سلام عليكم .. سؤال للناس اللي بتشتري حاجات...

  • بادئ الموضوع بادئ الموضوع Haitham Shehata
  • تاريخ البدء تاريخ البدء
H

Haitham Shehata

:: مسافر ::
سلام عليكم .. سؤال للناس اللي بتشتري حاجات استعمال شخصي من بره .. لو جبت معايا مكنة قهوه وانا راجع الجمارك ترخم ولا الموضوع بسيط؟؟
 
عادى هاتها لو تخش فى شنطة او فى بوكس ولو سالك ايه فى البوكس قله ماكنة قهوة مستعملة هيمشيك
 
اي ماكينه منزل مش مبالغ فيها بتعدي ...مكنسه خلاط .كتشين ماشين ...
 
أنا خالي بعتلنا جهاز ضغط مستعمل ..الجمارك وقفت الطرد بسببه وسيبنالهم الجهاز
 
انا جبتها جديده وسالنى قالى ايه فى الشنطه قولته مكنه قهوه قالى عدى
 
الي،يجيب حاجه في ايده غير الي،يبعتها...اي حاجه تتبعت هتتجمرك. لكن الي،في الايد بتكون لك ماقيمته مبلغ معين مسموح به يدخل معاك ..لو عديته ممكن يطلب جمارك بس هم بيتساهلوا لو المةضوع بسيط ..لكن لو جايب حاجه غاليه جدا وشافوها ممكن جدا يجمركوها
 
لا عادي انا لسه راجعه من دبي ب ايرفراير و توستر ماحدش قال حاجه بس كان في واحد بعدي معاه ساعتين يد اتجمركو مش عارفه علي أساس ايه
 
مفيش حاجه اسمها ماعليهاش جمارك ..الجمارك هي رسوم تتحصل علي اي،بضائع تدخل البلاد ..وفيه سماح لدخول بعض البضائع بصحبه الراكب لو ماعدتش قيمتها قيمه معينه .... وبيتساهلوا طالما في المعقول . لكن لو حد جاب معاه كتير او غالي اوي ممكن جدا يتجمرك . بصوا علي،صفحه الجمارك المصريه ةهتعرفوا المسموح والممنوع
 
متشكر يا جماعه علي ردودكم و مساعدتكم .. بس لو لا قدر الله اتجمركت .. هلم فلوس الجمرك من كل واحد هنا
 
120دولار بالنسبه للجمارك لاشئ ...دول بيشوفوا بلاوي ...خمسين سمارت فون من النوع السوبر لوكس..الف كرافته حرير ياباني ...خمسميت طقم ملابس داخليه حريمي الي الواحد منهم ب 120دولاراو اكتر . لا تقلق ..انت هيكون معاك اقل شئ ممكنى يشوفوه وممكن يقولوا لك انت ما كترتش ليه
 
بس ماتحطهاش فى كرتونيتها وزع الكرتونه فى شنطة تانية والكتالوج والحاجات خليهم فى شنطة تانية علشان تبقى مستعمله
 
اكتر من مرة في الفترة الاخيرة دخلت باجهزة مختلفة منها ماكينة نسبرسو ماكانش فيه اصلا اي توقف ولا كلام..

بس فيه حاجة غريبة جديدة .. الجمارك بتشك في الصناديق الكبيرة واخر مرة دخلت من اسبوع كان عندهم شك في اني معايا بارفانات .. وماكانش معاي اي برفانات ...
بس من امته البارفانات بيتاخد عليها جمارك؟
 
أعلى