A
Ahmed Abou El Lail
:: مسافر ::
اترددت كتير قبل ما انزل البوست ده لاني بصراحة اكبر بوست كتبته كان مكون من سطرين ماليش خلق على كتابة البوستات الكبيره لكن من خلال متابعتي للجروب حسيت فعلا اني لازم اشارك الناس تجربتي في زيارة اوروبا ممكن حد يستفيد منها 
شهر اكتوبر ٢٠١٦ قررت انا وواحد صاحبي نزور اوروبا . وكان اختيارنا للدنمارك نبدا بيها وخاصة ان اخو صاحبي كان لسه هناك وشكر فيها جدا .. قدمنا على الفيزا على اساس ندخل اوروبا من الدنمارك وفعلا قدمنا في Tls وده عباره عن مكتب هو الي بياخد الورق بتاع الناس الي عاوزه تسافر دول في اوروبا زي مثلا فرنسا ، سويسرا . هولندا، والدنمارك والي مايعرفوش هو في المهندسين شارع جامعة الدول . المهم الحمد لله جتلنا الفيزا شنجن وبعديها صاحبي قالي طيب ماتيجي ندخل سويسرا وبعدين ناخدها من تحت لفوق يعني سويسرا. فرنسا . هولاندا وبعدين الدنمارك . وكان السؤال الشهير هل ينفع ندخل من دوله غير الدولة الي اخدنا منها الفيزا الي هي الدنمارك في حالتنا ؟؟!!
المهم سالنا كتير ناس قالت ايوه وناس قالت لا كان في النهاية قرارنا هندخل من سويسرا وربنا يستر..
المهم كانت اول محطه لينا في اوروبا جنيف ودي كانت اجمل مكان نبدا بيه رحلتنا الى القارة العجوز .
جنيف للي مارحاش بلد صغيره مش كبيره بس ليها رونق خاص بلد شيك جدا ونضيفه جدا جدا ومعظم زوارها من الاثرياء ورجال السياسة .. وصلنا مطار جنيف وطبعا كنا مزبطين قبلها ازاي هنتحرك ونصيحة ليكم ياشباب اي حد ناوي يسافر كلنا معانا سمارت فونز ندخل على جوجل ماب ونعمل سيف للبلد الي احنا ناويين نروحها الموضوع ده فرق معانا جدا جدا والله كانت الخرايط شغاله اوف لاين وكنا بنستخدمها باستمرار للتحرك في كل الدول الي زرناها . وطبعا يبقى معاك باوربانك اساسي لان بطارية الموبايل مش هتلاحق على التصوير والخرايط..
جنيف بقه دي حكاية هي عباره عن بحيرة جنيف الي فيها النافوره الشهيرة وعلى يمنيها وعلى شمالها البلد هي تقريبا حرف U حول البحيرة طبعا من اكتر الاماكن الي ممكن لما تروحها تحس انك في جنة الله في الارض وانت قاعد على الحيرة وشايف الطيور الي فيها احساس في منتهى الرومانسيه والجمال وطبعا جنيف فيها شارع كله برندات شارع Rue de Rive وكان من حسن حظنا ان الاوتيل كان في نفس الشارع كان قريب جدا للبحيرة طبعا فيه اماكن كتير تتراح في جنيف زي مثلا
Parc des Bastions
St Pierre Cathedral
Pont du Mont-Blanc وده الكبري الي بيعدي فوق البحيرة
The Geneva Water Fountain
وطبعا اكيد هنروح جنيف يبقى لازم نروح مبنى الامم المتحده الشهير
United Nations Office at Geneva
في في جنيف شارع كله اكل عربي ومطاعم حلال معظمهم سوريين واتراك . في ميزه كمان في جنيف انها قريبه من جبال الالب ودي لازم تخصص لها يوم تاخد فيه باص وتروح جبال الالب الفرنسيه قرية اسمها Chamonix تبعد حوالي 45 دقيقه من جنيف في الباص ودي حكاية تانيه خالصه ممكن نخليها للبوست الجاي
شهر اكتوبر ٢٠١٦ قررت انا وواحد صاحبي نزور اوروبا . وكان اختيارنا للدنمارك نبدا بيها وخاصة ان اخو صاحبي كان لسه هناك وشكر فيها جدا .. قدمنا على الفيزا على اساس ندخل اوروبا من الدنمارك وفعلا قدمنا في Tls وده عباره عن مكتب هو الي بياخد الورق بتاع الناس الي عاوزه تسافر دول في اوروبا زي مثلا فرنسا ، سويسرا . هولندا، والدنمارك والي مايعرفوش هو في المهندسين شارع جامعة الدول . المهم الحمد لله جتلنا الفيزا شنجن وبعديها صاحبي قالي طيب ماتيجي ندخل سويسرا وبعدين ناخدها من تحت لفوق يعني سويسرا. فرنسا . هولاندا وبعدين الدنمارك . وكان السؤال الشهير هل ينفع ندخل من دوله غير الدولة الي اخدنا منها الفيزا الي هي الدنمارك في حالتنا ؟؟!!
المهم سالنا كتير ناس قالت ايوه وناس قالت لا كان في النهاية قرارنا هندخل من سويسرا وربنا يستر..
المهم كانت اول محطه لينا في اوروبا جنيف ودي كانت اجمل مكان نبدا بيه رحلتنا الى القارة العجوز .
جنيف للي مارحاش بلد صغيره مش كبيره بس ليها رونق خاص بلد شيك جدا ونضيفه جدا جدا ومعظم زوارها من الاثرياء ورجال السياسة .. وصلنا مطار جنيف وطبعا كنا مزبطين قبلها ازاي هنتحرك ونصيحة ليكم ياشباب اي حد ناوي يسافر كلنا معانا سمارت فونز ندخل على جوجل ماب ونعمل سيف للبلد الي احنا ناويين نروحها الموضوع ده فرق معانا جدا جدا والله كانت الخرايط شغاله اوف لاين وكنا بنستخدمها باستمرار للتحرك في كل الدول الي زرناها . وطبعا يبقى معاك باوربانك اساسي لان بطارية الموبايل مش هتلاحق على التصوير والخرايط..
جنيف بقه دي حكاية هي عباره عن بحيرة جنيف الي فيها النافوره الشهيرة وعلى يمنيها وعلى شمالها البلد هي تقريبا حرف U حول البحيرة طبعا من اكتر الاماكن الي ممكن لما تروحها تحس انك في جنة الله في الارض وانت قاعد على الحيرة وشايف الطيور الي فيها احساس في منتهى الرومانسيه والجمال وطبعا جنيف فيها شارع كله برندات شارع Rue de Rive وكان من حسن حظنا ان الاوتيل كان في نفس الشارع كان قريب جدا للبحيرة طبعا فيه اماكن كتير تتراح في جنيف زي مثلا
Parc des Bastions
St Pierre Cathedral
Pont du Mont-Blanc وده الكبري الي بيعدي فوق البحيرة
The Geneva Water Fountain
وطبعا اكيد هنروح جنيف يبقى لازم نروح مبنى الامم المتحده الشهير
United Nations Office at Geneva
في في جنيف شارع كله اكل عربي ومطاعم حلال معظمهم سوريين واتراك . في ميزه كمان في جنيف انها قريبه من جبال الالب ودي لازم تخصص لها يوم تاخد فيه باص وتروح جبال الالب الفرنسيه قرية اسمها Chamonix تبعد حوالي 45 دقيقه من جنيف في الباص ودي حكاية تانيه خالصه ممكن نخليها للبوست الجاي