في اسطنبول
خليك في منطقة السلطان أحمد
و ابعد تماماً عن تقسيم لانك بالليل مش هتعرف تنام من الاصوات العالية بتاعة الملاهي الليلية
الاماكن اللي تزورها في اسطنبول
١- مسجد السلطان أحمد [ الدخول مجاني ]
٢- متحف أيا صوفيا [ سعر تذكرة الدخول ٤٠ ليرة ]
٣- قصر توبكابي [ سعر تذكرة الدخول ٤٠ ليرة ]
٤- متحف اسطنبول الاسلامي [ سعر تذكرة الدخول ٣٠ ليرة على ما اذكر ]
٥- خزانات المياه [ سعر تذكرة الدخول ٣٠ ليرة و نصيحة ملهوش اي لزمه من رايي ]
الاماكن اللي فوق كلها تقدر تزورها في يوم واحد
٦- جواهر مول - بتروحه من المترو خط M2 و انزل محطة
Sisli Mecidiyekoy
و المول ليه مدخل من المترو
٧- خليج البسفور و ده تقدر تروحله من محطة Eminonu و سعر التذكرة علشان تركب العبارة و تروح لمنطقة مش فاكر الصراحة اسمها اللي هيا الوجهه النهائية
٢.٨٠ ليره
و في محطة امينونو تحت الكوبري اللي بيعدي على الخليج فيه مطاعم اسماك كويسه جدًا
من محطة امينونو ايضاً تقدر تروح السوق المصري و تشتري اللي انت حابه
٨ - Konak Cafe
مقهى حلو جدًا و قريب من Galata Tower
تقدر تروح تاخد كافيه
الاسعار معقوله جدًا
و الوصول اليه من المحطة اللي قبل Eminonu مباشرة
بس للاسف مش متذكر اسمها
التنقل :-
اول ما تنزل اشتري كارت الترام
و اشحنه
سعر التذكرة بـ ٢.٤٠ ليره لكل خط على حده
تواجدك في منطقة السلطان احمد هيوفر عليك نوعاً ما شوية
حمّل Offline Map لتركيا كلها او اسطنبول
و مش هتحتاج تشتري خط
كويسه جدًا و هتساعدك في انك توصل لاي شيء بسهوله
