Pyramisa Sahl Hashish حبيت انقل تجربتي بعد ما...

[Shimo Raouf]

Pyramisa Sahl Hashish
حبيت انقل تجربتي بعد ما سالتكو عن رايكو فالفندق واختلفت الاراء توكلت على الله وحجزت 5 ليالي وكانت الملاحظات كالآتي:
1 حجزت من على بوكينج الليلة بحوالي 1600 جنيه الفندق زود علية حوالي 100 جنيه عشان فرق سعر الدولار
2 الفندق نفسه مرافق ومباني حلو ونظيف وموقعه مميز بالنسبة لبقية فنادق سهل خشيش
3 الخدمة زففففففت لا روم سيرفس بيردو والاوضة فضلت يوم كامل متتنظفش ولما بنطلب حاجة بتييجي بعدها بكتتتتييييير
4 الأكل متواضع جدا ومتكرر
5 رغم اني حاجزة all inclusive حاسبوني عالعصير الفريش ب 30 جنيه
6 لأول مرة اشوف فندق مش فمصر فالعالم كله يحاسبني عالمكواة والمفاجأة الساعة ل 50 جنيه !!!
7 من مميزات الفندق الانميشن تيم دايما موجودين صبح وليل بيعملو أنشطة
الحمدلله اسمتعت انا واسرتي لان سهل حشيش جميلة لكن مش هكرر زيارتي للفندق ده

تعديل
نسيت اشكر الجروب انه عرفني ان في كريم في الغردقة ووفر علية كتير عشان اروح الاكواريوم في عربية الفندق كانت هتاخد مني 400 جنيه وكريم خد مني رايح جاي 110 جنيه

 

[Menna Elmahdy]

ezay all iclusive w 3asyr bfloos ?

 

[Eman Nabil]

العصائر الفريش فى كل الفنادق يفلوس لوحدها

 

[Paula Emad]

Mina Victor

 

[Ramy Rezk]

هل الشاطى رملي

 

[Mayoy Hager]

Walid Riad مش لوحدنا ههههههه Mahmoud Mowafak

 

[Mayoy Hager]

Mohamed Sakr شوفت

 

[Rehab Trahony]

بيأجروا المكواه؟!! هاااااار احوس

 

[Mohamad Barakat]

معاك في كل اللي حضرتك قلتو بس اي عصير فرش بيكون بحساب لحاله ده موحود في كل الفنادق اللي رحتها

 

[Islam Mohamed]

طب ما انا قولت كده قولتوا عليا زياط وراجعوا الكونتس.
انا فاكر ان حد راهني علي عشه جنيه. دا انا طلع عيني فيه مع الزباين

 

[Ahmed Adel Hamza]

انا بروحه من 2009 وللأسف كل سنه للأسوء :/ السنه ده مبنى 3 مفهوش ولا اسانسير شغال الكلام ده خلال اقامه من 12/7 ل 19/7 وكان ردهم ان الفندق بيتعمله صيانه كامله معلش بقا :/

 

[Dalia Hamdy]

Mego Mesho

 

[Ayman Ahmed]

كل العصائر الفريش not included

 

[Nehal Ahmed]

تروبيتال سهل حشيش شاطئ رملي ولا صخري يا جماعة

 

[Amr M. Sultan]

العصير الفريش و القهوة الاسبرسو و القهوة التركي و المكواة و المغسله كلها حاجات خارج all inclusive

 

[Mina Nageh]

معلومة بسيطة العصائر الفريش بيتحاسب عليها فى اي فندق
العصائر الجاهزة زي تانك او المياة الغازية لا يحاسب عليها داخل all inclusive

 

[Nehal Ahmed]

ممكن صورة الشاطئ علي الطبيعة

 

[Walid Riad]

مش عندي غير الpool وشكل الفندق لاني مكنتش باخد الموبايل علي البحر

 

[Noha Aboelsoud]

Hossam Badran اول نقطه

 

[Rofida Tallat]

هي فعلا الخدمة وحشة والاكل وحش جدا وبسبب عدم النظافة جالي ميكروب