A
Ahmed Elbasha
:: مسافر ::
خطوات التقديم فى سفارة تايلاند وبرنامج سياحى بالتفصيل..
السلام عليكم ورحمة الله وبركاته أولا
بعد ما نزلت موضوع بخصوص خطوات التقديم للحصول على التأشيرة الأمريكية لقيت تفاعل كبير وفعلا فى ناس كتير محتاجة تسأل
وناس كتير بتسأل عن تايلاند .. وعشان كدة عملت الموضوع ده
* معلومة: عملة تايلاند اسمها البات والدولار الأمريكي يساوي تقريبا 35 بات
..
طبعا أولا قبل أي حاجة هقولكوا نصيحة تفيدكوا وإحنا طبعا أي توفير لينا هيفيد وناس كتير بتسأل ومش فاهماه كويس فأنا هشرحه بالتفصيل
تايلاند من الدول اللى بترجعلك قيمة الضريبة على القيمة المضافة (ليك كسائح)
من خلال الموقع ده
/The Revenue Department
تقدر تعرف ايه اللى ليك واللى عليك والشروط المهم يكون المحل اللى هتشتري منه يكون عارض اليافطة دي
"VAT REFUND FOR TOURISTS"
فى نموذج كدة معين اسمه P.P.10
بتقدمه ده شرط من الشروط وفى الموقع هتفهم كل حاجة وشارح كل حاجة.
وطبعا الفاتورة الأصلية بتقدمها لضابط الجمارك فى المطار (وخلى بالك قبل ما تعمل check-in)
وخلى بالك لو ضابط الجمارك ده رخم هيطلب انه يشوف الحاجة نفسها اللى انت اشتريتها (فنصيحة ابقى جهزهم كلهم فى شنطة واحدة عشان متتعبش وانت بتدور على الحاجة والطلب ده قانوني يعني من حقه).
وفى طبعا حركة كدة لازم تكون عارفها دي هدية مني ليكوا
عشان ترجعلك قيمة الضريبة لازم تكون اشتريت من مكان معين بحد أدنى 2000 بات فى اليوم
يعني ايه فى اليوم ؟ يعني ممكن تشتري حاجة ب 500 بات وترجع تانى فى نفس اليوم تشتري ب 1500 بات كدة يبقى انت ينطبق عليك الشرط وكدة من حقك ترجعلك قيمة الضريبة بس بشرط برده أنك لما تروح بعد
كدة تشتري تانى يكون فى نفس اليوم وتقدملهم الفاتورة الأولى وباسبورك.
بتقدم كل ده وبعد ما تعمل check in وبعد ما تعدي على ضابط الجوازات وتاخد ختم خروج هتروح على المكتب VAT Refund Office وتاخد قيمة الضريبة.
وطبعا خلى بالك عشان كل ده يتم لازم لما تروح تشتري من محل عليه اليافطة الى قولت عليها وبالحد الأدنى اللى قولت عليه لازم تطلب منه النموذج P.P.10
وتطلب منه فاتورة الضريبة الأصلية وبتقدملوا الباسبور بتاعك.
..
ندخل بقى على خطوات التقديم فى السفارة:
النظام طبعا اتغير غير الأول
دلوقتي الأبليكيشن لازم تكتبه أونلاين ومش هيتقبل أي ابليكيشن مكتوب بالإيد
هتدخلوا على الموقع الرسمي للسفارة وفيه الأبليكيشن:
https://www.thaiembassy.org/…/se…/68399-Visa-Application.html
* الورق المطلوب:
حجز طيران - حجز فندق - كشف حساب بنكي (يكون لآخر 3 شهور) وفيه حركة كانوا طالبين الرصيد ميكونش أقل من 10000 جنيه مصري للفرد و مش أقل من 30000 جنيه مصري لو للعائلة بس بعد خراب التعويم ممكن يكون المبلغ هيكون أكبر شوية - صورة شخصية عادية حديثة 3*4 بخلفية بيضاء (وخلى بالك مش هيقبلوا الصورة لو هيا نفس صورتك على الباسبور) - والباسبور طبعا يكون باقي على انتهائه مش اقل من 6 شهور (وصور الباسبور ورقة بياناتك صورتين) - وصورة الإقامة بالنسبة لغير المصريين المقيمين فى مصر - ورقة جواب عمل (وبالنسبة لأصحاب الشركات السجل التجاري والبطاقة الضريبية) - وبالنسبة للطلبة شهادة قيد من الجامعة - ولو عندك معاش استخرج ورقة رسمية بمعاشك.
