B
Bella Noor
:: مسافر ::
تجربتي في #سريلانكا
اولاً بالنسبه لتذاكر الطيران مش هقدر افيدكم فيها لاني سافرت من دبي
العمله هنا بالروبيه
١ دولار = ١٥٠ روبيز
والافضل لو هتغيرو العمله من مصر او من البلد اللي مسافرين منها لان الدولار اغلي منها بكتير فاكيد لما تيجي تبيعه في مصر سعره هيكون اعلي من سعره في سريلانكا نفسها
ثانياً الرحله كانت ٦ ليالي ٥ ايام
لما حجزت مكنتش اعرف كتير عن البلد فحجزت الايام كلها في نفس الفندق ونفس البلد بس للاسف اي مدينه في سريلانكا ميتقعدش فيها اكتر من يوم او يومين
فعشان كده راحت عليا فلوس الفندق واضطريت اني كل مدينه اروحها ادفع فيها للفندق
وصلت من دبي لمطار سريلانكا اخدت باص لكولمبو (العاصمه) ب ١٣٠ روبيز
وعشان كولومبو مفهاش حاجه تتعمل فسافرنا علي طول بالقطر ل #كاندي وصلنا في ٣ ساعات (ب ٢٥٠ روبيز)
#كاندي
روحنا شوفنا المعابد والمتاحف رسم الدخول ١٨٠٠ روبيز وبليل كان في احتفالات وفلكلور اتفرجنا عليها وسافرنا تاني يوم الفجر
#نوراليا
فيها مكان اسمه هورتون بلان (نهايه العالم) بتمشي فيها تقريبا ٣ ساعات في وسط الجبال والشلالات والطبيعه وفي كمان قرود وطيور وفي الاخر بتكتشف انك في قمه جبل عالي واصل للسحاب المناظر كانت تجنن رسوم الدخول كان ٣٤٠٠ روبيز .. ده غير طبعا المواصلات
وزورنا مصنع الشاي واشترينا منه شاي هو تقريبا من احسن انواع الشاي اللي في العالم
وسافرنا الفجر
# Elle فيها شلال بردو وقرود كتير في كل مكان حواليك بس بصراحه الشلالات اللي في نوراليا كانت احسن بكتير .. فيها صخره (adams) ودي بردو بتاخدلها ٣ ساعات عشان تطلعها بس احنا كسلنا
والبلد دي المساج فيها حلو اوي ورخيص
وسافرنا العصر لان البلد دي مكنش فيها حاجات تانيه تتعمل
#Yala national park
طلعنا رحلة سفاري ودفعنا ٧٠٠٠ روبيز للفرد شامله المواصلات ورسوم الدخول
دي عباره عن بارك مفتوحه فيها كل الحيوانات البريه واحنا كنا بنلف عشان نتفرج عليهم وطبعا ممنوع اننا نزل من العربيه عشان ممكن الحيوانات يهجموا علينا
وشوفنا المكان اللي كان فيه تسونامي
الرحله كانت من ٥ الفجر ل ١٢ الضهر وبعدين سافرنا للبلد اللي بعدها
#Mirrisa
من اجمل شواطئ سريلانكا وصلنا قعدنا في هوستيل قدام البحر السكن ب ٢٠٠٠ روبيز في الليله روحنا الصبح رحله بحريه ب ٣٠٠٠ روبيز عشان نتفرج علي الحيتان
البحر كان شكله يجنن والممتع انه فيه امواج عاليه
الرحله كانت من ٦ الصبح لحد ١١ رجعنا قعدنا علي البحر لحد العصر وبعدين رجعنا الفندق حضرنا حاجتنا ورجعنا كولومبو تاني
( لانها اقرب مكان للمطار )
سريلانكا بلد حلوه اوي اوي خصوصا للناس اللي بتعشق الطبيعه والتنقل لكن لو حد رايح يستجم مفتكرش انها هتكون فكره حلوه انكم تيجوا البلد دي
لان ما بين كل مدينه ومدينه ساعتين او تلات ساعات
