M
Muhammad Abdel Rahman
:: مسافر ::
باتومي: المدينة المظلومة!
لما حد بيسألني انت زرت كام دولة؟
برد عليه بقوله اسألني زرت كام مدينة، لاني مقتنع ان كل مدينة بيكون ليها شكل وشخصية مختلفة عن باقي المدن وممكن تقع في حب مدينة من اول دقيقة او تكرهها من غير اي اسباب!
قبل ما اسافر جورجيا حددت هزور اي مدن فيها، وكانت اخر محطة ليا في جورجيا هي باتومي!
المدينة اللي في وجهة نظري من اجمل مدن جورجيا!
وناس كتير بتسافر لجورجيا ومش بتروح باتومي ولو زاروا باتومي مش بيعرفوا اية الاماكن المميزة في المدينة الجميلة دي!
في اول 10 ايام من شهر فبراير قررت ازور تبليسي، كازباجي، متسخيتا، جوري وباتومي
مقدرتش ازور كازباجي بسبب الثلج فزرت ال4 مدن الباقيين
بالنسبالي باتومي اجمل مدينة زرتها
اولا ازاي تروح من تبليسي لباتومي:
انا خدت metro bus من تبليسي لباتومي وكان الباص كويس جدا والواي فاي شغال بطريقة معقولة والرحلة خدت 5 ساعات تقريبا من 12 ونص ل 6 ونص الصبح، تمن الباص تقريبا 18 دولار
وانا راجع من باتومي لتبليسي اخدت القطر وهنا لازم اتكلم عن سعر القطر الرخيص جدا التذكرة كانت تقريبا ب 17 دولار والservice مميزة جدا جوه القطر!
ملاحظاتي عن باتومي:
1- قابلت اكتر من 15 من اصحابي في جورجيا لما كنت في تبليسي وجوري وكلهم كانوا بيقولولي هاه سافرت باتومي لا لسه؟
عشان اغلب الجورجيين بيشوفوا باتومي من المدن الجميلة اللي مينفعش تفوت زيارتها!
2- في شهر فبراير كانت الاسعار في باتومي ارخص من تبليسي انا كنت قاعد في استوديو في باتومي ب 16 دولار في اليوم وكان استوديو وهمي بمعني الكلمة!
3- لعشاق الاكل اكتر اكلة مشهورة في باتومي اسمها KHACHAPURI ADJARULI
نصيحة مني اوعي متاكلش الاكلة دي وانت في باتومي! اولا اكل حلال وثانيا من اكتر الاكلات اللذيذة اللي كلتها في حياتي!
4- مشفتش في باتومي شحاتين عكس تبليسي وجوري وميتسخيتا
5- اهلها طيبين جدا جدا جدا وبسبب موقع المدينة علي شواطئ البحر الاسود فتلاقي اهلها فاكين وrelaxed اكتر من باقي المدن
6- المدينة في منتهي الجمال والهدوء بليل!
7- الطابع المعماري الاوروبي في باتومي زي ما هتشوفوا في الصور مخلي المدينة خصوصا وسط المدينة مذهلة!
8- الشواطئ هناك عجبتني ومياه البحر نقية والقعدة علي البحر بليل حاجة تنسيك الدنيا بحالها!
9- عازفين الشوارع هناك عجبوني جدا!
10- الجرافيتي مبهر في المدينة دي!
11- مفيش امتع من انك تمشي في شوارع باتومي الجميلة الهادية وعلي رقبتك الكاميرا وتستمتع بالتصوير!
12- وصلت باتومي الساعة 7 الصبح وكلمت صاحب الاستوديو عشان اعرف هاخد ازاي المفاتيح المهم جالي قدام العمارة اداني المفاتيح وقالي هوريك الاستوديو وفتح التلاجة وهوا بيوريني الشقة قالي انا عارف انك جي في وقت بدري اوي فمش هتلاقي اي مطاعم فاتحة فمراتي حضرتلك اكل!
بفتح لقيت في التلاجة رز وفراخ وسلطة وعصير!
انا ذكرياتي عن جورجيا مرتبطة بان الجورجيين من اطيب واجدع الشعوب اللي ممكن فعلا تقابلها!
خلاصة التجربة اني مقرر ارجع مرة تانية لجورجيا عشان ازور مدينتين هناك معرفتش ازورهم اول مرة واكيد لما ارجع جورجيا هزور باتومي مرة تانيةّ!
