M
Mahmoud El Houfy
:: مسافر ::
نصيحة لكل واحد بيفكر يروح الغردقة.. اوعى تفكر تنزل في فندق جيفتون ازور Giftun Azur Resort
مش عارف ابدأ منين معاناتنا في الفندق الصراحة بس ححاول احصر لكم كل الصعوبات اللي واجهناها في اسوأ مكان ممكن تقضي فيه اجازة او فسحة.
١- بمجرد وصولنا حجزنا غرفة دابل و غرفة تريبل لمدة يومين. و اليوم الثالث الغرفة التريبل حتبقى دابل عشان معانا واحد حيمشي. و دفعنا ثمن الاقامة بالكامل مقدم.
٢- موظف الاستقبال قال لنا الغرف مش حتكون دور ارضي.. حنطلع سلمتين بس و وافقنا.. و بعد الانتظار لأكثر من ساعتين اتفاجئنا ان الغرف في الدور الرابع و مفيش اسانسير و مفيش حد يوصلنا للغرف فاضطرينا نرجع ندور على حد منهم يساعدنا و فعلاً شخص ساعدنا بس طبعاً مش حيقدر يشيل شنط ٥ افراد لأربع ادوار فاضطرينا نشيل معاه.
٣- ميل ارضية الحمام بيخلي المياه تتجمع في المنتصف و بتعمل بركة مياه و استمر الوضع ٣ ايام.
٤- ضغط المياه ضعيف جداً في الغرف.
٥- اتصلنا ٣ مرات لتصليح الدُش و لا حياة لمن تنادي.
٦- اتصلنا بالريسيبشن عشان نفتح الخزنة و كان الرد تعالى الريسيبشن خد خزنة ثانية عشان الرقم السري النزيل اللي قبلك هو اللي عمله.
٧- مياه حمام السباحة اشبه بمياه الترع و منتهى القذارة.
٨- مفيش اي انشطة في الفندق و الانيميشن تيم نايمين طول اليوم.
٩- النزلاء بيجيبوا الكور بتاعاتهم معاهم سواء كرة قدم او طائرة.
١٠- البوفيه دون المستوى.
١١- عفش الغرف قديم و الحوائط و السقوفات فيها رطوبة واضحة و مشققة.
١٢- مفيش فرق انقاذ على البحر.
١٣- انتشار الناموس و الذباب و ايضاً الابراص و دي كانت تجربة جديدة بصراحة اني الاقي برص في البلكونة و برصين في الممر المؤدي للغرف.
١٤- اتفاجئنا لما نشرنا ملابس البحر على منشر البلكونة ان المياه بتنزل على الارض و تدخل من تحت باب البلكونة لتصل لمنتصف الغرفة و دي تجربة جديدة برضه الصراحة.
١٥- القشة التي قصمت ظهر البعير بقى. لما زميلنا غادر الغرفة توجه لموظف الاستقبال عشان يبلغه بمغادرته و يسلم كارت الفوطة و يستلم ١٠٠ جنيه كنا دافعينها رهن في البداية. رد الموظف كان (خلي الكارت مع زمايلك و سلموهم مرة واحدة في الاخر)
و لما جينا نمشي اتفاجئنا ان الفندق عايز يدفعنا ثمن ليلة للشخص اللي مشي بحجة انه لم يبلغهم بمغادرته. و لما بلغناهم ان موظف الاستقبال قال له خلي الكارت معاكم قالوا لنا اثبتوا كلامكم و لازم تدفعوا ثمن اقامة الشخص ده و عايزين يحملونا ثمن خطأ موظفهم. و بعد ساعة من الجدل العقيم مع مدير الريسيبشن (الاستاذ فرج الغير مؤهل تماماً لمنصبه) لقيناه مشي و سابنا و تجاهلنا تماماً و سلمنا لشخص ثاني وقف يزعق معانا و يقول لنا حتدفعوا يعني حتدفعوا اضطرينا نمشي و نسيبهم.
