كان في نقاش من فترة علي الجروب عن فكرة الشغل...

  • بادئ الموضوع بادئ الموضوع Aml Ibrahim
  • تاريخ البدء تاريخ البدء
عرض العطلة
A

Aml Ibrahim

:: مسافر ::
#1
كان في نقاش من فترة علي الجروب عن فكرة الشغل كمضيفة جوية و قريت كومنتس معجبتنيش بالمرة بس محبتش أرد و لكن منسيتش الموضوع لأني في الأساس انا مضيفة و عارفة يعني ايه كلمة مضيفة و قد ايه هي شغلانة مش سهلة فحبيت أرد دلوقتي
اللي ناس كتير متعرفوش ان التريننج بتاعنا اصعب ما يكون و علشان تعدي لازم تكون شخصية من فولاذ احنا بنتعلم حرفيا في شهرين بس او اقل ازاي نشتغل رجال مطافئ علشان لو حصل حريق علي الطيارة ازاي نكون رجال إنقاذ لو حصل اي emergency و اضطرينا نخرج كل المسافرين سواء في المية او الارض بسلام في اقل من ٩٠ ثانية فتخيل حضرتك لو عندك طيارة زي A380 و دي أضخم طيارة ٣ ادوار بتشيل اكتر من ٨٠٠ بني آدم تمام ؟! بنتعلم ازاي نبقي مسعفين علشان لو في اي حالة مرضية طارئة و دي بتحصل كتير اقسم بالله في ستات بتولد علي الطيارة لك ان تتخيل انك تشتغل دكتور نسا في لحظة ... بنتعلم ازاي نكلبش اي حد خطر علي الطيارة او بيهدد حياة المسافرين و الأمن
بعد ما بنتعلم كل دا بنروح اختبارات عملية علشان ناخد certificate تثبت اننا نقدر نكون كفؤ لأي موقف من دول
ناهيك عن باقي الفرعيات بقي من نوعية الثبات الانفعالي و طريقة التقديم
communication skills
Team work skills
Survival
Reassurance ...etc

Stop looking at the crew as servants they are life savers , fire fighters , first aiders, and bodyguards if the situation dictates
0scoH8omLiO1T2o9lRLz61hzQI59jdWF.jpeg
 
عرض العطلة
#7
ها وبعدين يعنى
استفدنا اية من البوست دة
انتم بتقبضوا على قلبكم قد كدة هههههههههههه وبتعاملوا الناس بتعالى فشخ الفشخات وفاكرين نفسكم من كوكب آخر وبتلفوا العالم ببلاش
خلص الكلام
 
#8
حضرتك انا وظيفتي مهندس تصميم محطات مياه و تحليه (المياه بتاعت الحنفيه و المعدنيه كمان) يعني مسؤل عن حياة ٩٠ مليون و باخد ما يعادل كيس بسكوت مستورد من النوع الفاخر الفاجر ... اشتغل معاكوا لايف جاكت حتي
 
#9
مخاطر مهنة المضيفات انها فى الجو المفروض انها دكتور فى حالة حد اتعرض لازمة قلبية ، وتكون عارفة كل قطعة فى الطائرة علشان تبقى عارفة اى صوت غريب او ريحة او عطل معناه اية ماتبقاش زى الاطرش فى الزفة وع اساسه تعرف توجه الناس اللى ع الطائرة وتساعدهم ولازم تكون نانى للى طفلها عامل ازعاج ومش عارفة تسيطر عليه ولازم تكون حاملة اثقال علشان تعرف تساعد الركاب فى حقائبهم الصغيرة داخل الطائرة ولازم تعرف فنون القتال علشان تعرف توقف كل حد مكانه ولازم تعرف تظبط نفسها فى حالة الازمات وتكون هادية طول الوقت ولازم تكون مستعدة للسفر فى اى وقت ما فيش حاجة اسمها خصوصية او البيت ، دة المفروض كون ان فى مضيفات مش كدة او نص كدة دة بيرجع للتدريب والشهادات اللى شركة الطيران حاصلة عليها
 
