السلام عليكم ... الاستفسار بخصوص برنامج رحلة...

[Amir Salah Taha]

السلام عليكم ...

الاستفسار بخصوص برنامج رحلة كامل ٧ ايام الاقصر و اسوان و يومين او ٣ ايام مزارات سياحية اثريه و اسلاميه في القاهرة

الموضوع باختصار ان ليا اصدقاء (عرب) عايزين يزورور مصر لاول مرة و حددو شهر ٣ او ٤ القادم و الغرض من الزيارة هو الاماكن الاثرية و الاسلاميه القديمه و طلبو مني ارشحلهم برنامج كامل للزيارة شامل المزارات المقترحه و الفنادق اللي يحجزو فيها (ميكونش حد اشتكي منها قبل كدة) و شركات السياحه ذات السمعه الطيبه اللي يقدرو حرفيا يتكفلو بكل تفاصيل الرحلة و الانتقالات و المرشدين من الالف الي الياء

للاسف انا شخصيا مارحتش الاقصر و اسوان قبل كدة فعايز نصايحكم من خلال تجارب شخصيه عشان الناس تزور مصر و تتبسط و مايخدوش انطباع سيء بسبب شركة سياحه او فندق دون المستوى

 

[Amir Salah Taha]

علي الاقل حتي اسامي شركات السياحه المضمونه

 

[Amir Salah Taha]

و هل حجز الاوتيلات الافضل يعملوه اونلان لوحدهم قبل ما يوصلو و لا يحجزو تبع شركة السياحه و الشركه هتعرفهم المتاح ليها علي حسب اتفاقها مع باقي الفنادق ؟

 

[Akram Omda]

ممكن تحجز لهم نايل كروز الاقصر اسوان 4 ايام 3 ليالى حاجه رائعه زى سونستا طبعا تشمل اقامه ورحله نيليه من الاقصر الى اسوان او العكس وايضا شامله المزارات . كمان تضيف عليها جوله بالحنطور داخل المدينه فى الاسواق

 

[Akram Omda]

لو عايز رحله ممتعه وفيها فخامه لا تنسى ممكن اخحز يوم او اتنين قبل النايل كروز فى فندق ونتر بالاس ودا مبنى قديم غالى ومبنى جديد اقل فى السعر ازور الحاجات الى خارج برنامج النايل كروز زى الصوت والضوء واحجز فى اسوان يومين فى كتاركت برضو مبنى قديم اغلى وجديد اقل فى السعر وازور السد العالى وغيره وطبعا فيه فنادق كتير حلوه وارخص بس دول والنايل كروز هما اعلى حاجه لو مش هتفرق معاهم الفلوس