وطبعا كل الورق لازم يكون انجليزي (وأي ورقة بالعربي لازم تترجمها من مركز ترجمة معتمد)
التأشيرة تقريبا فى حدود 700 جنيه (ممكن أقل أو أكثر قليلا معرفش بالضبط دلوقتي كام).
..
* كدة خلصت خطوات التقديم .. نتكلم بقى عن بانكوك أولا:
قبل أي حاجة نصيحة أول ما تنزل من الطيارة حاول تكون فى الأول متأخرش نفسك عشان هتتفاجأ فى مطار بانكوك بكمية الزحمة المهولة هناك.
بالنسبة للأكل عليك وعلى شارع العرب ده تروحه عن طريق المترو bts
وتنزل محطة Nana
تاكل فيه شاورما او سي فوود .. فى واحد هناك بتاع شاورما مصري إسمه الحاج محمد الرومي ده راجل برنس
وفى طبعا محلات كتير وقهاوي مصرية وعربية ممكن تاكل فيها وتعد فيها بس المهم خد بالك الأول من الأسعار عشان محدش يضحك عليك.
وفى صورة انا مصورها ليه هتلاقوا حتى الأسعار السندوتشين ب 130 بات (وكان أخري اتنين كفاية اوي فى الكمية).
وفى اكتر من سوبر ماركت هناك عربي
وبرده اي براند مشهور ممكن تاكل فيه
انا كنت باكل فى شارع العرب وفى siam center
ده فى محطة سيام بينها وبين نانا تقريبا 3 محطات مترو
وعموما الأكل السي فود روعة ورخيص جدا والفاكهة والعصاير الفرش رخيصة.
وسيام سنتر عموما ضخم وروعة تقدر تقضي فيه وقت حلو
وبرده ممكن تروح مول MBK ده جميل برده وقريب من مول سيام.
بالنسبة للمعابد هتروح
Grand Palace , Wat Pho , Wat Arun , Sanam Luang
جنب بعض مجرد هتعدي النيل بمركب عن طريق المترو هتنزل محطة Saphan Taksin
وهتمشي لحد النهر وهتركب مركب يويدك للمعابد - أسأل
ودي المراكب
Arun temple
Wat Phra Kaew
Temple Mountain
وعلى فكرة Golden Palace قصادها بالضبط وزارة الدفاع التايلاندية ينفع عادي تتصور قدامها ومن Golden Palace
هتركب توكتوك وتروح The Golden Mountain
هيطلع عينك سلالم تطلعها فى الجبل ده بس روووووعة خيالي فوق (وفى صور انا موضحها) ودخوله رخيص أوي.
وممكن تروح متحف الشمع روووووووووعة ومعاه لو عايز SEA LIFE Bangkok Ocean World
حاجة كدة خياااااااااال
ده موجود فى Siam Center
وتقدر تحجز من موقعهم الرسمي: (فى أنواع للتيكيت زي ما انت عايز)
/en
(الجو طبعا مش هقولكوا هيخليكوا تكرهوا نفسكوا بس جمال البلد والحياة المليانة حاجات مفيهاش ملل مش هتخليك تحس بالحر) - ونصيحة خلى دايما معاكوا إزازة مية - وممكن تشتروا (برنيطة) عشان الشمس.