عرض العطلة
#11
نفس الاسلوب الي بيعلمو بعض رجالة الداخليه داحنا بنسهر طول الليل نحميكم وانتوا نايمين دا احنا بنموت عشانكم والي يقولك روح انت اقف علي الحدود ... جرا ايه ياجدعان هو انتو لما بتقدموا علي شغله مش بتبقوا عارفين المخاطر وفي المقابل المميزات ؟ يعني ده اختيارك مش تحسسني ان الظروف هي اجبرتك تقبل الشغلانه الوحشه دي دا انتو بتقطعو بعض عشان تشتغلوها ... وبعدين بالنسبه للمكتوب في الصوره ايوه انت جزء من وظيفتك ان تصبي كوكاكولا وتقولي اقفلي الموبيل ؟. هي دي حاجه عيب يعني ولا تقليل منكم؟؟ بالاضافه ان الخدمه دي بمقابل انا مش راكبه ببلاش ... لو كل صاحب مهنه حاس انه بيتفضل علي الناس يبقي كلنا نعقد في بيوتنا احسن
 
#14
ملكيش دعوة بكلام حد كل واحد بيحكم من وجه نظره وخلفيته وتعليمه وثقافته ... اعملي الي انت عاوزاه واشتغلي الي انت عاوزه سيبك من اي حد بيقولك ولا يعلق حاجة سخيفة ... الشغل مش عيب العيب ان الواحد يبقي عالة علي عيلته ولا المجتمع ... respect you
 
#15
عفوا حضرتك داخله تدافعي عن وظيفتك اكثر من مره وأنها اعظم وظيفه في العالم لكي ذلك
ولكن ده شيء حضرتك مقتنعه بيه مش شرط كل الناس تكون مقتنعه بيه
عموما ربنا يوفقك في شغلك
وكل إنسان بيحب شغله وايضاً في مخاطر في شغله نفس مخاطركم ويمكن اكتر
 
عرض العطلة
#16
انا شايفها وظيفة زى كل الوظائف فيها الحاجات الكويسة وفيها الوحش ودا الطبيعي وكل وظيفة على قد المسئولية الراتب بيبقا اكبر
لكن وبكل أسف فى بعض المضيفات والمضيفين المصرين عندهم بعض التعالى والمعاملة اللى مش كويسة وانا بتكلم على مصر للطيران بالأخص وبعض الناس مش كلهم أكيد ولكن النسبة كبيرة
المهم انا مبقتش بسافر على خطوط مصر للطيران.
ربنا معاكى ويوفقك
 
#17
لو جمعتي كل الرحلات اللي طلعتيها و عديتي عدد الأزمات والحوادث اللي ساعدتي فيها وقارنتيها مع عدد الكولا اللي وزعتيها راح تلقي ان الكولا تكسب وبجداره
هل هذا ينفي ان جزء من شغلك هو الحفاظ على أمان المسافرين؟ لأ طبعا
توزيع الكولا شغلك والسيفتي برضو شغلك
الطبيعي ان مش كل شغل يعجب كل الناس فبصراحة كده يعني انا مش شايفه ان البوست له أي لازمه المهم انتي مبسوطه ومقتنعه بشغلك خلاص اتهني فيه واللي مش عاجبه الله يسهله الوظيفه اللي ترضي طموحه
 
#19
هو كل اللي انتي بتقوليه حقيقي وعلى دماغنا من فوق، بس ده كله علشان الاستثناءات، يعني كل اللي انتي ذكرتيه فوق ده هو الظروف الاستثنائية للرحلات، لكن في الظروف العادية، حضرتك المفروض تقدميلي كوباية الميه والعصير والأكل وخلافه، يعني زي ما انتي: رجل مطافئ ودكتور نسا وظابط أمن، فحضرتك برضه waitress وده مش عيب! انا اللي بيستفزني انكم بتنسوا ده قصاد الباقي..
 
عرض العطلة
عرض العطلة
عرض العطلة
أعلى أسفل
عودة
قائمة