شير و منشن لكل اللي تعرفوهم بيفكروا يروحوا الغردقة.
مش عارف ابدأ منين معاناتنا في الفندق الصراحة بس ححاول احصر لكم كل الصعوبات اللي واجهناها في اسوأ مكان ممكن تقضي فيه اجازة او فسحة.
١- بمجرد وصولنا حجزنا غرفة دابل و غرفة تريبل لمدة يومين. و اليوم الثالث الغرفة التريبل حتبقى دابل عشان معانا واحد حيمشي. و دفعنا ثمن الاقامة بالكامل مقدم.
٢- موظف الاستقبال قال لنا الغرف مش حتكون دور ارضي.. حنطلع سلمتين بس و وافقنا.. و بعد الانتظار لأكثر من ساعتين اتفاجئنا ان الغرف في الدور الرابع و مفيش اسانسير و مفيش حد يوصلنا للغرف فاضطرينا نرجع ندور على حد منهم يساعدنا و فعلاً شخص ساعدنا بس طبعاً مش حيقدر يشيل شنط ٥ افراد لأربع ادوار فاضطرينا نشيل معاه.
٣- ميل ارضية الحمام بيخلي المياه تتجمع في المنتصف و بتعمل بركة مياه و استمر الوضع ٣ ايام.
٤- ضغط المياه ضعيف جداً في الغرف.
٥- اتصلنا ٣ مرات لتصليح الدُش و لا حياة لمن تنادي.
٦- اتصلنا بالريسيبشن عشان نفتح الخزنة و كان الرد تعالى الريسيبشن خد خزنة ثانية عشان الرقم السري النزيل اللي قبلك هو اللي عمله.
٧- مياه حمام السباحة اشبه بمياه الترع و منتهى القذارة.
٨- مفيش اي انشطة في الفندق و الانيميشن تيم نايمين طول اليوم.
٩- النزلاء بيجيبوا الكور بتاعاتهم معاهم سواء كرة قدم او طائرة.
١٠- البوفيه دون المستوى.
١١- عفش الغرف قديم و الحوائط و السقوفات فيها رطوبة واضحة و مشققة.
١٢- مفيش فرق انقاذ على البحر.
١٣- انتشار الناموس و الذباب و ايضاً الابراص و دي كانت تجربة جديدة بصراحة اني الاقي برص في البلكونة و برصين في الممر المؤدي للغرف.
١٤- اتفاجئنا لما نشرنا ملابس البحر على منشر البلكونة ان المياه بتنزل على الارض و تدخل من تحت باب البلكونة لتصل لمنتصف الغرفة و دي تجربة جديدة برضه الصراحة.
١٥- القشة التي قصمت ظهر البعير بقى. لما زميلنا غادر الغرفة توجه لموظف الاستقبال عشان يبلغه بمغادرته و يسلم كارت الفوطة و يستلم ١٠٠ جنيه كنا دافعينها رهن في البداية. رد الموظف كان (خلي الكارت مع زمايلك و سلموهم مرة واحدة في الاخر)
و لما جينا نمشي اتفاجئنا ان الفندق عايز يدفعنا ثمن ليلة للشخص اللي مشي بحجة انه لم يبلغهم بمغادرته. و لما بلغناهم ان موظف الاستقبال قال له خلي الكارت معاكم قالوا لنا اثبتوا كلامكم و لازم تدفعوا ثمن اقامة الشخص ده و عايزين يحملونا ثمن خطأ موظفهم. و بعد ساعة من الجدل العقيم مع مدير الريسيبشن (الاستاذ فرج الغير مؤهل تماماً لمنصبه) لقيناه مشي و سابنا و تجاهلنا تماماً و سلمنا لشخص ثاني وقف يزعق معانا و يقول لنا حتدفعوا يعني حتدفعوا اضطرينا نمشي و نسيبهم.
شير و منشن لكل اللي تعرفوهم بيفكروا يروحوا الغردقة.