M
Muhammet Salah Eczacı
:: مسافر ::
#الامارات
هلا والله تاني...
أولا:بالنسبه لجملة دبي وتكلفه بسيطه اللي الناس استغربتها...أنا واحد من الناس لاعندي حساب في بنك ولا أملاك لكن أنا مابحبش اللي يسافر ويقول التاكسي ب 5$ مثلا يعني 5*20= 100 جنيه مصري...! ذنبهم ايه دول العالم ان عملتنا عايمه؟! =D
يعني مثلا ازاة المايه الصغيره في الامارات بدرهم واحد ! بالنسبه لنا كمصريين 5 جنيه .. هما مطالبين يخلوها بكام عشان يناسبنا ؟!! الأسعار ممتازه بالنسبة لأهل البلد..
بص لو حسبتها كدا والله لا انت شاري حاجه ولا مسافر أصلا...
ثانيا: أنا كلمت صاحب شركة سياحه في الامارات هو اللي طلعلي الفيزا ب 3000 جنيه ودا لأني طالب ومنهم تأمين...
أنا سافرت من مطار برج العرب ودي كانت بداية محزنه ولولا ان عندي اصرار أسافر والله لكنت رجعت ! الرحلة كانت الساعه 6:30 مساءا
وصلت المطار الساعه 3 العصر خلصت اخر تفتيش اللي قبل دخول الطياره الساعه 6:20 !!! ودي أول حاجه اتعلمتها (روح المطار على بيات =D ) ومع ذلك التفتيش عشوائي جدا ...
ثانيا: وصلت #مطار_دبي الحمد لله وهنا كانت المفاجأة ... مطار عملاق ماشاء الله وأول مابتنزل من الطياره في باصات بتوصل الركاب لداخل المطار حيث المترو اللي هيوصلك للجوازات ثم استلام الحقائب.. مطار عباره عن مجمع أو مدينة =D ومنه اشتريت خط DU ب 55 درهم اسمه خط سياحه صلاحيته 3 شهور ...
بالنسبة لايجار الفندق كانت الليلة ب 500 أو 600 درهم ودا لأني واصل ليلة رأس السنه..
في العادي الايجاربيوصل ل 150 درهم في الليلة ودا بالنسبة للشقق الفندقية برضه ولو 3 تقدروا تشتركوا فيها ....
أنا بقى عملت حاجه غريبه وحظي طلع كويس ... اتعرفت على شاب مصري وشاب سوري وانا بلف على شقه وصمموا اقعد معاهم في الاستوديوا اللي عايشين فيه =D وبالفعل قعدت معاهم !
ثالثا : #بالنسبه_للمواصلات ابعد عن البنغاليين اللي شغالين على عربيات ملاكي لأنهم بيأفورا في السعر مشوار ب 120 درهم قالولي ب 160 ولما رفضت قالوا 120 والاخر ركبت الباص ب 20 درهم .. خليك في الباصات لو هتنتقل من مدينة لمدينه (التذكره ب 20 درهم وب 25 درهم ) وبالنسبة لدبي المترو بيوديك أي مكان هتزوره ومن نضافته مش هتحب تنزل منه (كارت المترو ب 25 درهم بيكون مشحون ولما يخلص بتشحنه ب 5 درهم وكل المحطات متاح فيها الشحن جمب بوابات الدخول) ويوم ماتتزنق استخدم التاكسي الوطني (شغال بعداد وسواقين لابسين يوني فورم وقمة في الرقي) والتاكسي فيه شاشه متسجل فيها اسم السائق وكود له ولو تخطى السرعه المحدده بتوصله رساله صوتيه تطالبه يهدي...وكل المواصلات ممنوع فيها الاكل والشرب والغرامة 200 درهم ...
واشارات المرور تحب انك تقف فيها والطرق مصممه بشكل يناسب المشاه ولو التزمت بخط المشاه الطريق كله بيقف لك مجرد ماتنوي تعدي الطريق وبتحس انك وزير معدي ...! ولو مالتزمتش بالاشارات بتدفع غرامة 200 درهم فورا وحصلت كتير بس مش معايا الحمد لله لأني كنت مستمتع بالاتزام اللي في البلد ...
الصرافات موجوده في كل مكان وال 100 دولار = 365 درهم ...
رابعا : #الاماكن اللي زورتها لحد انهارده ...
