M
Mohamed Gamal
:: مسافر ::
نصيحه للى حابب يسافر اسطنبول
لو اجازتك طويله
خللى نص اجازتك فى تقسيم
و نصها فى فاتح
حدد فسحك اللى قريبه من تقسيم و خلصها
وانت هناك
خللى يوم السفر تيجى الصبح ترمى شنطك فى الفندق
و تنزل تتمشى فى شارع الاستقلال هو عباره عن شارع تجارى حيوى جدا تاخده تمشيه من اوله وفيه مزارات و محلات و بازرات طول منتا ماشى واخره حتلاقى نفسك تقدر توصل عالبحر "القرن الذهبى"
فى مطاعم و كافيهات قعدتها حلوه
او تقدر تقعد فى اماكن الجلوس تتفرج على مدخل القرن الذهبى
بس عايز ساعه عصارى
تل العرايس اقرب تركبله باص او تاكسى من تقسيم
ممكن تروح مول جواهر بالمترو من تقسيم
تروح بالعباره جزر الاميرات و دى تركبلها المترو من تقسيم ينزلك ميناء كابتاش تاخد منه العباره
من ميناء كابتاش برضه تقدر تعمل رحله مركب فى مضيق البوسفور
جمب ميناء كابتاش فيه قصر دولما باشا يعنى ممكن تخللى قصر دولما الصبح و عالعصارى تعمل رحله مضيق البوسفور
تقدر من تقسيم تحجز رحله من مكاتب الرحلات لشلالات معشوقيه و بحيره سبانجا
و دى طبعا حتاخد يوم كامل نصيحه متفوتهاش
اسال فى كذا مكتب و اعرف البرنامج و شوف الارخص
وعموما الناس هناك محترمين و بيوفرو باصات نضيفه
مش نصابين زى جماعه قرايبنا
لما حتسكن فى فاتح
تقدر تروح تمشيه لكل ده
ايه صوفيا
قصر طوب قابى
جامع السلطان احمد
البازار الكبير
و طبعا الحمامات فى فاتح هى اقدم و افضل حمامات تركى
انا شخصيا انبسطت فى فاتح اكتر كتير ومحتجتش اخرج منها
لو اجازتك صغيره خليها فى فاتح روحها احلى
لو اجازتك طويله قسمها بين فاتح و تقسيم بس ابعد عن فنادق شارع الاستقلال الرخيصه كلها بيوت قديمه و معفنه
شكلها حلو عالبوكينج بس تروحها تلاقيها زباله
ولو عندك وقت تاخدلك ليله او ليلتين فى بورصه سوقها جميل اوى
و فيها جبل اولداغ تطلعو بالتليفريك
بس لازم تتاكد من مواعيد العمل
و حاول تعمل خطه كويسه بالخريطه بتاعتك و تجمع الاماكن القريبه فى يوم واحد
وحتى يوم السفر استغله
يعنى و انت جاى اسطمبول تعال الصبح بدرى و خليك نايم كويس و اعمل شيك ان فى الفندق و سلم شنطك و غير هدومك و انزل
و يوم متسافر مصر خللى سفرك متاخر
و اعمل شيك اوت فى معادك
او تقدر تعمل شيك اوت متاخر و تدفع حاجه بسيطه
بس خللى شنطك فى الفندق و عدى خدهم متاخر وسافر
نصيحه قبل اى مكان تروحه اتاكد من اوقات العمل و الاجازات خصوصا القصور و المتاحف
تعديل بسيط
ميناء كباتاش حاليا فيه إنشاءات البديل ميناء باشيكتاش (قريب منه)
لو اجازتك طويله
خللى نص اجازتك فى تقسيم
و نصها فى فاتح
حدد فسحك اللى قريبه من تقسيم و خلصها
وانت هناك
خللى يوم السفر تيجى الصبح ترمى شنطك فى الفندق
و تنزل تتمشى فى شارع الاستقلال هو عباره عن شارع تجارى حيوى جدا تاخده تمشيه من اوله وفيه مزارات و محلات و بازرات طول منتا ماشى واخره حتلاقى نفسك تقدر توصل عالبحر "القرن الذهبى"
فى مطاعم و كافيهات قعدتها حلوه
او تقدر تقعد فى اماكن الجلوس تتفرج على مدخل القرن الذهبى
بس عايز ساعه عصارى
تل العرايس اقرب تركبله باص او تاكسى من تقسيم
ممكن تروح مول جواهر بالمترو من تقسيم
تروح بالعباره جزر الاميرات و دى تركبلها المترو من تقسيم ينزلك ميناء كابتاش تاخد منه العباره
من ميناء كابتاش برضه تقدر تعمل رحله مركب فى مضيق البوسفور
جمب ميناء كابتاش فيه قصر دولما باشا يعنى ممكن تخللى قصر دولما الصبح و عالعصارى تعمل رحله مضيق البوسفور
تقدر من تقسيم تحجز رحله من مكاتب الرحلات لشلالات معشوقيه و بحيره سبانجا
و دى طبعا حتاخد يوم كامل نصيحه متفوتهاش
اسال فى كذا مكتب و اعرف البرنامج و شوف الارخص
وعموما الناس هناك محترمين و بيوفرو باصات نضيفه
مش نصابين زى جماعه قرايبنا
لما حتسكن فى فاتح
تقدر تروح تمشيه لكل ده
ايه صوفيا
قصر طوب قابى
جامع السلطان احمد
البازار الكبير
و طبعا الحمامات فى فاتح هى اقدم و افضل حمامات تركى
انا شخصيا انبسطت فى فاتح اكتر كتير ومحتجتش اخرج منها
لو اجازتك صغيره خليها فى فاتح روحها احلى
لو اجازتك طويله قسمها بين فاتح و تقسيم بس ابعد عن فنادق شارع الاستقلال الرخيصه كلها بيوت قديمه و معفنه
شكلها حلو عالبوكينج بس تروحها تلاقيها زباله
ولو عندك وقت تاخدلك ليله او ليلتين فى بورصه سوقها جميل اوى
و فيها جبل اولداغ تطلعو بالتليفريك
بس لازم تتاكد من مواعيد العمل
و حاول تعمل خطه كويسه بالخريطه بتاعتك و تجمع الاماكن القريبه فى يوم واحد
وحتى يوم السفر استغله
يعنى و انت جاى اسطمبول تعال الصبح بدرى و خليك نايم كويس و اعمل شيك ان فى الفندق و سلم شنطك و غير هدومك و انزل
و يوم متسافر مصر خللى سفرك متاخر
و اعمل شيك اوت فى معادك
او تقدر تعمل شيك اوت متاخر و تدفع حاجه بسيطه
بس خللى شنطك فى الفندق و عدى خدهم متاخر وسافر
نصيحه قبل اى مكان تروحه اتاكد من اوقات العمل و الاجازات خصوصا القصور و المتاحف
تعديل بسيط
ميناء كباتاش حاليا فيه إنشاءات البديل ميناء باشيكتاش (قريب منه)