ف الرحله كانت صعبه شويه بس ممتعه
اولاً بالنسبه لتذاكر الطيران مش هقدر افيدكم فيها لاني سافرت من دبي
العمله هنا بالروبيه
١ دولار = ١٥٠ روبيز
والافضل لو هتغيرو العمله من مصر او من البلد اللي مسافرين منها لان الدولار اغلي منها بكتير فاكيد لما تيجي تبيعه في مصر سعره هيكون اعلي من سعره في سريلانكا نفسها
ثانياً الرحله كانت ٦ ليالي ٥ ايام
لما حجزت مكنتش اعرف كتير عن البلد فحجزت الايام كلها في نفس الفندق ونفس البلد بس للاسف اي مدينه في سريلانكا ميتقعدش فيها اكتر من يوم او يومين
فعشان كده راحت عليا فلوس الفندق واضطريت اني كل مدينه اروحها ادفع فيها للفندق
وصلت من دبي لمطار سريلانكا اخدت باص لكولمبو (العاصمه) ب ١٣٠ روبيز
وعشان كولومبو مفهاش حاجه تتعمل فسافرنا علي طول بالقطر ل #كاندي وصلنا في ٣ ساعات (ب ٢٥٠ روبيز)
#كاندي
روحنا شوفنا المعابد والمتاحف رسم الدخول ١٨٠٠ روبيز وبليل كان في احتفالات وفلكلور اتفرجنا عليها وسافرنا تاني يوم الفجر
#نوراليا
فيها مكان اسمه هورتون بلان (نهايه العالم) بتمشي فيها تقريبا ٣ ساعات في وسط الجبال والشلالات والطبيعه وفي كمان قرود وطيور وفي الاخر بتكتشف انك في قمه جبل عالي واصل للسحاب المناظر كانت تجنن رسوم الدخول كان ٣٤٠٠ روبيز .. ده غير طبعا المواصلات
وزورنا مصنع الشاي واشترينا منه شاي هو تقريبا من احسن انواع الشاي اللي في العالم
وسافرنا الفجر
# Elle فيها شلال بردو وقرود كتير في كل مكان حواليك بس بصراحه الشلالات اللي في نوراليا كانت احسن بكتير .. فيها صخره (adams) ودي بردو بتاخدلها ٣ ساعات عشان تطلعها بس احنا كسلنا
والبلد دي المساج فيها حلو اوي ورخيص
وسافرنا العصر لان البلد دي مكنش فيها حاجات تانيه تتعمل
#Yala national park
طلعنا رحلة سفاري ودفعنا ٧٠٠٠ روبيز للفرد شامله المواصلات ورسوم الدخول
دي عباره عن بارك مفتوحه فيها كل الحيوانات البريه واحنا كنا بنلف عشان نتفرج عليهم وطبعا ممنوع اننا نزل من العربيه عشان ممكن الحيوانات يهجموا علينا
وشوفنا المكان اللي كان فيه تسونامي
الرحله كانت من ٥ الفجر ل ١٢ الضهر وبعدين سافرنا للبلد اللي بعدها
#Mirrisa
من اجمل شواطئ سريلانكا وصلنا قعدنا في هوستيل قدام البحر السكن ب ٢٠٠٠ روبيز في الليله روحنا الصبح رحله بحريه ب ٣٠٠٠ روبيز عشان نتفرج علي الحيتان
البحر كان شكله يجنن والممتع انه فيه امواج عاليه
الرحله كانت من ٦ الصبح لحد ١١ رجعنا قعدنا علي البحر لحد العصر وبعدين رجعنا الفندق حضرنا حاجتنا ورجعنا كولومبو تاني
( لانها اقرب مكان للمطار )
سريلانكا بلد حلوه اوي اوي خصوصا للناس اللي بتعشق الطبيعه والتنقل لكن لو حد رايح يستجم مفتكرش انها هتكون فكره حلوه انكم تيجوا البلد دي
لان ما بين كل مدينه ومدينه ساعتين او تلات ساعات
ف الرحله كانت صعبه شويه بس ممتعه