1_ دبي مول ومافيه من ( برج خليفة والحديقة المائيه والنافورة والاكوادريم) دخول المول والحديقة المائية مجانا ومنها بتشوف النافوره والبرج .. لكن تذكرة دخول البرج 200 درهم وتذكرة دخول الاكوادريوم على حسب الجوله (100 درهم و 120 درهم و 150 درهم)
2 _ المارينا مول في #أبو_ظبي وقصاده على الناحيه التانيه من الطريق #شاطيء المارينا ودا أروع مما تتخيل ومنطقة المارينا كلها أبراج ومباني خرافه في التصميم ...
3 _ #مسجد الشيخ زايد بن سلطان آل نهيان ب أبو ظبي (متكلف ياجماعه ومصروف عليه ببزخ =D )
السياح السيدات بيوصلوا المسجد قالعين حاجات ولابسين حاجات =D لكن داخل المسجد الكل لابس اسدال ودا بتوزعه عليهم ادارة المسجد اجباري .... وطبعا الكل بيخلع حذائه ..
المسجد فيه أكبر سجاده يدويه مصنوعه داخل المسجد بدون فواصل ونجف يقال انه الأغلى في العالم... وبساحة المسجد زي حمامات سباحه مزينه المسجد بشكل يبهر .. وكمان في مكتبه ماحدش دخلها من السياح غيري في اليوم اللي كنت فيه هناك مع ان فيها كتب عملاقه ومجلدات ورسومات للقران الكريم بالخط الكوفي من قديم الأذل ...
الموضوع ده كلفني من أول الفيزا مرورا بتذاكر الطيران وأكل ومواصلات وخروجات الى الان 10,000 جنيه بس =D يعني 7 أيام (من وجهة نظري مش كتير على دولة زي الامارات ! )
كفاية كدا عشان طولت عليكوا والصور هتحكي اللي شوفته رغم انها بالموبايل وندمت اني ما أخدتش كاميرا...
يومين وهتكلم عن العين والشارقه اللي الناس ناسينهم مع ان فيهم كتيييير ..
وقريبا نلتقي في دولة أخرى لكن أوروبية...
#متعة_السفر
هلا والله تاني...
أولا:بالنسبه لجملة دبي وتكلفه بسيطه اللي الناس استغربتها...أنا واحد من الناس لاعندي حساب في بنك ولا أملاك لكن أنا مابحبش اللي يسافر ويقول التاكسي ب 5$ مثلا يعني 5*20= 100 جنيه مصري...! ذنبهم ايه دول العالم ان عملتنا عايمه؟! =D
يعني مثلا ازاة المايه الصغيره في الامارات بدرهم واحد ! بالنسبه لنا كمصريين 5 جنيه .. هما مطالبين يخلوها بكام عشان يناسبنا ؟!! الأسعار ممتازه بالنسبة لأهل البلد..
بص لو حسبتها كدا والله لا انت شاري حاجه ولا مسافر أصلا...
ثانيا: أنا كلمت صاحب شركة سياحه في الامارات هو اللي طلعلي الفيزا ب 3000 جنيه ودا لأني طالب ومنهم تأمين...
أنا سافرت من مطار برج العرب ودي كانت بداية محزنه ولولا ان عندي اصرار أسافر والله لكنت رجعت ! الرحلة كانت الساعه 6:30 مساءا
وصلت المطار الساعه 3 العصر خلصت اخر تفتيش اللي قبل دخول الطياره الساعه 6:20 !!! ودي أول حاجه اتعلمتها (روح المطار على بيات =D ) ومع ذلك التفتيش عشوائي جدا ...
ثانيا: وصلت #مطار_دبي الحمد لله وهنا كانت المفاجأة ... مطار عملاق ماشاء الله وأول مابتنزل من الطياره في باصات بتوصل الركاب لداخل المطار حيث المترو اللي هيوصلك للجوازات ثم استلام الحقائب.. مطار عباره عن مجمع أو مدينة =D ومنه اشتريت خط DU ب 55 درهم اسمه خط سياحه صلاحيته 3 شهور ...
بالنسبة لايجار الفندق كانت الليلة ب 500 أو 600 درهم ودا لأني واصل ليلة رأس السنه..
في العادي الايجاربيوصل ل 150 درهم في الليلة ودا بالنسبة للشقق الفندقية برضه ولو 3 تقدروا تشتركوا فيها ....