(عموما الشعب التايلاندي شعب طيب وغلبان وبيضحك والبلد أمان - بس طبعا يعني مش تمشي فى شارع فاضى بليل لوحدك) وبيتكلموا إنجليزي عشان طبيعة البلد إنها بلد سياحية - وطول ما انت ماشي فى الشارع أو فى محطات المترو هتلاقي مكاتب صرافة وهتلاقي مكاتب خدمات للسياح لو عايز تسأل عن أي حاجة وهتلاقي فيها خرائط للبلد مجانا وخرائط للمترو.
انا ركبت جميع المواصلات هناك معتقدش حد ركب المواصلات كلها زيي
انا ركبت الطيارة (طيران داخلى وخارجي) - والقطار - والتاكسي - والتوكتوك - والمترو bts - والمراكب - والأوتوبيس - وحتى الموتوسيكل.
وأهم حاجة سواء فى المواصلات أو الشراء الفصال ثم الفصال ثم الفصال
يا جماعة ممكن حاجة واحد يقولكوا ب 1000 بات وتشتروها ب 300 بات
على قد ما تقدروا فاصلوا.
وده موقع الى عايز يحجز القطار
/Thailand international and domestic discount air tickets, Hotels and resorts, Package tours, Sightseeing, Transfers, Car rental, Travel insurance, Thailand travel news and events, Thailand travel guide, Thailand international and domestic air travel -- Tr
ودي هدية مني ليكوا
فى سوق اسمه شاتوشاك بس خلى بالك بيفتح تقريبا يوم السبت والأحد فقط (وممكن الإثنين مش متأكد).
ده موجود فى محطة مترو اسمها Mo chit
فيه حاجات رخيصة جدا وكل حاجة تتخيلها ولا تتخيلها استغل الفرصة واشتريلك شوية حاجات
ونصيحة هات شوية حاجات متعلقة بالتجميل وتنظيف الجسم وزيوت الشعر وهكذا بس مش كتير عشان الجمارك فى المطار هنا
وطبعا بقى لو عايز تركب فيل تروح
Erawan Museum Plaza
متحف الأفيال
خياااااااااال
ومتعة بقى الحيوانات وركوب الفيل واللعب مع الحيوانات والدلافين عليك وعلى
Safari World Bangkok
وهم وهم وهم
وده الموقع بتاعهم
/Welcome to Safari World - The World of Happiness (Bangkok - Thailand)
وخلى بالك اخرهم الساعة 5 العصر.
هتركب bts وتنزل محطة Mo Chit
ومن هناك أتوبيس أو تاكسي (ممكن تتفق مع السواق رايح جاي ب 400 بات حلو أوي)
وتجربة كدة ممتعة ولذيذة جدا انك تروح The Floating Market
ده سوق عائم بتركب مركب (لو عايز فى حدود 300 بات)
وتعمل شوبينج من المراكب اللى حواليك (فى صورة برده عشان تتخيلوه)
ده موجود فى ratchaburi بينها وبين سيام سنتر المسافة تقريبا 100 كيلو
بس خلى بالك لو هتروحوا لازم تروح بدري جدا تقريبا بيفتح الساعة 7 الصبح وبيقفل الساعة 12 الظهر وعند السوق هتلاقي المباني التايلاندية القديمة (روووووووووعة)
ودي هدية مني ليكوا للي بيحب المغامرات والإكتشافات مع نفسه هتلاقي قريب من السوق العائم مصنع السكر ده
عادي السياح ينفع يدخلوه هتلاقي بقى التايلانديين وهما شغالين فى المصنع سواء قصب سكر أو جوز الهند (إكتشاف ممتع)
ولو انت لوحدك خلي تنقلاتك تبقى بالمترو والتوكتوك والمتوسيكل الفردي تركب ورا الى بيسوق والتوكتوك والموتوسيكل خليك بارد معاهم وفاصل معاهم على قد ما تقدر
الموضوع كبير أوي عشان انا شرحت بالتفصيل فإن شاء الله قريب اعملكوا موضوع تانى عن بتايا وبوكيت ودول تانية
(فى صور كتير عشان تتخيلوا المدينة والشرح اللى انا شرحته)
اتمنى الكلام ده يكون فيه إفادة - وبالتوفيق للكل (وأي استفسار انا تحت أمركوا)
ورحلة سعيدة مقدماً
السلام عليكم ورحمة الله وبركاته أولا
بعد ما نزلت موضوع بخصوص خطوات التقديم للحصول على التأشيرة الأمريكية لقيت تفاعل كبير وفعلا فى ناس كتير محتاجة تسأل
وناس كتير بتسأل عن تايلاند .. وعشان كدة عملت الموضوع ده
* معلومة: عملة تايلاند اسمها البات والدولار الأمريكي يساوي تقريبا 35 بات
..
