معلش كنت عايزة اسأل لو حد كان مسافر قبل كده و...

  • بادئ الموضوع بادئ الموضوع Rana Gaber
  • تاريخ البدء تاريخ البدء
عرض العطلة
R

Rana Gaber

:: مسافر ::
#1
معلش كنت عايزة اسأل لو حد كان مسافر قبل كده و شنطته اتأخرت و ماوصلتش غير بعد 3 ايام .. حد اخد تعويض من شركة الطيران ؟ و بيبقى في حدود كام ؟
 
#2
انا سافرت مع مصر للطيران وشنطتى اتاخرت اسبوع ولما استلمتها وفتحتها لقيتهم خدو منى علب التونة واللانشون :D
 
#4
معتقدش يا رنا.. و حسب الشركة برضة في شركات محترمة بتعتذر للعميل و تعوضة من نفسها ب voucher حتى لو بسيطة و في شركات سيئة ساعات مش بتعوض حتى لو حاجتك ضاعت اساسا و بيدوخوكي
 
عرض العطلة
#6
كان معايا حد اجنبي من أسبوع وحصل معاه كده شنطته تأخرت ووصلت بعد اربع ايام لما طلب تعويض سالوني الفتره دي هل اشتري اي ملابس ومعاه فواتير بيها او لا ؟كانت الاجابه لا عشان كده دفعوا له تعويض 200 جنيه وهو راجع بلده
 
#8
انا قرأت في اكتر من مره كل ما بحجز اي تذكره طيران دايما بيبقي في بنود تخص تأخير الشنط و التعويض الممكن يرجعلك .. بس ده بيتحدد حسب كل شركه طيران و لازم تكوني دافعه رسوم التأمين علي الشنط عشان تقدري تطالبي الشركه بالتعويض المذكور في اللائحه بتاعتهم و لكن لو مش دافعه الرسوم الاضافيه دي مش هتقدري تاخدي منهم حاجه
 
#9
لا طبعا انت تحمدي ربنا ان الشنطه رجعت حصلت معايا مره وكان فيها ساعه غاليه بس وصلت سليمه الحمدالله بعد تلات ايام
 
#10
لو السؤال عن مصر فمعنديش معلومة ... بس عموماً ليا صديق خد بدل ضرر نفسي لما شنطه اتأخرت في اليابان ولو ان الرقم مكنش كبير ... واستلم شنطه في نفس اليوم
 
عرض العطلة
#11
حصلت معايا مرتين
الأولى اتاخرت ٣ ايام خدت تعويض ٥٠ دولار عن اليوم يعنى ١٥٠ دولار وده الحد الاقصى على فكره
والمره التانيه لما نزلت مصر اتاخرت يوم وكنت فاكر انى هاخد برضوه ٥٠ دولار عن اليوم ادونى ٢٠٠ جنيه
المهم المحضر الجميل اول ما تنزل ومتلقبش الشنطه
الخطوط الجويه القطريه
 
عرض العطلة
عرض العطلة
أعلى أسفل
عودة
قائمة