بعد مافكرت .. قررت اطلع رحلة للاقصر واسوان في...

  • بادئ الموضوع بادئ الموضوع Adam Noah
  • تاريخ البدء تاريخ البدء
عرض العطلة
A

Adam Noah

:: مسافر ::
#1
بعد مافكرت .. قررت اطلع رحلة للاقصر واسوان في نوفمبر .. اهو الواحد يتفرج على معالم بلده ..

ممكن افادة عن احسن طرق للوصول لهناك او برنامج للرحله ؟؟ سمعت ان قطارات نوم بس ناس قالتلي مش نضيفه .. هل في قطار معين نضيف وسريع؟؟ وسعره كام ؟؟

وبالنسبة للاقامة هناك... نايل كروز ولا اوتيل؟؟
 
#2
مين قالك قطر النوم مش نضيف؟ هو مش أوروبا بس هو انضف حاجه. و لو مش عايز تصرف كتير اطلع درجه اولي الكرسي مريح و كبير. ممكن تنام لو معندكش مشكله نوم و انت مسافر
 
#4
نايل كروز هتستمتع بيها جدا ومتفوتش الهاويس تشوفه من سطح الكروز انا روحت قطار اسباني من محطه رمسيس مشكلته ان النور بتاع القطر بيقضل مفتوح مبيتقفلش ابدا لو امكانياتك تاخد طيران او قطار نوم احسنلك خد بالك الكروز ليه اوقات معينه تتحرك يعني تراعي كلامهم تحفظ كويس الكروز شكلها ايه لان بيبقي في مرسي واحد بترسي ٣ كروزات بتدخل تعدي منهم لحد ما توصل للكروز بتاعتك تشتري مياه من اي سوبر ماركت لما ترسي الكروز لان المياه بتتحسب غاليه جدا في اقامتك فنادق او كروز تاخد طواقي وخصوصا لو معاك اطفال كوتشي لازم او اي شوز مريح متفوتش معبد فيله كوم امبو او ادفو او ابو سمبل الكرنك كل المعابد متتفوتش ابدا رحلتك من اسوان وانهيها بالاقصر لان ميزه محطه الاقصر مفهاش ولا سلم فتقدر تشد الشنط واللي اشتريته بسهوله بعكس محطه اسوان متعبه جد وكلها سلالم متحاولش تسافر بشنط كتيرتنظم وتاخد الاساسي
 
#5
الكارت اللي بتاخده من الكروز وانت طالع رايح مشوار تحتفظ بيه كويس لانك مبتدخلش الكروز الا بيه جزيره النباتات مش قد كده شويه تباتات وخلاص خد مركب تفسحك في اسوان
 
عرض العطلة
#6
لا الكروز احلي كتييييير
هتستمع بالمناظر الطبيعي والنيل والزراعات تحفة تحفة
اطلع طيران احد اسوان واطلع كروز مش هتندم ابدا بس شفلك شركة حلوة تعملك برنامج حلو
 
#10
الاقصر واسوان يبئه الافل نايل كروز .. وجه بادئه السنه دي ب 1350 جنيه للفرد 3 ليالي 4 ايام شامله اقامه و مزارات ..
و القطر النوم ممتاز .. وفي قطارات عاديه مكيفه او في اي بي ..
لو مهتم انبوكس
 
عرض العطلة
عرض العطلة
عرض العطلة
أعلى أسفل
عودة
قائمة