طبعا أولا قبل أي حاجة هقولكوا نصيحة تفيدكوا وإحنا طبعا أي توفير لينا هيفيد وناس كتير بتسأل ومش فاهماه كويس فأنا هشرحه بالتفصيل
تايلاند من الدول اللى بترجعلك قيمة الضريبة على القيمة المضافة (ليك كسائح)
من خلال الموقع ده
/The Revenue Department
تقدر تعرف ايه اللى ليك واللى عليك والشروط المهم يكون المحل اللى هتشتري منه يكون عارض اليافطة دي
"VAT REFUND FOR TOURISTS"
فى نموذج كدة معين اسمه P.P.10
بتقدمه ده شرط من الشروط وفى الموقع هتفهم كل حاجة وشارح كل حاجة.
وطبعا الفاتورة الأصلية بتقدمها لضابط الجمارك فى المطار (وخلى بالك قبل ما تعمل check-in)
وخلى بالك لو ضابط الجمارك ده رخم هيطلب انه يشوف الحاجة نفسها اللى انت اشتريتها (فنصيحة ابقى جهزهم كلهم فى شنطة واحدة عشان متتعبش وانت بتدور على الحاجة والطلب ده قانوني يعني من حقه).
وفى طبعا حركة كدة لازم تكون عارفها دي هدية مني ليكوا
عشان ترجعلك قيمة الضريبة لازم تكون اشتريت من مكان معين بحد أدنى 2000 بات فى اليوم
يعني ايه فى اليوم ؟ يعني ممكن تشتري حاجة ب 500 بات وترجع تانى فى نفس اليوم تشتري ب 1500 بات كدة يبقى انت ينطبق عليك الشرط وكدة من حقك ترجعلك قيمة الضريبة بس بشرط برده أنك لما تروح بعد
كدة تشتري تانى يكون فى نفس اليوم وتقدملهم الفاتورة الأولى وباسبورك.
بتقدم كل ده وبعد ما تعمل check in وبعد ما تعدي على ضابط الجوازات وتاخد ختم خروج هتروح على المكتب VAT Refund Office وتاخد قيمة الضريبة.
وطبعا خلى بالك عشان كل ده يتم لازم لما تروح تشتري من محل عليه اليافطة الى قولت عليها وبالحد الأدنى اللى قولت عليه لازم تطلب منه النموذج P.P.10
وتطلب منه فاتورة الضريبة الأصلية وبتقدملوا الباسبور بتاعك.
..
ندخل بقى على خطوات التقديم فى السفارة:
النظام طبعا اتغير غير الأول
دلوقتي الأبليكيشن لازم تكتبه أونلاين ومش هيتقبل أي ابليكيشن مكتوب بالإيد
هتدخلوا على الموقع الرسمي للسفارة وفيه الأبليكيشن:
https://www.thaiembassy.org/…/se…/68399-Visa-Application.html
* الورق المطلوب:
حجز طيران - حجز فندق - كشف حساب بنكي (يكون لآخر 3 شهور) وفيه حركة كانوا طالبين الرصيد ميكونش أقل من 10000 جنيه مصري للفرد و مش أقل من 30000 جنيه مصري لو للعائلة بس بعد خراب التعويم ممكن يكون المبلغ هيكون أكبر شوية - صورة شخصية عادية حديثة 3*4 بخلفية بيضاء (وخلى بالك مش هيقبلوا الصورة لو هيا نفس صورتك على الباسبور) - والباسبور طبعا يكون باقي على انتهائه مش اقل من 6 شهور (وصور الباسبور ورقة بياناتك صورتين) - وصورة الإقامة بالنسبة لغير المصريين المقيمين فى مصر - ورقة جواب عمل (وبالنسبة لأصحاب الشركات السجل التجاري والبطاقة الضريبية) - وبالنسبة للطلبة شهادة قيد من الجامعة - ولو عندك معاش استخرج ورقة رسمية بمعاشك.
