من دوله للتانيه جوه الشنجن إريا . انا شايف ان الوسيلة تختلف من مكان للتاني على حسب المسافه وعلى حسب عدد الشنط الي معاك وعلى حسب وقتك . كنت قلتكم ان احنا اخدنا القطر من جنيف لباريس . ولما دخلنا اون لاين عشان نشوف ايه احسن وسيلة مواصلات من باريس لامستردام لاقينا ان الباص كان احسن وسيلة من ناحية السعر وطبعا الوقت كانت معقوله .
في شركة اسمها oui bus الباص بتاعهم جميل جدا . في واي فاي وكمان بورت usb لو عاوز تشحن تليفونك الرحلة من باريس لامستردام حوالي خمس ساعات ..
وصلنا هناك محطه اسمها Sloterdijk ..
ومنها اخدنا باص للاوتيل الي كنا نازلين فيه شارع overtoom وده طبعا كان بعيد شوية عن وسط البلد بس امستردام مدينة صغيرة نسبيا عن باريس فكانت المسافه برضه مش بعيده قوي عن الدام سكوير ومعظم الاتراكشنز الي في المدينه.
امستردام بالنسبه لي كانت ممله شوية اعتقد لان انا ماليش في النيت لايف وبنام بدري بس هي طبعا ممتعه لناس كتير جدا . فيها اتراكشنز كتير زي
Dam square
Van Gogh Museum
Madame Tussauds museum
بس بصراحة اكتر مكان عجبني جدا جدا هي حديقة vondel park دي بقه عباره عن حديقه معظم الناس الي راحت امستردام عارفاها مناظر طبيعية في منتهى الجمال وياسلام لو كنت ماجر عجله بقه وتدخل تلف جواها.. جو في منتهى الجمال . موضوع العجل هناك اساسي لازم تجرب تاجر عجلة وتلف بيها في المدينه . امستردام فيها قنوات مياه كتير جدا ممكن تركب مركب وتلف بيها . هتتبسطوا قوي قوي .
فيه كمان
Amsterdam museum
Heineken experience
انطباعي الاخير عن امستردام لو الي رايح مالوش في النيت لايف هيبقى حلو عليها قوي يومين تقدر تلفها وتروح معظم الاتراكشنز .
بالنسبه للشوبنج الاسعار هناك كويسه نوعا ما وفي محلات كتير جدا عند الدام سكوير بتبقى عامله سيل كويس على الهدوم والبرفانات وفيه مول هناك برضه فيه برندات كتير ..
جبت لحضراتكم في الصور تذكرة الباص من باريس لامستردام وكمان خريطه للمواصلات جوا امستردام
وإلى اللقاء ان شاء الله مع آخر محطه في اوروبا لي وهي كوبنهاجن
ملحوظه: في سلسلة كتب اسمها lonely planet دي ياشباب اكيد الي بيسافروا كتير عارفنها . بيشرحوا فيها بالتفصيل الممل كل حاجه في البلد الي انت عاوز تروحها اعتقد هتكون مفيده جدا لاي حد مسافر وعاوز يعرف تفاصيل كتير عندالبد الي عارز يزورها