لما حد بيسألني انت زرت كام دولة؟
برد عليه بقوله اسألني زرت كام مدينة، لاني مقتنع ان كل مدينة بيكون ليها شكل وشخصية مختلفة عن باقي المدن وممكن تقع في حب مدينة من اول دقيقة او تكرهها من غير اي اسباب!
قبل ما اسافر جورجيا حددت هزور اي مدن فيها، وكانت اخر محطة ليا في جورجيا هي باتومي!
المدينة اللي في وجهة نظري من اجمل مدن جورجيا!
وناس كتير بتسافر لجورجيا ومش بتروح باتومي ولو زاروا باتومي مش بيعرفوا اية الاماكن المميزة في المدينة الجميلة دي!
في اول 10 ايام من شهر فبراير قررت ازور تبليسي، كازباجي، متسخيتا، جوري وباتومي
مقدرتش ازور كازباجي بسبب الثلج فزرت ال4 مدن الباقيين
بالنسبالي باتومي اجمل مدينة زرتها
اولا ازاي تروح من تبليسي لباتومي:
انا خدت metro bus من تبليسي لباتومي وكان الباص كويس جدا والواي فاي شغال بطريقة معقولة والرحلة خدت 5 ساعات تقريبا من 12 ونص ل 6 ونص الصبح، تمن الباص تقريبا 18 دولار
وانا راجع من باتومي لتبليسي اخدت القطر وهنا لازم اتكلم عن سعر القطر الرخيص جدا التذكرة كانت تقريبا ب 17 دولار والservice مميزة جدا جوه القطر!
ملاحظاتي عن باتومي:
1- قابلت اكتر من 15 من اصحابي في جورجيا لما كنت في تبليسي وجوري وكلهم كانوا بيقولولي هاه سافرت باتومي لا لسه؟
عشان اغلب الجورجيين بيشوفوا باتومي من المدن الجميلة اللي مينفعش تفوت زيارتها!2- في شهر فبراير كانت الاسعار في باتومي ارخص من تبليسي انا كنت قاعد في استوديو في باتومي ب 16 دولار في اليوم وكان استوديو وهمي بمعني الكلمة!
3- لعشاق الاكل اكتر اكلة مشهورة في باتومي اسمها KHACHAPURI ADJARULI
نصيحة مني اوعي متاكلش الاكلة دي وانت في باتومي! اولا اكل حلال وثانيا من اكتر الاكلات اللذيذة اللي كلتها في حياتي!
4- مشفتش في باتومي شحاتين عكس تبليسي وجوري وميتسخيتا
5- اهلها طيبين جدا جدا جدا وبسبب موقع المدينة علي شواطئ البحر الاسود فتلاقي اهلها فاكين وrelaxed اكتر من باقي المدن
6- المدينة في منتهي الجمال والهدوء بليل!
7- الطابع المعماري الاوروبي في باتومي زي ما هتشوفوا في الصور مخلي المدينة خصوصا وسط المدينة مذهلة!
8- الشواطئ هناك عجبتني ومياه البحر نقية والقعدة علي البحر بليل حاجة تنسيك الدنيا بحالها!
9- عازفين الشوارع هناك عجبوني جدا!
10- الجرافيتي مبهر في المدينة دي!
11- مفيش امتع من انك تمشي في شوارع باتومي الجميلة الهادية وعلي رقبتك الكاميرا وتستمتع بالتصوير!
12- وصلت باتومي الساعة 7 الصبح وكلمت صاحب الاستوديو عشان اعرف هاخد ازاي المفاتيح المهم جالي قدام العمارة اداني المفاتيح وقالي هوريك الاستوديو وفتح التلاجة وهوا بيوريني الشقة قالي انا عارف انك جي في وقت بدري اوي فمش هتلاقي اي مطاعم فاتحة فمراتي حضرتلك اكل!
بفتح لقيت في التلاجة رز وفراخ وسلطة وعصير!
انا ذكرياتي عن جورجيا مرتبطة بان الجورجيين من اطيب واجدع الشعوب اللي ممكن فعلا تقابلها!
خلاصة التجربة اني مقرر ارجع مرة تانية لجورجيا عشان ازور مدينتين هناك معرفتش ازورهم اول مرة واكيد لما ارجع جورجيا هزور باتومي مرة تانيةّ!