وطبعا كل الورق لازم يكون انجليزي (وأي ورقة بالعربي لازم تترجمها من مركز ترجمة معتمد)
التأشيرة تقريبا فى حدود 700 جنيه (ممكن أقل أو أكثر قليلا معرفش بالضبط دلوقتي كام).
..
* كدة خلصت خطوات التقديم .. نتكلم بقى عن بانكوك أولا:
قبل أي حاجة نصيحة أول ما تنزل من الطيارة حاول تكون فى الأول متأخرش نفسك عشان هتتفاجأ فى مطار بانكوك بكمية الزحمة المهولة هناك.
بالنسبة للأكل عليك وعلى شارع العرب ده تروحه عن طريق المترو bts
وتنزل محطة Nana
تاكل فيه شاورما او سي فوود .. فى واحد هناك بتاع شاورما مصري إسمه الحاج محمد الرومي ده راجل برنس
وفى طبعا محلات كتير وقهاوي مصرية وعربية ممكن تاكل فيها وتعد فيها بس المهم خد بالك الأول من الأسعار عشان محدش يضحك عليك.
وفى صورة انا مصورها ليه هتلاقوا حتى الأسعار السندوتشين ب 130 بات (وكان أخري اتنين كفاية اوي فى الكمية).
وفى اكتر من سوبر ماركت هناك عربي
وبرده اي براند مشهور ممكن تاكل فيه
انا كنت باكل فى شارع العرب وفى siam center
ده فى محطة سيام بينها وبين نانا تقريبا 3 محطات مترو
وعموما الأكل السي فود روعة ورخيص جدا والفاكهة والعصاير الفرش رخيصة.
وسيام سنتر عموما ضخم وروعة تقدر تقضي فيه وقت حلو
وبرده ممكن تروح مول MBK ده جميل برده وقريب من مول سيام.
بالنسبة للمعابد هتروح
Grand Palace , Wat Pho , Wat Arun , Sanam Luang
جنب بعض مجرد هتعدي النيل بمركب عن طريق المترو هتنزل محطة Saphan Taksin
وهتمشي لحد النهر وهتركب مركب يويدك للمعابد - أسأل
ودي المراكب
Arun temple
Wat Phra Kaew
Temple Mountain
وعلى فكرة Golden Palace قصادها بالضبط وزارة الدفاع التايلاندية ينفع عادي تتصور قدامها ومن Golden Palace
هتركب توكتوك وتروح The Golden Mountain
هيطلع عينك سلالم تطلعها فى الجبل ده بس روووووعة خيالي فوق (وفى صور انا موضحها) ودخوله رخيص أوي.
وممكن تروح متحف الشمع روووووووووعة ومعاه لو عايز SEA LIFE Bangkok Ocean World
حاجة كدة خياااااااااال
ده موجود فى Siam Center
وتقدر تحجز من موقعهم الرسمي: (فى أنواع للتيكيت زي ما انت عايز)
/en
(الجو طبعا مش هقولكوا هيخليكوا تكرهوا نفسكوا بس جمال البلد والحياة المليانة حاجات مفيهاش ملل مش هتخليك تحس بالحر) - ونصيحة خلى دايما معاكوا إزازة مية - وممكن تشتروا (برنيطة)
عشان الشمس.(عموما الشعب التايلاندي شعب طيب وغلبان وبيضحك والبلد أمان - بس طبعا يعني مش تمشي فى شارع فاضى بليل لوحدك) وبيتكلموا إنجليزي عشان طبيعة البلد إنها بلد سياحية - وطول ما انت ماشي فى الشارع أو فى محطات المترو هتلاقي مكاتب صرافة وهتلاقي مكاتب خدمات للسياح لو عايز تسأل عن أي حاجة وهتلاقي فيها خرائط للبلد مجانا وخرائط للمترو.
