لو سمحتوا انا بشتغل فى الامارات روحت هولندا...

[Sahr Ahmed]

لو سمحتوا انا بشتغل فى الامارات روحت هولندا سياحة وسافرت مرة تركيا .. بس قدمت على فيزا أمريكا للاسف اخدت رفضت
انا عارفة ان امريكا موضوع حظ اكتر مما هو تقديم اوراق زى الشينجن .. بس سؤالى لو حد حصل معاه كدة ايه الحل مع العلم ان حساب البنك والراتب كويسين جدا جدا بس هو مطلبش مني اصلا اوراق سألتى سافرتى في مكان قبل كدة وهتسافري ليه وهتروحي فين هناك وبعدين اخدت ورقة رفض انه مش مقتنع انى فى حاجة تخليني ارجع .. سؤالي فى حاجة ممكن اعملها لما اقدم تانى ؟
وتاني سؤال لو حد جرب .. هل لو اخدت الورق بتاعي وقدمت من مصر هتكون فرصتي افضل لانه هيشوف حساب البنك و كدة ؟

 

[Hend Salem]

نظام التقديم فى الامارات هو نفسه نظام التقديم فى مصر و فى اى مكان بالعالم
قرار القنصل اللى بيعمل المقابلة بيتوقف على المعلومات فى الابليكيشن اللى بتمليه اون لاين و على الانترفيو ... و نفس الشئ فى مصر مش بيشوف ورق الا لو عايز يشوف حاجة ... نظام البصمة بيربط قاعدة البيانات فى السفارات كلها ببعض ... لو مش مقتنع بانك هترجعى يبقى ماقدرتيش تقنعى اللى عمل المقابلة بروابط الاجتماعية ...

 

[Hassan EL-Banna Mahmoud]

و من وجهة نظري الشخصية قد يكون التقديم من مصر أصعب مش أسهل و الله أعلم.

 

[Abdel Hamid Elbeltagi]

نفس السيناريو حصل معي وانا مقيم بدبي وانرفضت اول مره وخدتها تاني مره معي أني سافرت اوروبا كلها

 

[Abo Ali]

ممكن تبقى مل حاجه سليمه بس هو مش مسمزحله باعداد كبيره لان ترامب مضيقها على السفر عموما من الشرق الاوسط ممكن تقدمى تانى و تتقبلى

 

[Abdelrahman Atta]

المفروض اللي قضى سنتين شغل فالخليج ومعاه إقامه على الاقل سنه كمان فنفس البلد الخليجي
ومقدم ورق الشغل وحساب البنك مظبوط بياخد تأشيرة امريكا بدون مشاكل

 

[Mohamed Omaira]

يا شباب هل فيه جروب للاعلام المونتاج( المونتير) وبه منح للدراسه خارج مصر تقدير جيد جدا

 

[Mohamed Abuhasswa]

حاليا فيه رفض كتير للمصريين اللى عايشين فى الخليج بسبب الاوضاع فى مصر

 

[Mohamed Abuhasswa]

ده بوست من جروب تانى

 

[Mohamed Hikal]

الحمد لله انا أخدتها بعد ترامب الموضوع مش راتب مش حساب بنكي الموضوع مصداقيه مع سفريات كتيره انا بالنسبه لي الانترفيو ما أخذ وقت 3 دقايق تسافر أمريكا ليه قولتله سياحه سافرت فين قبل كده قولتله هولندا بلجيكا ايطاليا تركيا فرنسا سويسرا وكل بلد أقوله التاريخ وكام يوم قعدت

 

[Mahmoud Abd El Samad]

حصل معايا نفس الكلام من شهر

 

[Tarek Mohamed]

وانا أخدتها عادي من أقل من شهر

 

[Hany Abd El Moniem]

Ahmed Eid common issue

 

[TaHa Hosny]

هي الناس الي اترفضت خدت فلوس الفيزا تاني ولا شكرا كده ؟

 

[Mohamed Hikal]

مفيش فلوس بترجع

 

[Ahmad Sameh]

انا خدتها خمس سنين من اول مزه عادي و لسه شغاله لحد شهر ٧ ٢.١٨

 

[Essam Elmasry]

من تجربتى الشخصية لازم تقدمى علي اد ماتقدرى أوراق تثبت ملكيتك لاى حاجة.... سجل تجارى لشركتك... رخصة عربية باسمك... عقد ملكية شقة فى اى مكان سواء مصر او غيرها... assets evidences .... وقدمى تانى من الإمارات