انا مسافرة الهند بس حيبقى فيه ترانزيت فى...

[Mahy Mohamed Ali]

انا مسافرة الهند بس حيبقى فيه ترانزيت فى الكويت ... انا اول مرة اسافر ترانزيت وانا عارفة ممكن يكون سؤال غبى بس انا خايفة الشنط تضيع او متوصلش الهند فانا كنت حابة اخد شنطة صغيرة وادخل بيها الطيارة فالمسموح حجمها يكون قد ايه؟؟

 

[Moataz EL Lord]

هاند باج 7 كيلو

 

[Abdelrahman Atta]

على فكره مش سؤال غبي
وبتحصل كتير

وتفكير سليم ان يكون معاكي لبس احتياطي فالهاند باج

وممكن كمان شنطة اليد تبقى كبيره بتشيل حاجات برضه ومش بتتوزن

 

[Mohammed Farahat]

على حسب خطوط الطيران اللى انتى طالعه بس اكتر حاجه ١٠ كيلو ومتقلقيش كله هيوصل

 

[Shaimaa Shrief]

توصلي بالسلامة ان شاء الله متقلقيش هيوصلوا ان شاء الله طالما خطوط طيران كويسه وخدي شنطة ع الطيارة صغيره7 كجم عادي بس متبقاش مكلكعه... رايحة فين في الهند بقي انا كنت هناك؟؟؟

 

[Israa Abd El Rahman]

بصي هو انا مش قصدي اخوفك
بس الأحسن تعملي حسابك
ترانزيت الكويت يعني غالبا يا الكويتية يا الجزيرة
و الجزيرة من شهرين كدا اعرف ناس كانت راجعة من الكويت لاسكندرية
و الشركة نسيت اصلا ترفع الشنط في الطيارة و عملوا محضر و الشنط جت في يوم تاني

دي حادثة فردية مش ده الغالب او الطبيعي
لكن طالما خايفة يبقى الحرص واجب

 

[TaTa Mustafa]

رايحة امتة ياقمر ؟

 

[Tawfik Azer]

٧-٨ كجم بالاضافة الى والكبيرة ٢٣ كجم

بعض الأشياء ممنوعة فى الشنطة الصغيرة

 

[Mohamed Abou ElKheir]

الترانزيت كام ساعه
حصلي مشكله مع طيران الكويتيه عشان الترانزيت كان كتير ولازم احجز فندق في المطار اجباري
كنت مسافر الهند بردو

 

[Khaled Seif Mahdy]

لو كان معاكي فيزا كويت تعالي نورينا هنا و٧ كيلو ٨ عادي المهم حجمها اسألي وفي المحل عارفين

 

[Mahy Mohamed Ali]

يعنى كدة الاحسن و الامن اخد شنطنتى معايا على الطيارة ‍

 

[Khaled Seif Mahdy]

مفيش قلق بس ٨ كيلو دول ولا حاجة واذا في لا قدر الله ضياع لاي حاجة بتتجاب بسيطة ماتقلقيش