انا ركبت جميع المواصلات هناك معتقدش حد ركب المواصلات كلها زيي
انا ركبت الطيارة (طيران داخلى وخارجي) - والقطار - والتاكسي - والتوكتوك - والمترو bts - والمراكب - والأوتوبيس - وحتى الموتوسيكل.
وأهم حاجة سواء فى المواصلات أو الشراء الفصال ثم الفصال ثم الفصال
يا جماعة ممكن حاجة واحد يقولكوا ب 1000 بات وتشتروها ب 300 بات
على قد ما تقدروا فاصلوا.
وده موقع الى عايز يحجز القطار
/Thailand international and domestic discount air tickets, Hotels and resorts, Package tours, Sightseeing, Transfers, Car rental, Travel insurance, Thailand travel news and events, Thailand travel guide, Thailand international and domestic air travel -- Tr
ودي هدية مني ليكوا
فى سوق اسمه شاتوشاك بس خلى بالك بيفتح تقريبا يوم السبت والأحد فقط (وممكن الإثنين مش متأكد).
ده موجود فى محطة مترو اسمها Mo chit
فيه حاجات رخيصة جدا وكل حاجة تتخيلها ولا تتخيلها استغل الفرصة واشتريلك شوية حاجات
ونصيحة هات شوية حاجات متعلقة بالتجميل وتنظيف الجسم وزيوت الشعر وهكذا بس مش كتير عشان الجمارك فى المطار هنا
وطبعا بقى لو عايز تركب فيل تروح
Erawan Museum Plaza
متحف الأفيال
خياااااااااال
ومتعة بقى الحيوانات وركوب الفيل واللعب مع الحيوانات والدلافين عليك وعلى
Safari World Bangkok
وهم وهم وهم
وده الموقع بتاعهم
/Welcome to Safari World - The World of Happiness (Bangkok - Thailand)
وخلى بالك اخرهم الساعة 5 العصر.
هتركب bts وتنزل محطة Mo Chit
ومن هناك أتوبيس أو تاكسي (ممكن تتفق مع السواق رايح جاي ب 400 بات حلو أوي)
وتجربة كدة ممتعة ولذيذة جدا انك تروح The Floating Market
ده سوق عائم بتركب مركب (لو عايز فى حدود 300 بات)
وتعمل شوبينج من المراكب اللى حواليك (فى صورة برده عشان تتخيلوه)
ده موجود فى ratchaburi بينها وبين سيام سنتر المسافة تقريبا 100 كيلو
بس خلى بالك لو هتروحوا لازم تروح بدري جدا تقريبا بيفتح الساعة 7 الصبح وبيقفل الساعة 12 الظهر وعند السوق هتلاقي المباني التايلاندية القديمة (روووووووووعة)
ودي هدية مني ليكوا للي بيحب المغامرات والإكتشافات مع نفسه هتلاقي قريب من السوق العائم مصنع السكر ده
عادي السياح ينفع يدخلوه هتلاقي بقى التايلانديين وهما شغالين فى المصنع سواء قصب سكر أو جوز الهند (إكتشاف ممتع)
ولو انت لوحدك خلي تنقلاتك تبقى بالمترو والتوكتوك والمتوسيكل الفردي تركب ورا الى بيسوق والتوكتوك والموتوسيكل خليك بارد معاهم وفاصل معاهم على قد ما تقدر
الموضوع كبير أوي عشان انا شرحت بالتفصيل فإن شاء الله قريب اعملكوا موضوع تانى عن بتايا وبوكيت ودول تانية
(فى صور كتير عشان تتخيلوا المدينة والشرح اللى انا شرحته)
اتمنى الكلام ده يكون فيه إفادة - وبالتوفيق للكل (وأي استفسار انا تحت أمركوا)
ورحلة سعيدة مقدماً
