مساء الخير , انا مسافر في العيد و بحد حيرة...

[Mohamed Adel]

مساء الخير , انا مسافر في العيد و بحد حيرة كبيرة بين فنادق و اماكن كتير و اسعار خزعبلية , توصلت لده :
ان شاء الله هاقضي يومين في نويبع في la playa beach resort
وبعديه 3 ايام في في بورتو شرم الشيخ
هل حد عنده اي معلومات عن المكانين دول ؟ و هل نويبع فعلا مفهاش اي nightlife هيبقي بس الفندق و سفاري او diving ؟

 

[Samar Fahmy]

خدني معاك

 

[Mohamed A. Bayoumi]

Go Trips

 

[Mohamed Khattab]

نويبع بلد هاديه جدا. مفيهاش نايت لايف بالمعني الموجود في أماكن تانيه

 

[Misho Hassan]

fokk men el 2 etla3 dahab klmny we hafhmk kol haga

 

[Ahmed Adel]

نويبع عباره عن هدوء و سكون واستجمام وسفاري وبحر. اما النايت لايف يبقي شرم

 

[Marina Botros]

انا رحت لابلايا كويس بس ده استجمام وبس مفيش حاجه تاني

 

[Rock Pop]

بورتو مجمع شقق سكنيه اخر نبق بره شرم فى المنطقه العمرانيه الجديده بيعيد عن البحر 5 ك او اكتر لكن فى باص و انت و نصيبك فى المواعيد.. البحر فى نبق لو مروحتش قبل كده المنطقه دى مناسبه للسباحه و الكايت سيرفنج لكن لو عايز سنوركلينج ممكن تروح خليج القرش او نعمه او رحله بحريه. فى حمامات سباحه و امن و لاند سكيب كبير ..المجمع شاسع المطاعم نفسها الموجوده فى كل بورتو و المستوى حسب ذوق كل واحد الاسعار غاليه لكن ممكن تطلب ديليفرى من مطاعم نبق او تعمل الاكل لان فى مطبخ ..بعيد عن الطريق العام و اى مواصلات و حوالى 25 ك من نعمه فلو حتخرج بره كتير و تروح نعمه او الهضبه او حتى استرادا حتتكلف و حتحتاج تاكسى معك على طول او اوبر ..فى شقق معقوله و التكييف شغال و شقق تعبانه رغم ان المكان جديد ..طبعا مفيش اساتنسير علشان لو معك حد كبير فى السن سعر العيد على بوكينج تقريبا 600ج الليله ل 3 افراد و طفل يعتبر حلو جدا لو الاقامه حتكون داخل المجمع و حتوفر بالتوفيق