أنا بقى عملت حاجه غريبه وحظي طلع كويس ... اتعرفت على شاب مصري وشاب سوري وانا بلف على شقه وصمموا اقعد معاهم في الاستوديوا اللي عايشين فيه =D وبالفعل قعدت معاهم !
ثالثا : #بالنسبه_للمواصلات ابعد عن البنغاليين اللي شغالين على عربيات ملاكي لأنهم بيأفورا في السعر مشوار ب 120 درهم قالولي ب 160 ولما رفضت قالوا 120 والاخر ركبت الباص ب 20 درهم .. خليك في الباصات لو هتنتقل من مدينة لمدينه (التذكره ب 20 درهم وب 25 درهم ) وبالنسبة لدبي المترو بيوديك أي مكان هتزوره ومن نضافته مش هتحب تنزل منه (كارت المترو ب 25 درهم بيكون مشحون ولما يخلص بتشحنه ب 5 درهم وكل المحطات متاح فيها الشحن جمب بوابات الدخول) ويوم ماتتزنق استخدم التاكسي الوطني (شغال بعداد وسواقين لابسين يوني فورم وقمة في الرقي) والتاكسي فيه شاشه متسجل فيها اسم السائق وكود له ولو تخطى السرعه المحدده بتوصله رساله صوتيه تطالبه يهدي...وكل المواصلات ممنوع فيها الاكل والشرب والغرامة 200 درهم ...
واشارات المرور تحب انك تقف فيها والطرق مصممه بشكل يناسب المشاه ولو التزمت بخط المشاه الطريق كله بيقف لك مجرد ماتنوي تعدي الطريق وبتحس انك وزير معدي ...! ولو مالتزمتش بالاشارات بتدفع غرامة 200 درهم فورا وحصلت كتير بس مش معايا الحمد لله لأني كنت مستمتع بالاتزام اللي في البلد ...
الصرافات موجوده في كل مكان وال 100 دولار = 365 درهم ...
رابعا : #الاماكن اللي زورتها لحد انهارده ...
1_ دبي مول ومافيه من ( برج خليفة والحديقة المائيه والنافورة والاكوادريم) دخول المول والحديقة المائية مجانا ومنها بتشوف النافوره والبرج .. لكن تذكرة دخول البرج 200 درهم وتذكرة دخول الاكوادريوم على حسب الجوله (100 درهم و 120 درهم و 150 درهم)
2 _ المارينا مول في #أبو_ظبي وقصاده على الناحيه التانيه من الطريق #شاطيء المارينا ودا أروع مما تتخيل ومنطقة المارينا كلها أبراج ومباني خرافه في التصميم ...
3 _ #مسجد الشيخ زايد بن سلطان آل نهيان ب أبو ظبي (متكلف ياجماعه ومصروف عليه ببزخ =D )
السياح السيدات بيوصلوا المسجد قالعين حاجات ولابسين حاجات =D لكن داخل المسجد الكل لابس اسدال ودا بتوزعه عليهم ادارة المسجد اجباري .... وطبعا الكل بيخلع حذائه ..
المسجد فيه أكبر سجاده يدويه مصنوعه داخل المسجد بدون فواصل ونجف يقال انه الأغلى في العالم... وبساحة المسجد زي حمامات سباحه مزينه المسجد بشكل يبهر .. وكمان في مكتبه ماحدش دخلها من السياح غيري في اليوم اللي كنت فيه هناك مع ان فيها كتب عملاقه ومجلدات ورسومات للقران الكريم بالخط الكوفي من قديم الأذل ...
الموضوع ده كلفني من أول الفيزا مرورا بتذاكر الطيران وأكل ومواصلات وخروجات الى الان 10,000 جنيه بس =D يعني 7 أيام (من وجهة نظري مش كتير على دولة زي الامارات ! )
كفاية كدا عشان طولت عليكوا والصور هتحكي اللي شوفته رغم انها بالموبايل وندمت اني ما أخدتش كاميرا...
يومين وهتكلم عن العين والشارقه اللي الناس ناسينهم مع ان فيهم كتيييير ..
وقريبا نلتقي في دولة أخرى لكن أوروبية...
#متعة_السفر
بس الفكره مش في حساب الفلوس الفكره ان الواحد بيستكتر انه يدفع المبلغ ده علي دوله عربيه حتي لو هي دبي من منطلق " طالما كدة كدة هدفع يبقي ادفع في دوله اوروبيه احسن "