R
Rony Abo Elnasr
:: مسافر ::
مساء الخير عاوزة احكيلكم عن تجربتى مع الحجز على بوكينج
انا حجزت على بوكينج يوم السبت على فندق ليلى لاند بيتش كلوب الغردقه لمدة ٥ ليال و كان السعر ٥٩٦٣ جنيه مصرى
انا وصلت الفندق لقيت الحجز موجود فعلا طلبت من الرسبشن اتفرج على الغرفه قبل ما ادفع و فعلا اتفرجت على الغرفه لقيتها بدائيه جدا حتى فيها تليفزيون قديم ١٤ بوصه و حاطين كنب للاولاد يناموا عليه مش سراير رقم الغرفه واسعه و تنقسم من الداخل لغرفتين و من الخارج شكل المبنى زى بيوت اسوان و سيوة بالظبط طبعا الفرش كان عادى خالص المهم أن زوجى سأل الرسبشن فى اى غرف مستواها اعلى شويه كان الرد للاسف مافيش اماكن الاوتيل كومبليت
و عشان زوجى مايكسرش بنفس الولاد وافق و خلاص على الغرفه
المهم جه وقت الدفع لقينا الرسبشن بيطلب ١٠٦٥٠ جنيه
طبعا قولتله انا حجزه ب٥٩٦٣ شامل كل حاجه
كان الرد أن الحجز مش شامل الاطفال و لا الضريبه المضافه و لا ضريبه المدينه و ضرايب كتير لسه مش مضافه طبعا كانت مفاجاه لينا لان الفندق لا يستاهل حتى نجمتين و خساره ادفع مبلغ كبير زى دة فى فندق بسيط زى ليلى لاند
طبعا مشينا عشان ندور على اى فندق اخر حتى لو بنفس المبلغ الاولانى أو حتى ٣ ليال بس للاسف كان كل الاوتيلات فى الغردقه كومبليت و للاسف رجعنا تانى القاهرة
# اسفه للاطاله بس حبيت اعرفكم قبل ما تسافروا أو تحجزوا اتاكدوا من الحجز و المبلغ بالتليفون
# شكرا للجروب الجميل اللى بيساعدنا فى اى حاجه تخص السفر
انا حجزت على بوكينج يوم السبت على فندق ليلى لاند بيتش كلوب الغردقه لمدة ٥ ليال و كان السعر ٥٩٦٣ جنيه مصرى
انا وصلت الفندق لقيت الحجز موجود فعلا طلبت من الرسبشن اتفرج على الغرفه قبل ما ادفع و فعلا اتفرجت على الغرفه لقيتها بدائيه جدا حتى فيها تليفزيون قديم ١٤ بوصه و حاطين كنب للاولاد يناموا عليه مش سراير رقم الغرفه واسعه و تنقسم من الداخل لغرفتين و من الخارج شكل المبنى زى بيوت اسوان و سيوة بالظبط طبعا الفرش كان عادى خالص المهم أن زوجى سأل الرسبشن فى اى غرف مستواها اعلى شويه كان الرد للاسف مافيش اماكن الاوتيل كومبليت
و عشان زوجى مايكسرش بنفس الولاد وافق و خلاص على الغرفه
المهم جه وقت الدفع لقينا الرسبشن بيطلب ١٠٦٥٠ جنيه
طبعا قولتله انا حجزه ب٥٩٦٣ شامل كل حاجه
كان الرد أن الحجز مش شامل الاطفال و لا الضريبه المضافه و لا ضريبه المدينه و ضرايب كتير لسه مش مضافه طبعا كانت مفاجاه لينا لان الفندق لا يستاهل حتى نجمتين و خساره ادفع مبلغ كبير زى دة فى فندق بسيط زى ليلى لاند
طبعا مشينا عشان ندور على اى فندق اخر حتى لو بنفس المبلغ الاولانى أو حتى ٣ ليال بس للاسف كان كل الاوتيلات فى الغردقه كومبليت و للاسف رجعنا تانى القاهرة
# اسفه للاطاله بس حبيت اعرفكم قبل ما تسافروا أو تحجزوا اتاكدوا من الحجز و المبلغ بالتليفون
# شكرا للجروب الجميل اللى بيساعدنا فى اى حاجه تخص السفر